HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 49 2390 1-Hilâl-i Ahmer'in 1340 [1924] gâyesine kadar idâme etdirdiği verem barakaları nâmındaki teʼsîsâtın daha münâsib bir şekilde idâmesi lâzımdır. Binâenaleyh sirâyet tehlikesine mebnî tecrîd olunması lâzım gelen ağır müteverrimlerin ıztırâbâtına medâr olmak ve nekâhethâne şeklinde olma- mak sûretiyle ve Anadolu'dan da son günlerde pek çok vereme mübtelâ hastanın gelmesinden dolayı ayrıca müstakil bir yerde Hilâl-i Ahmer'in mikdâr-ı kâfi yatağı hâvî bir verem hastahânesi açmasını teklîf eyleriz. 2-Pullar hakkında Sabur Sami Bey'in takrîrini okuyorum. Hilâl-i Ahmer'e mahsûs pulların güm- rüklerde, müstaʻmel beyânnâmede, bordro, manifesto ve kâtib-i adllerde, müstaʻmel vekâletnâmede, kefâletnâme, îcâr ve istîcâr mukâvelenâmeleri gibi evrâka ilsâkının mecbûrî bir şekle ifrâğını arz ve teklîf eylerim, efendim. 3-Yine Sabur Beyefendi'nin çocuk elbiselerine dâir olan takrîrleri vardır. Hilâl-i Ahmer anbâr- larında mevcûd olduğu idâre encümeninin raporundan anlaşılan çocuk elbiselerinin Himâye-i Etfâl Cemʻiyeti ile bi'l-müzâkere ihtiyâcları anlaşıldıkdan sonra [142] tevzîʻi husûsunun kongrece taht-ı karâra alınmasını arz ve teklîf eylerim. 4-Elaziz Murahhası Şükrü Bey'in takrîri: İdarî encümen raporunun beşinci faslında sulh zamâ- nına âid icrââtının hangi tarzda tatbîk edileceği meclis-i âlîden suâl buyurulmuşdur. Bunun için mu- fassal kayıd ve karârların vücûdu elzemdir. Sârî olmamakla berâber birçok tahrîbât yapan muhtelif hastalıklar vardır. Yalnız mütehassıs doktorların fikdânı dolayısıyla başka bir yerde tedâvîye gelmeğe kudreti olmayanlardan birçok telefâtı mûcib olmakdadır. Tıbbın usûl-i terakkiyâtından köylülerimi- zin istifâde etmesi gibi pek yüksek vazîfeyi Hilâl-i Ahmer Cemʻiyeti'nin derʻuhdesi ehem vezâifin- dendir. Hilâl-i Ahmer şuʻbelerinin tedkîkât ve işʻârı merkez-i umûmîden tazmînât-ı muʻayyene ile işʻâr vâkiʻ olan şuʻbeye mahsûs tabîblerin iʻzâmı ve vilâyet hastahânelerine gönderilen tabîb icrâ-yı faʻâliyet etdikden sonra avdetini teʼmîn için meclis-i umûmînin bu husûsda bir karâr iʻtâsını teklîf ve istirhâm eylerim, efendim. 5-Sabur Sami Bey ve rüfekâsının diğer bir takrîrleri vardır, efendim. İlk mekteblere müdâvim talebelerden fakîr olanlarının iʻâşesine dâir: Memleketde ilk mekteblere müdâvim talebeler meyânında görülen sabâhdan akşâma kadar bir şey ağızlarına koymadan vakit geçiren çocuklara Hilâl-i Ahmer lâzım gelen muʻâvenetde bulunama- dığı, büdcesi nisbetinde bu çocuklardan bir kısmının gündüzki iʻâşelerini teʼmîne çalışırsa çok büyük bir hizmet olur kanâʻatindeyiz. 6-Sadeddin Beyefendi'nin takrîrleri: a) Çırağan deposunda bulunan eşyâdan az veya çok mü- bâyaʻâtda bulunmak için evvel emirde Hilâl-i Ahmer Merkez-i Umûmîsi'ne mürâcaʻat olunarak pek uzun imtidâd eden muʻâmeleyi müteʻâkib esmânı teʼdiye ve ordinosu ahz olunarak mezkûr depoya mürâcaʻat ve orada da pek uzun muʻâmeleyi müteʻâkib mâl alınabilmekde olduğundan bu usûlün lağvıyla muʻâmelâtının ticârethânelerde olduğu misillü basîtleştirilerek eşyânın elden çıkarılması- nın tesrîʻi esbâbının istikmâli, b) Aʻzâ âidâtının tarz-ı cibâyeti fevkalâde basît olduğundan ondalıkla tahsîldâr istihdâmı sûretiyle âidâtın kolaylıkla tahsîlinin teʼmîni ber-vech-i bâlâ husûsâtı meclis-i umûmînin nazar-ı tasvîbine arz eylerim. 7-Bitlis Murahhası Arif Beyefendi'nin de iki takrîri vardır. Sırasıyla okuyorum: Bitlis'de mem- leket hastahânesi nâmıyla ve Vâlî Kâzım Paşa hazretlerinin muʻâvenetiyle otuz yataklık bir hastahâ- ne vücûda getirilmiş ise de Harb-i Umûmî dolayısıyla vilâyetin istîlâya maʻrûz kalması muhâsebe-i husûsiye ve belediye büdcelerinin tamâmıyla yardım edememeleri ciheti[y]le bu hastahânenin ya-