HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 49 2391 şayamayacağı anlaşılıyor. Hilâl-i Ahmer'in her tarafa muʻâvenetini bu gibi müessesât-ı hayriyenin yaşatmakda olduğunu şükrânla kaydederim. Cemʻiyetin harâb türâb olan Bitlis'e de dest-i muʻâve- netini uzatmasını ve bu hastahâneye büdcesi dâhilinde mümkün mertebe muʻâvenetde bulunmasının tasvîben merkez-i umûmîye teblîğini teklîf eylerim. 8-Azîz Türkiye'nin her tarafından Hilâl-i Ahmer Cemʻiyetleri teşekkül ve sâha-i faʻâliyete geç- dikleri hâlde Bitlis vilâyeti şimdiye kadar bu şerefden mahrûm kalmış idi. Vâlî ve Fırka Kumandanı Kâzım Paşa hazretlerinin irşâdâtıyla ihyâen Hilâl-i Ahmer Cemʻiyeti'nin teşekkülü möble ve ebniye teberruʻu ve iʻâne celb ü cemʻi husûsunda son derece müşârunileyhin hizmeti sebkat etdiğinden em- sâlinin şevkini tezyîd için nizâmnâmenin [143] ol bâbdaki mâdde-i mahsûsası mûcebince müşâruni- leyhin bir iftihârnâme ile taltîfini teklîf eylerim. Erzincan Murahhası Halil Beyefendi'nin de bir takrîrleri vardır. Onu okuyorum: 9-Hilâl-i Ahmer vâridâtını teksîr için köylerde birer anbâr ihdâsıyla hasâd zamânında zürrâʻ tarafından iʻâne sûretiyle verecekleri zahîreyi hıfz etmek ve senesi zarfında seylâb vesâir âfâtdan müteessir olacak muhtâcîne tevzîʻ edilmesi, ihtiyâc görülmediği sûretde satılarak Hilâl-i Ahmer'e îrâd kaydedilmesini teklîf eylerim, efendim". Fikret Bey: "-Usûl-i müzâkere hakkında söyleyeceğim. Okunan takrîrler, yapılması îcâb eden işler hakkında birçok temenniyâtı hâvîdir. Burada, kongrede bu bâbda bir karâr ittihâzı zannede- rim ki, merkez-i umûmînin faʻâliyetini işkâl eder. Takrîrlerde birçok insânî temennîler vardır. Hilâl-i Ahmer bunları yapabilirse çok bahtiyâr olabilir. Fakat belki parası müsâʻade etmez. Bunun müm- kün olanlarını ayırıp icrâ etmek üzere merkez-i umûmîye havâlesinin reʼye vazʻını teklîf ediyorum". (Muvâfık sesleri) Reîs: "-Okunan takrîrlerde mevzûʻ-ı bahis olan husûsât Fikret Beyefendi'nin buyurdukları gibi merkez-i umûmînin esâs vazîfesini teşkîl edecek şeylerdir. Merkez-i umûmî kongre müzâkerâtından mülhem olarak bizim arzumuz dâhilinde olarak faʻâliyet programını tesbît edecek ve önümüzdeki sene toplanacak olan umûmî heyʼete arz edecekdir. Tensîb ederseniz Fikret Beyefendi'nin teklîfi ve- chile bu takrîrlerin merkez-i umûmîye verilmesini reʼye arz edeceğim. Kabûl buyuranlar lütfen el kaldırsın. (Eller kalkar.) Okunan takrîrlerin heyʼet-i mecmûʻası ehemmiyetle nazar-ı dikkate alınmak üzere merkez-i umûmîye havâle edilmişdir, efendim. Müstahdemînin taltîfleri hakkında da iki takrîr var. Birisi Safiye Hüseyin Hanımefendi ve rüfekâsı tarafından veriliyor ki, şudur: Hilâl-i Ahmer meʼmûrlarına siyyânen birer maʻâş ve içlerinden mesâʻî iʻtibârıyla temâyüz edenlerine iki maʻâş nisbetinde ikrâmiye verilmesinin karâr altına alınmasını teklîf ederiz. Safiye Hüseyin, Celâl Sâhir, Abdülmecid, Burhaneddin, Memduh, Salih, Hamdi, Rana Sani Yaver". Reîs: "-Diğer takrîr de Sabur Sami Beyefendi ve rüfekâsı tarafından verilmişdir. Riyâset-i Muhtereme'ye, Geçen sene hüsn-i îfâ-yı vazîfe etdikleri encümen mazbatalarından anlaşılan merkez-i umûmî meʼmûrîn-i muvazzafasının üçer maʻâş nisbetinde mükâfât-ı nakdiye ile taltîflerini teklîf eyleriz. Sabur Sami, Sâim Ali, Mustafa Hulusi, Ferid Zühdü, Sadi, Ali, Raşid, Rasih, Burhaneddin". Reîs: "-Bu meʻmûrînin taltîfi mesʼelesi husûsunu zannedersem şimdiden karâr altına alabiliriz". Ali Paşa: "-Çocuklara yapılacak muʻâvenet mesʼelesi beşeriyetin teʼmîn-i kemâli mesʼelesidir.