HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 49 2410 mekdeler iken Yunanistan dâhilindeki kasabalar Türk ahâlîsinin birdenbire yurdlarını terk ve tahliye ve birbirini müteʻâkiben kâfileler hâlinde irkâb iskelelerine sevke icbâr edildiklerinden, bu sûretle Selanik Drama'da muhtas vesâit-i nakliyenin istîʻâbından pek fazla nüfûs tekâsüf etdiğinden, bunların sevkleri teʼmîn edilinceye kadar hâl-i intizârda kalan binlerce fukarâ-yı muhâcirînin ve gayr-ı mun- tazar hâdiseden mütevellid vazʻiyet-i elîmeler cemʻiyetimizi ber-vech-i maʻrûz mesâʻî hâricinde yeni ve serîʻ tedâbîr ittihâzına mecbûr etmişdir. Bu cümleden olmak üzere meskensiz ve maʻîşetini teʼmînden âciz kalan bîçâregânın şehir için- de muhtelif yerlere dağılarak açıkda kalmalarına ve fâhiş kirâ vererek ötekinin, berikinin ihtikârına kurbân olmalarına mâniʻ olmak üzere Selanik İmdâd Heyʼetimiz tarafından şehir civârında Kireçköy istikâmetinde Karahasan mevkiʻinde beş bin nüfûs istîʻâbına elverişli ve şerâit-i kâmile-i sıhhiyeyi câmiʻ çadırlı bir misâfirhâne teʼsîs ve civârda sâf menbaʻ suyu bularak misâfirhânenin su ihtiyâcı teʼmîn edilmişdir. Bu karârgâhda bir de dispanser küşâd edilerek aşı ameliyâtı ve herhangi bir emrâz-ı sâriye ile mücâdele kolaylıkla taht-ı teʼmîne alınmışdır. Selanik'de teʼsîs edilen kampmandan mâʻadâ Drama'daki heyʼetimizin idâresinde Bük, Papas- köy, Hızırköy, Zırnova, Pürsıçan mevkiʻlerinde iki yüz çadırdan mürekkeb karârgâhlar teʼsîs ve mü- bâdillerin ibâte, iʻâşe ve emrâz-ı sâriyeye karşı aşıları teʼmîn edilmişdir. Üç yüz kırk [1924] senesi Şubat'ında Muhtelit Mübâdele Komisyonunca Kayalar mıntıkasın- dan on bin, Kozana'dan sekiz bin beş yüz ve Vodine ve Karacaova'dan on bin nüfûsun Türkiye'ye nakli, nakliyâtın 5 Mart'da başlayarak yirmi günde hitâmı takarrür etdiğinden hîn-i nakilde mübâdil- lerin esbâb-ı istirâhatlerini ve iʻâşelerini teʼmîn etmek üzere Kozana'da 1.500, Ahadova'da 1.000 ve Karaferye İstasyonu'nda 1.000 kişiyi istîʻâba elverişli ve şerâit-i lâzımeyi hâiz üç büyük misâfirhâne teʼsîs edilmişdir. Bilâhare tahakkuk eden ihtiyâca binâen Vodine ve Karacaova mıntıkaları için de Vodine'de bir misâfirhâne ve aşhâne teşkîl edilmişdir. Tuzla, Erdek, Bandırma İmdâd-ı Sıhhî Heyʼetlerimiz idâresinde olmak üzere mevcûd hastahâ- nelere zamîmeten mahallerinde birer misâfirhâne teʼsîs ve teşkîl edilmişdir. Birinci mesâʻî programı mûcebince mübâdele umûruna îfâ edilmekde olan hidemât ve muʻâ- venetin hâdis olan yeni ihtiyâca göre tevsîʻ ve taʻdîli îcâb etdiğinden Mübâdele Vekâlet-i Celîlesi'ne iʻzâm edilen iki murahhasımızla ber-vech-i âtî esâsât dâiresinde ikinci bir mesâʻî programı tesbît ve tanzîm edilmişdir. Mübâdele sûretiyle gelmekde olan muhâcirlerin ahvâl-i sıhhiyelerinin daha yakından ve şümûl- lü bir sûretde taʻkîbi ve muʻâmelâtın külfet-i muhâberât ve merâsimden âzâde olarak teʼmîn-i tedvîri için Samsun, Trakya, İzmir, Adana, Konya, İzmit mıntıka müdüriyetleri merkezlerinde Hilâl-i Ahmer Cemʻiyeti Merkez-i Umûmîsi tarafından birer murahhas bulundurulacakdır. İşbu murahhasların vazîfe ve salâhiyetleri mıntıka hudûdu dâhilindeki vilâyetlerde mevcûd bi'l- umûm Hilâl-i Ahmer şuʻabât ve teʼsîsâtının muhâcirlere aʻzamî muʻâvenet etmesini tanzîm etmekden ve muhâcirîn için toplanılacak iʻânâtı mıntıka müdürüyle bi'l-istişâre ittihâz olunacak mukarrerât veya vekâletden teblîğ olunacak esâsât dâiresinde hüsn-i sarf ve istiʻmâlden ibâret olacakdır. [164] Muhâcirler nâmına toplanmakda ve toplanılacak olan iʻânâtdan Hilâl-i Ahmer'in murah- has-ı mahsûs bulunduracağı sâlifü'z-zikr altı mıntıkada ve ilâveten Ankara vilâyetinde cemʻan 37 vilâyet derc olunacak iʻânâtın mecmûʻu el-yevm burada iskân edilmiş ve edilecek olan muhâcirînin