HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 49 2403 Refik Beyefendi İstanbul Mebʻûsu ve Sıhhiye ve Muʻâvenet-i İctimâʻiye Vekîli Refik Beyefendi Konya Mebʻûsu Cemal Beyefendi, Nemlîzâde Tüccâr Şakir Beyefendi Çatalca Mebʻûsu Şakir Beyefendi Ankara Mebʻûsu Arif Beyefendi Tüccâr Ali Münif Beyefendi Adana Belediye Reîsi Ali Beyefendi Sâbık Ankara Belediye Reîsi Fikret Beyefendi Ertuğrul Mebʻûsu Fuad Beyefendi Dîvân-ı Muhâsebât Reîsi Kâzım Hüsnü Beyefendi Konya Mebʻûsu Mehmed Ali Beyefendi Hilâl-i Ahmer müessislerinden Bahriye mî- ralâylığından mütekâʻid, Tabîb Mahmud Beyefendi Siird Mebʻûsu Mustafa Beyefendi, Doktor İzmir Hilâl-i Ahmer Merkezi Reîsi Mustafa Beyefendi, Yelkencizâde Tüccâr Mustafa Beyefendi, Doktor Çorum Mebʻûsu Nafiz Beyefendi Erzurum Belediye Reîsi Neşet Ömer Beyefendi, Müderris Doktor Tıb Fakültesi Reîsi Nusret Beyefendi Hâriciye Vekâleti İstanbul Murahhası Veli Beyefendi, Ağazâde Tüccâr" [157] Reîs: "-Muhterem arkadâşlar! Hilâl-i Ahmer'in [1]341 [1925] senesi kongresi bugün nihâyet buluyor. İctimâʻa başladığımız günden beri rüfekâ-yı muhteremenin gerek umûmî meclis ictimâʻlarında ve gerek tedkîk ve tetebbuʻa taʻalluk eden encümen mesâʻîlerinde göstermiş oldukları alâka ve faʻâliyet cemʻiyetin istikbâlde mazhar olacağı inkişâf ve tekâmül için en kavî bir damân addedilebilir. Hanımefendilerin ictimâʻlara muntazaman devâm etdiklerini gören makâm-ı riyâset vazîfeye karşı hanımlar tarafından gösterilen samîmî ve ciddî alâkayı şükrân ile kaydetmek mecbûri- yetindedir. Fi'l-hakîka arkadâşlar herhangi bir iş için onun etrâfına toplananlar ve o işi derʻuhde eden- ler tarafından gösterilen samîmî, ciddî alâkalardır ki, o işi muvaffakiyete ve tekâmüle îsâl eder. Yakın senelerde memleketimizde teşekkül eden gerek husûsî ve gerek mâlî cemʻiyetler arasında Hilâl-i Ahmer Cemʻiyeti'nin intizâm-ı mesâʻî ve faʻâliyet husûsunda diğerlerine hakîkaten numûne-i imtisâl olacak derecede olduğunu kemâl-i fahr ile kaydetmek mecbûriyetindeyiz. Hilâl-i Ahmer işe başladığı târîhden iʻtibâren memleketin her köşesinde ve bilhâssa hâricde mesâʻîsi iʻtibârıyla cümlenin nazar-ı dikkatini celb etmişdir. Onun vezâif-i esâsiyesini, kendisi için uzun tedkîk ve münâkaşalardan sonra kabûl etdiğimiz nizâmnâmede eskisinden daha sarîh ve daha vâzıh bir sûretde tesbît buyurdunuz. O vezâif-i esâsiyeden biri Hilâl-i Ahmer'in maksad-ı teşkîli olan harb zamânındaki vezâifidir. Milletimiz uzun senelerden beri harb etmemek arzu-yı samîmîsine rağmen harbe sürüklendiği zamân Hilâl-i Ahmer Cemʻiyeti maksad-ı teşkîliyle mütenâsib olarak faʻâliyetini artdırmış ve herke-