HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 49 2402 Sabur Sami Bey: "-Bunu da diğer takrîrler gibi merkez-i umûmîye havâle etmek lâzımdır". Mehmed Said Efendi: "-Şinasi Paşa hazretlerinin takrîri merkeze havâle edildi mi? Karâr veril- di. Bu da öyle olsun". Reîs: "-Fakat bu büdce mesʼelesidir. Büdceye taʻalluk eder". Mehmed Said Efendi: "-Paşa hazretlerinin takrîri büdceye taʻalluk etmez mi?" Reîs: "-Efendi hazretleri, siz muʻayyen bir mikdâr beyân etmiyorsunuz". Mehmed Said Efendi: "-Ben onu bilmem, muʻallimden beyân alınır. Paranın mikdârı ol vechile taʻayyün eder. Ondan sonra muʻayyen bir mikdâr taleb ederiz". Nezihe Hanım: "-Efendim, geçende teşrîflerinde arz etmişdim. Bu müessese bir büdcesiz, tah- sîsâtsız yaşamayacakdır. Müsâʻade buyurulursa bir büdce hâzırlayalım, merkez-i umûmîye arz ede- lim". Mehmed Said Efendi: "-İşte şimdi oldu!" Nezihe Hanımefendi: "-Efendim, kendilerine arz-ı şükrân ederiz, gelip gördükleri için". Reîs: "-Takrîr tasvîb buyuruluyor. Merkez-i umûmî bu müesseseyi yaşatacakdır. Tasvîben mer- kez-i umûmîye havâlesini kabûl edenler lütfen el kaldırsın. (Eller kalkar.) Kabûl olundu. Efendim, başka işimiz kalmamışdır. Şimdi otuz kişilik bir merkez-i umûmî heyʼeti, bir de üç kişilik tedkîk heyʼeti intihâb olunacakdır. Reʼylerinizi istiʻmâl buyurunuz. Ârânın tasnîfine kadar celseyi taʻtîl ediyorum". Celse 2 Sâʻat 4 Reîs: "-Efendim, celseyi küşâd ediyorum. İcrâ kılınan intihâbât netîcesinde tedkîk komisyonu aʻzâlıklarına 56 reʼy ile Gaziayıntab Mebʻûsu Remzi, 48 reʼy ile Giresun Mebʻûsu Kâzım, 55 reʼy ile Niğde Mebʻûsu Galib Beyefendiler; ihtiyât aʻzâlıklara elli beş reʼy ile Karahisar Mebʻûsu İsmail Hakkı ve Konya Mebʻûsu Fuad Beyefendiler intihâb olunmuşlardır. Merkez-i umûmî aʻzâlıkları için ihrâz-ı ekseriyet eden zevâtın esâmîsini de okuyorum: [156] Ahmed Fikri Bey Sıhhiye Vekâleti Müsteşârı Tevfik Beyefendi İçel Mebʻûsu Tevfik Kâmil Beyefendi Hâriciye Vekâleti Müsteşârı Hakkı Şinasi Paşa hazretleri İstanbul Mebʻûsu Hasan Beyefendi Trabzon Mebʻûsu ve Mâliye Vekîli Hulusi Beyefendi Sâbık Garb Cebhesi Sıhhiye Reîsi Rasim Beyefendi, Attârzâde Tüccâr Rahmi Beyefendi Sivas Mebʻûsu Rifat Efendi hazretleri Diyânet İşleri Reîsi Reşid Galib Beyefendi Aydın Mebʻûsu