HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 49 2416 tarz-ı faʻâliyetleri tafsîl edilmiş olan Uşak, Bilecik-Eskişehir, İzmir, Manisa, Aydın, Balıkesir, Bursa İmdâd Heyʼetleri mesâʻîlerine [1]339 [1923] senesi evâsıtına kadar devâm etmişlerdir. Bu heyʼetler maʻrifetiyle otuz sekiz [1922] senesinde tevzîʻ edilen eşyâ ve çamaşıra ilâveten kış ihtiyâcâtına bir dereceye kadar çâresâz olmak üzere otuz bin yorgan ve battâniye, otuz bin takım çamaşır ve otuz bin çorab, beş bin kat erkek, dört bin çocuk ve dört bin kadın elbisesi, on bin çarık, yedi bin fanila ve pamuklu tevzîʻ etdirilmiş ve bu heyʼetlerin bir kısmı tevzîʻât ile meşgûl olurken dispanserleri dahi vazîfe-i sıhhiyelerine devâm ederek muhtâcîn hastagânı meccânen tedâvî ve ilâclarını iʻtâ eyledikleri gibi dispanserler seyyâr etıbbâsı dahi köylerde ihtiyâcât-ı sıhhiyeyi teʼmîne çalışmışlardır. Heyʼetlerimiz, aynı zamânda mahallî muʻâvenet-i ictimâʻiye komisyonları vâsıtasıyla en ziyâ- de muhtâc-ı iʻâşe olanların mikdârını tesbît etdirerek büyüklere her ay on kilo ve on iki yaşından küçüklere beş kilo buğday tevzîʻ etmişlerdir. İmdâd heyʼetleri bu sûretle meʼmûr oldukları menâtıkın iʻâşe ve sıhhî ihtiyâcâtını teʼmîn eder- ken [1]338 [1922] senesinde merkezi İzmir'de olmak üzere teşkîl edilmiş olan Manisa ve Aydın inşâât heyʼetleri mesâʻîlerine otuz dokuz senesi evâhirine kadar devâm ederek yirmi beş bin kişiyi istîʻâb edecek 5.831 baraka ve mesken inşâsına muvaffak olmuşlardır. Erzurum Hareket-i Arz Musâbînine Muʻâvenet [1]340 [1924] senesi Mayıs ve Eylül'ünde Erzurum ve civârında iki defa hareket-i arz vukûʻ buldu. İlk defa vukûʻa gelen hareket-i arzdan iki yüzü mütecâviz hânenin harâb ve yüzü mütecâviz nüfûsun telef olduğu ve hâneleri harâb olanların açıkda kalmaları haberi üzerine Erzurum Hilâl-i Ahmer Merkezi vâsıtasıyla derhâl erzâk mübâyaʻa edilerek felâketzedegâna tevzîʻ edilmek üzere merkez-i mezkûr emrine telgrafla üç bin lira irsâl, açıkda kalanların barınması için hânelerin taʻmî- rine medâr olmak ve kısmen baraka yapılmak üzere de masârıf-ı nakliyesi cemʻiyete âid olarak iki bin aded oluklu galvaniz saç, bin aded tahta, bin aded lata ve bin kilo çivi gönderilmiş ve mahallî Hilâl-i Ahmer merkez ve şuʻbelerinin derc edecekleri iʻânât dahi felâketzedegânın tehvîn-i ihtiyâcâtı- na hasredildi. İkinci defa vukûʻ bulan ve kısa fâsılalarla gitdikçe şiddet peydâ eden hareket-i arzdan yüz yirmi köy ahâlîsinin ekserîsi açıkda kalması ve yüzlerce telefât vukûʻ bulması üzerine mahalli- ne muʻâvenet-i âcilede bulunabilmek üzere müfettişimiz Fahri Bey nezâretinde olarak bin don, bin gömlek, bin fanila, bin battâniye, bin çift çorab, bin kaput, beş yüz avcı yeleği, bin takım elbise ve lüzûmu kadar eczâ-yı tıbbiye ve malzeme-i sıhhiye irsâl edildiği gibi en ziyâde çadıra ihtiyâc bulun- masına binâen beheri ellişer kişi istîʻâbına kâfi elli aded iki direkli kebîr ve beheri onar kişilik yüz aded mahrûtî çadır ve ayrıca yirmi yataklık hastahâne malzemesi ve muʻâlecât, bir de seyyâr etüv gönderilmişdir. Bu havâlîdeki mesâʻîmizi tanzîm ve imzâ husûsunda pek büyük himmet ve gayreti meşhûd olan Erzurum Merkezi Reîsi Doktor Şerif Bey'in mesâʻîsini lisân-ı takdirle yâd eyleriz. Ardahan Hareket-i Arz Musâbînine Muʻâvenet Ardahan'da vukûʻ bulup dört karyeyi tamâmen ve bin nüfuslu bir köyü nısfen hasâra uğratan ha- reket-i arzdan iki bin nüfûsun muhtâc-ı muʻâvenet bir hâlde bulunduğu tahakkuk etmesi üzerine muʻâ- venet-i lâzıme îfâsı takarrür ederek mevsim-i şitânın şiddetle hüküm-fermâ ve Hopa-Borçka-Artvin ve Ardahan yolunun karlarla mestûr olmasına rağmen tahte's-sıfır 25-30 derecede, hammâllar [170] sırtında olarak bin müşkilâtla vesâit-i imdâdiyenin zelzele mıntıkasına îsâli teʼmîn edilebilmiş ve