HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 49 2411 ihtiyâcât-ı zarûriyelerine sarf olunacak ve buna mukâbil Mübâdele, İʻmâr ve İskân Vekâletince 1 Mart [1]340 [1924] târîhinden 30 Haziran 1340 [1924] akşâmına kadar olan dört ay zarfında işbu vilâyetler hâsılâtından 40.000 lira tahsîl ve merkez-i umûmî emrine irsâl etdirilecekdir. Vekâlet tahsîlât noksânını ikmâl eylemeği kabûl eder. Murahhas bulunmayacak diğer menâtık- da 37 vilâyetde toplanılacak iʻânâtın nısfı da kemâ fi's-sâbık bu mıntıkalar dâhiline sevk ve iskân edilmiş veya edilecek olan muhâcirlerin ihtiyâcât-ı zarûriyelerinin teʼmînine hasrolunacak ve nısf-ı diğeri mecmûʻu Türkiye hâricindeki teşkîlâtla veya ale'l-umûm merkez-i umûmîce lüzûm görülecek muhâcirîn ihtiyâcâtına sarf edilmek üzere şuʻabât-ı âidesince Hilâl-i Ahmer Merkez-i Umûmîsi em- rine gönderilecekdir. Hilâl-i Ahmer Cemʻiyeti'nin murahhas bulunduracağı kâffe-i menâtıkda hâlen mevcûd bi'l- umûm Hilâl-i Ahmer teʼsîsâtından işbu ictimâʻda taʻdîli îcâb etmediği görülenler kemâkân muhâfaza edilecek. Gerek bunların ve gerek bu defa takarrür etdirilen teşkîlât ve teʼsîsâtın masârıf ve idâresi kâmilen Hilâl-i Ahmer'e âid olacakdır. Gerek vekâlet ve gerek Hilâl-i Ahmer Cemʻiyeti işbu teşkîlât ve teʼsîsâtda mürûr-ı zamân ile icrâsına lüzûm görecekleri taʻdîlâtı teklîf hakkını muhâfaza ederler. Kamyon ve kamyonetlerle muhtâc-ı muʻâvenet muhâcirîn eşyâsı, hastagân, zuʻafâ ve ihtiyârlar, çocuk irzâʻ eden analar, 12 yaşına kadar çocuklar, Hilâl-i Ahmer'e ve Mübâdele Vekâleti'ne âid eşyâ ve erzâk ve levâzım vesâire naklolunabilir. Mıntıkalarda muhâcirlerin ahvâl-i sıhhiyeleriyle daha yakından alâkadâr olmak ve müdâvât-ı sıhhiyelerine derhâl tevessül eylemek üzere levâzım ve eczâyı hâmil seyyâr teşkîlât ve teʼsîsâtın mik- dâr ve kâbiliyeti zîrde derc olunmuşdur. Selanik'deki iʻâşe teşkîlâtı tezyîd olunacak vapurlarda, seyyâr imdâd-ı sıhhî heyʼetlerine, bil- hâssa muhtâc-ı muhâcirînden hastalanacaklara iʻtâ olunmak üzere kâfi mevâdd-ı iʻâşe bulundurula- cakdır. Muhâcirîne tevzîʻ olunmak üzere evvelce imdâd-ı sıhhî heyʼetlerine tevzîʻ olunan levâzım-ı iksâiye vesâireden el-yevm anbâr mevcûdu olan mikdâr, kemâkân muhâcirîne tevzîʻ edileceği gibi 15.000 battâniye, 10.000 muhtelif yelek, 10.000 ceket, 7.000 pantolon, 10.000 don, 10.000 gömlek, 15.000 çorab, 5.000 fanila, 5.000 karavana, kova, 10.000 çarık, 70 mahrutî çadır, 6 iki direkli çadır ve 120 büyük sandık, 360 kilo ve küçük sandıklar derûnunda 4.220 kilo tuvalet sabunu, 6.000 kilo âdî sabun, 10.000 kutu kibrit, 300 kilo kakao, 102 kutu süt de kemâ fi's-sâbık ve ale'l-usûl muhâcirîn ihtiyacına tevzîʻ ve iʻtâ olunacakdır. Hilâl-i Ahmer Cemʻiyetince mukaddemâ İngilizlerden alınıp gayr-ı ez tevzîʻ el-yevm mevcûd 50.000 müstaʻmel saç levha ve 45.000 lata kadron ve 70.000 ince ve muhtelif ebʻâdda padavra tahta- sı, 5.000 aded kısmen câmlı çerçeve ve 20.000 tahta kapı ve 299 sandık çivi ve lüzûmu kadar kazma kürek lüzûm oldukça mıntıkalara tevzîʻ edilmek üzere Hilâl-i Ahmer anbârında mahfûz bulundurula- cakdır. Bundan başka Kilya'daki bütün kâim barakalar muhâcirîne köy yapılmak üzere vekâlet emrine verilmişdir. Bunlar vekâletçe sökdürülerek münâsib göreceği nukâta naklolunacakdır. Vekâlet işbu barakaların muhâfazası esbâbını teʼmîn edinceye kadar kemâkân Hilâl-i Ahmerce muhâfaza etdirile- cekdir. Cemʻiyetin tarz-ı mesâʻîsini tesbît eden ber-vech-i bâlâ programın dahi icrâ-yı ahkâmına der- hâl başlanarak evvel emirde iskân menâtıkından en ziyâde hâiz-i ehemmiyet olan İzmir havâlîsine merkez-i umûmî aʻzâsından Doktor Hakkı Şinasi Paşa ve Samsun havâlîsine de Haydar Beyefendi murahhas olarak iʻzâm edilmiş ve murahhaslarımız [165] Mübâdele Vekâlet-i Celîlesi'yle cemʻiyeti-