HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 49 2406 Kongrece İcrâsı Merkez-i Umûmîye Tevdîʻ Kılınan Husûsât Kongrece icrâsı merkez-i umûmînize tevdîʻ olunan husûsâtdan birincisi, Hilâl-i Ahmer müd- deharında mevcûd lüzûmlu ve lüzûmsuz eşyânın bi't-tefrîk lüzûmsuz olanların elden çıkarılmasıdır. Merkez-i umûmî bu karâra tevfikan anbârlarımızda mevcûd eşyânın kısm-ı mühimmini mübâdele faʻâliyetine aynen tahsîs etmiş ve diğer bir kısmını da nakde tahvîl eylemek sûretiyle tasfiye etdiği gibi mütebâkî aksâmının da müsâʻid şerâitle elden çıkarılmasına gayret eylemekde bulunmuşdur. İkincisi, Hilâl-iAhmer merkez deposununMüdâfaʻa-i MilliyeVekâlet-i Celîlesi'yle bi'l-muhâbe- re Eskişehir'e nakli husûsudur. Merkez-i umûmî bu karâr mûcebince Eskişehir'de Karacabey'de kâin olup Hilâl-i Ahmer'in taht-ı tasarrufunda bulunan çiftlikde on iki cesîm pavyondan ve meʼmûrîn [160] ve motor dâireleriyle bir cesîm garajdan ve teferruʻât-ı sâireden mürekkeb bir müddehar vücûda getirmiş ve bazı nevâkıs-ı cüzʼiyesi müstesnâ tutulduğu hâlde inşâât hitâm bularak buraya İstanbul merkez anbârından eşyâ-yı külliye sevk ve iddihâr edildiği gibi Eskişehir'deki büyük anbâr mevcûdu da mezkûr anbâra nakil ve iddihâr olunmuşdur. Üçüncüsü, münâsib bir mahalde bir hastabakıcı mektebi teʼsîs edilmesidir. Bu karâra imtisâlen heyʼet-i merkeziye tanzîm etdiği taʻlîmâtnâme mûcebince iki sınıf üzerine müretteb bir hastabakıcı mektebi teʼsîsine karâr vermiş ve Aksaray'da Sineklibakkal'da Kadıʻasker Alibey Konağı nâmıyla maʻrûf hâneyi bu maksadla istîcâr ederek Şubat [1]341 [1925] târîhinde ted- rîsâta ibtidâr eylemişdir. Dördüncüsü, Anadolu'da Hilâl-i Ahmer teşkîlâtının tevsîʻi ve köylerde teşkîlât vücûda gelmesi- ni teʼmîn zımnında irdâşâtda bulunulması husûsudur. Hilâl-i Ahmer teşkîlâtının tevsîʻi husûsunda sarf edilen gayret mûcib-i memnûniyet netîceler vermişdir. Bu sâyededir ki, Hilâl-i Ahmer merkez veya şuʻbesi olmayan mahaller hemen hemen kal- mamışdır. [1]338 [1922] senesi bidâyetinde adedi 70'i tecâvüz etmeyen merâkiz ve şuʻabâtımız bugün 363'e bâliğ olmuşdur. Bunlardan her birinin derece-i mesâʻîsi ve teʼmîn eyledikleri vâridât ile mer- kez-i umûmîlerine vâkiʻ olan irsâlât ve muʻâvenetleri hulâsa-i hesâbiyelerinin aynen derci sûretiyle aylık mecmûʻamızda neşir ve iʻlân edilmişdi. Ancak hulâsa-i hesâbiyelerini nizâmnâme ve taʻlîmâtnâme mûcebince vakt ü zamânıyla gön- dermemiş olan merkez ve şuʻbelerimizle gönderdikleri evrâk-ı hesâbiyede görülen nevâkısın ikmâ- line intizâr edilmekde bulunanların netîce-i mesâʻîleri hakkında şimdiye kadar mecmûʻamızla iʻtâ-yı maʻlûmâta bittabʻ imkân görülememişdir. Bu gibi merkez ve şuʻbelerimizin gönderecekleri hulâsa-i hesâbiyelerin âtiyen mecmûʻamızda neşredileceğini ilâveten kaydeyleriz. Maʻamâfîh memleketin her tarafında teessüs eden ve halkın pek büyük rağbet ve teveccühüne mazhar olmuş bulunan Hilâl-i Ahmer teşkîlâtından meclis-i âlîlerinin arzu ve temâyülâtı dâiresinde aʻzamî istifâde edilememesine en büyük âmil, nizâmnâme-i esâsîmizin merkez ve şuʻbelerimizin merkez-i umûmî ile olan münâsebet ve derece-i merbûtiyetlerini ve cümlesinin aynı âhenk ve intizâ- ma muʻîn gâyelere müteveccih olarak sarf-ı gayret ve mesâʻî eylemelerini kâfil bulunmaması idi. Bu husûsda hayli müşkilâta maʻrûz kalan merkez-i umûmîniz, nizâmnâmenin bu nevâkısından ve bazı merkezlerimizin ahkâm-ı mevcûdeye tamâmî-i riʻâyete lüzûm görmemelerinden mütevellid mahzûrları taʻlîmâtnâmeler ve tahrîrât-ı umûmiyelerle izâleye sâʻî olmuş ise de arzu edildiği teʼsîri