HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 49 2409 Bâlâda muharrer hidemât Hilâl-i Ahmer Cemʻiyeti'nin hâl-i hâzır siʻa-i mâliyesine nazaran mü- retteb bulunduğu ve cemʻiyetimiz mübâdele-i ahâlîye hizmet ve muʻâveneti vezâifinin en mukaddesi addetdiğinden bu husûsda memleketimizden vâkiʻ olacak iʻânâtla ve memâlik-i İslâmiye'den celbine beyânnâmelerle teşebbüs edeceği iʻânâtın kâffesini bu hizmete hasreyleyeceğini derʻuhde etmişdir. Fî 5 Haziran [1]339 [1923] İşbu mesâʻî programının birinci mâddesi mûcebince Yunanistan'daki irkâb iskelelerinin behe- rinde bulundurulacak heyʼet-i sıhhiyenin gerek teşkîlâtı gerek berâberinde bulunduracakları vesâit-i sıhhiye ve malzeme-i tıbbiye ile melbûsât vesâir eşyânın her iskeledeki derece-i lüzûm ve ihtiyâca göre ihzâr ve iʻzâmı iktizâ etdiğinden hem bu ihtiyâcın mahallî tedkîkâta müsteniden taʻyînini hem de Yunanistan'ın muhtelif merâkizinde îfâ-yı vazîfe edecek Hilâl-i Ahmer müessesâtının bir âhenk ve intizâm dâiresinde çalışabilmelerini teʼmîn için mübâdele umûrunun evvel emirde merkez-i sıklet ve idâresi olan muhtelit komisyon nezdinde bir murahhasımızın mevcûdiyeti pek fâideli görüldüğünden öteden beri muhtelif mahallerde ve Hilâl-i Ahmer'in mühim faʻâliyet sâhalarında murahhaslık vazîfe- sini îfâ etmiş olan Doktor Ömer Lütfi Bey iʻzâm edilmişdir. Mûmâileyhin merkez-i faʻâliyetde bulunması ihtiyâcât ve hâdisât-ı mahalliyeden merkez-i umûmînizin günü gününe haberdâr olmasını ve vâkiʻ olan işʻârât üzerine tedâbîr-i mukteziyenin sürʻat ve isâbetle ittihâdını teʼmîn eylemişdir. 18 Teşrîn-i Evvel [1]339 [1923] târîhinde geniş kadrolu bir heyʼet-i imdâdiye-i sıhhiye, bir has- tahâne ve müteʻadid dispanserler, aşhâne, kampman malzemesiyle bunlara muktezî eczâ-yı tıbbiyeyi ve muhtâcîn ve muhâcirîni ilbâs için mikdâr-ı kâfi melbûsâtı hâmilen husûsî bir vapurla Selanik'e iʻzâm edilmişdir. Müteʻâkiben lâzım gelen teşkîlât ve vesâit ile birer heyʼet-i sıhhiyemiz Hanya, Kandiye, Dra- ma, Kavala'ya ve bilâhare hâsıl olan ihtiyâc üzerine seyyâr aşhâne levâzımını da hâmilen Kayalar, Kozana'ya gönderilmişdir. Bu sûretle programın birinci mâddesinin ahkâmını icrâya kâfi teşkîlât hâl-i faʻâliyete getiril- dikden sonra sefâin-i nakliye derûnunda zuhûr edecek hastaların tedâvî ve tegaddîlerini ihtivâ eden ikinci mâdde mûcebince nakliyâta mahsûs vapurlar için tabîb ve hastabakıcı ve müstahdemîn-i sıh- hiyeden mürekkeb yirmi beş heyʼet-i sıhhiye bulundurularak muhâcirînin esnâ-yı seferlerinde dahi ihtiyâcât-ı sıhhiyeleri ve muhtâc olan kısmının da iʻâşeleri teʼmîn ve îfâ edilmişdir. Programın üçüncü mâddesi mûcebince ihrâc iskelelerinde de cemʻiyetimize şâyân-ı ehemmi- yet vezâif tahmîl edildiğinden iskân menâtıkı iskeleleri ittihâz edilen İstanbul, Ayvalık, İzmit, Tuzla, Samsun, Mersin, Antalya, Tekfurdağı ve İzmir'de 10-50'şer [163] yataklı birer hastahâne teʼsîs etmek üzere külliyetli mikdârda levâzım-ı sıhhiye ile çamaşır, battâniye ve ayakkabı gibi eşyâyı hâmil birer heyʼet-i sıhhiye gönder[d]iği gibi mezkûr iskelelerden menâtık-ı iskâniyeye sevk olunacak ahâlîden ihtiyâr, maʻlûl ve çocukların nakline mahsûs olmak üzere de dördüncü mâdde mûcebince ve teş- kîlâtıyla muktezî kamyon ve kamyonetler dahi menâtık-ı mezkûreye gönderilmişdir. Mübâdillerin muvakkat iskânlarını teʼmîn için dahi programımızın beşinci mâddesiyle taʻah- hüd etdiğimiz baraka ve çadırlardan Mübâdele Vekâlet-i Celîlesi'nin gösterdiği lüzûm üzerine muhte- lif menâtıka 3.399 çadır ve bini mütecâviz kebîr ve mücedded saç baraka gönderilmişdir. Bâlâda taʻdâd edilen müessesâtımız çizilen hutût-ı esâsiye dâiresinde faʻâliyetlerine devâm et-