HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 49 2407 lâyıkıyla teʼmîne muvaffak olamamışdır. Bu kere heyʼet-i aliyyelerinin nazar-ı tedkîk ve tasvîbine arz edilen muʻaddel nizâmnâmemizin alacağı şekl-i katʻînin âtiyen bi'l-umûm teşkîlâtımızda daha sıkı bir râbıta teʼsîsine ve daha muntazam bir tarz-ı mesâʻî taʻkîbine âmil olmasını temennî eyleriz. Beşincisi, sulh Hilâl-i Ahmer'i şeklinde çalışabilmek üzere bir mesâʻî programı tanzîm edilme- sidir. Heyʼet-i merkeziyeniz ihzâr ve takdîm etdiği nizâmnâme lâyihasının on üçüncü mâddesinde bu vezâifi ber-vech-i âtî taʻyîn ve taʻdâd eylemişdir: 1-Hastabakıcı yetiştirir. 2-Müstevlî hastalıklara ve verem ve sıtma ve çocuk vefeyâtı gibi âfât-ı ictimâʻiyeye karşı mü- câdelâta tahsîsâtı dâiresinde iştirâk eder. 3-Harîk-ı hâil, hareket-i arz, tuğyân-ı miyâh, kaht ve îcâbât-ı harbiye dolayısıyla muhâceret gibi âfât ve mesâibden biri vukûʻunda gıdâî ve sıhhî muʻâvenetde bulunur. 4-Cemʻiyetin esnâ-yı harbdeki vezâifini îfâya muktezî levâzım ve vesâiti ihzâr ve takarrür ede- cek mahallerde iddihâr eder. Merkez-i umûmîniz vezâif-i mezkûreden birincisini ahîren ilk hastabakıcı mektebi açmış ol- makla îfâ ve dördüncüsünü heyʼet-i aliyyelerinin karârı vechile sıhhiye-i askeriye ile bi'l-müşâvere Eskişehir'de hat güzergâhında müceddeden inşâ edilmiş olan müddeharlarımızda eşyâ ve malzeme-i mukteziyeyi iddihâr etmiş olmağla bir dereceye kadar teʼmîn [161] etdiği gibi âfâtdan birinin zuhûru hâlinde imdâd ve muʻâvenete muktezî levâzımı her an hizmete âmâde bulundurmak imkânına mâli- kiyetle de üçüncü fıkrada muʻayyen vazîfeyi îfâ eylemişdir. Şile, Sarıyer, Küre harîk-ı hâilleri ve Erzurum, Ardahan hareket-i arz ve denizli seylâbı, Aras nehri tuğyânı, Eskişehir, Afyon, Kütahya kaht felâketzedelerine vaktinde muʻâvenet-i lâzımenin îfâ edilmiş olduğunu misâl olarak zikrederiz. Mâddenin ikinci fıkrasını teşkîl eden müstevlî hastalıklardan hükûmetçe müttehaz tedâbîr-i fen- niye ve sıhhiye sâyesinde memleketimiz masûn bulunmakdadır. Maʻâzallah lüzûm ve ihtiyâc ânında cemʻiyet hükûmetin açacağı mücâdeleye aʻzamî vesâitle iştirâk ve muʻâvenetini vazîfe addeder. Memleketin âfât-ı ictimâʻiyesinden olan verem ve sıtma ve çocuk vefeyâtı hakkında hükû- metimizin ittihâz etmekde olduğu tedâbîre zamîmeten Hilâl-i Ahmer'e pek büyük vezâif tahammül etmekde ise de bunlardan hangisine ne tarzda ve nisbetde iştirâk edilebileceğini taʻyîn için cemʻiyetin istitâʻat-ı mâliye ve vesâit-i mevcûdesini ölçerek tahsîsât-ı lâzımeyi tefrîk etmeği merkez-i umûmîniz kendi salâhiyeti hâricinde gördüğü için bu bâbda meclis-i âlîlerinin ittihâz edeceği karâra ve vereceği meʼzûniyete göre tanzîm-i faʻâliyete âmâde bulunduğunu arz eder. Altıncısı, nizâmnâmenin taʻdîl veya yeniden tanzîmi keyfiyetidir. Heyʼet-i merkeziye mevcûd nizâmnâme-i esâsîyi başdan aşağıya kadar muhtâc-ı ıslâh gördü- ğü cihetle yeniden tanzîmini taʻdîle müreccah görmüş ve heyʼet-i merkeziyece görüldükden sonra kongre aʻzâsıyla heyʼet-i merkeziyeden müntehab komisyonca da tasdîk olunan nizâmnâme-i esâsî lâyihasını meclis-i umûmînin tasvîbine arz etmişdir. Yedincisi, Topkapı Sarâyı'nın civârındaki anbârların Hilâl-i Ahmer'e terki husûsunun hükûmet- den temennî olunmasıdır. El-yevm cemʻiyetimizin taht-ı işgâlinde bulunan Topkapı Sarâyı civârındaki anbârların cemʻi- yetimize terki mümkün olamayacağı gibi mezkûr anbârların hükûmete lüzûmu olduğundan dolayı