HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 49 2399 demki geçen senenin büdcesi kayıd vardır. Bu kaydı bir mâddeyle, mâddenin bir fıkrası ile büsbütün kaldırmayı maʻnâsız buldum. Arkadâşlar, Hastabakıcı Mektebi'ni üç misline iblâğ edeceğiz diyorlar. Üç misline iblâğ demek yeni bir teşkîlâtdır. Her yeni teşkîlâtı burada söylesinler, istisnâ edelim. Yal- nız burada tasrîh edilmek şartdır". Hakkı Şinasi Paşa: "-Bu büdce zâten Mart'a kadardır, efendim. Bir senelik olmayacakdır. Nizâmnâme mûcebince Mart'da kongre olacakdır". Sabur Sami Bey: "-İnşâât dâhil olmayınca bir misli maksadı teʼmîn eder". Remzi Bey: "-Bendeniz ikinci mâdde için şu şekli teklîf ediyorum: Merkez-i umûmî âdî büdce dâhilindeki sarfiyâtı zarûret gördüğü takdîrde fevkalâde büdceden nakil sûretiyle iki misline iblâğ edebilir". Reîs: "-İkinci mâddenin bu şekilde olmasını kabûl edenler lütfen el kaldırsın. (Eller kalkar.) Ka- bûl edilmişdir, efendim. Âkil Muhtar Beyefendi'nin istiʻfânâmeleri vardır. Merkez-i umûmî nâmına onu okuyorum: Hilâl-i Ahmer Cemʻiyeti yeni bir devreye giriyor. Esâs nizâmnâmesi tebdîl edilmişdir. Mer- kez-i umûmînizin son ictimâʻında hâzır bulunan aʻzâlar tahaddüs eden vazʻiyet karşısında merkez-i umûmînin istiʻfâsını heyʼet-i aliyyeye takdîme karâr verdi. Maksadımız yeni merkez-i umûmînin intihâbını teshîl etmekdir. Bu husûsda bir karâr ittihâz buyurulmasını ricâ ederim. Merkez-i Umûmî nâmına Reîs-i Sânî Âkil Muhtar" Celâl Muhtar Bey: "-Umûmiyeti iʻtibârıyla merkez-i umûmînin istiʻfâsını veriyorlar. İstiʻfâ edenlerden birisi de ben bulunuyorum. Fakat istiʻfâ etmeyenler nâmına istiʻfâ doğru değildir". Reîs: "-Merkez-i umûmînin istiʻfâsını kabûl edenler el kaldırsın. (Eller kalkar.) İstiʻfâ kabûl edilmişdir, efendim". Celâl Muhtar Bey: "-Mesʼûldür istikbâlde. Zabta geçsin". Fikret Bey: "-Tabîʻî yeni merkez-i umûmî intihâb edilip işe başlayıncaya kadar mâdde-i mah- sûsası mûcebince müstaʻfî heyʼet vazîfeye devâm edecekdir". Reîs: "-Tabîʻî efendim. Vaktimiz kalmamışdır. Gelecek ictimâʻımızda yeni merkez-i umûmî intihâbâtı icrâ olunacakdır. Kendilerine çok ağır vazîfe vereceğimiz arkadâşlarımızı kuvvetle intihâb için lütfen rüfekânın teşrîf buyurmalarını ricâ ederim. Cumartesi günü ictimâʻ olunmak üzere celseyi taʻtîl ediyorum, efendim. Sâʻat 5". [153] İctimâʻ 7 8 Ağustos [1]341 [1924], Sâʻat 2, Dakîka 30 Reîs: "-Müzâkereye başlıyoruz, efendim. Zabt-ı sâbık okunacak. (Zabt-ı sâbık okundu.) Bir mütâlaʻa var mı efendim?" Ömer Lütfi Bey (İzmir): "-Efendim, geçen ictimâʻımızda Ankara murahhaslığı muʻâmelâtının teʼhîr-i tedkîki karârlaşmış değildi. O hesâbât zâten görülmüşdür. Yalnız Eskişehir-Ankara murahhas- lığından idâre raporunda bahsedilen kısmın müzâkeresi teʼhîr olunmuşdur. Bu vechile tashîhini ricâ ederim".