HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 49 2417 felâketzedelere bin battâniye, bin fanila, bin don, bin gömlek tevzîʻ olunmuş ve ihtiyâcât-ı sıhhiyeleri için de ayırca gönderilen malzeme-i sıhhiye mahallî teşkîlât-ı imdâdiyesinin emrine tevdîʻ edilmişdir. Erzurum ve Ardahan hareket-i arzı musâbîni nâmına Beynelmilel Salîb-i Ahmer Merkezi'ne vâkiʻ olan mürâcaʻatımız üzerine mezkûr Salîb-i Ahmer Komitesi bi'l-umûm millî Salîb-i Ahmerler nezdinde teşebbüsâtda bulunarak bu husûs için umûmî bir yardım teʼmînine bezl-i himmet eylemiş- dir. Teşebbüsât-ı maʻrûza netîcesinde muhtelif Salîb-i Ahmerlerden gelen iʻânât yekûnu 6.234 liraya bâliğ olmuşdur. Eskişehir, Afyonkarahisar, Kütahya Havâlîsi Kahtzedegânına Muʻâvenet Üç yüz otuz dokuz senesinde Eskişehir, Kütahya, Afyonkarahisar havâlisinde hâdis olan kaht, esâsen mesâib-i harbden müteessir olan bu mıntıka sekenesini elîm bir âkıbete maʻrûz bırakdığını nazar-ı dikkate alan merkez-i umûmîniz mahallî teşkîlât hâsılâtını bu kahtzedegân ihtiyâcâtına hasr ve sarf etdiği gibi sûret-i mahsûsada teşkîl edilen birer heyʼet-i imdâdiye vâsıtasıyla da İstanbul'dan Haymana ve havâlîsinde 14.887 kilo fasulye ve 2.920 kilo un, Kütahya ve havâlîsine 29.618 kilo un, Eskişehir ve havâlîsine 29.787 kilo un ve 1.857 metre Amerikan bezi, Afyon ve havâlîsine 46.339 kilo dakîk ki, cemʻan 150.000 bin kilo un ve fasulye gönderilerek muhtâcîne tevzîʻ edilmişdir. Hilâl-i Ahmer Cemʻiyeti'nin Sıhhî-İctimâʻî Hizmeti, Küçük Çocuklara Muʻâveneti Cemʻiyetimiz, çocukların yalnız meme zamânında değil, memeden kesildikden sonra da fakr u zarûret ve hıfz-ı sıhhate adem-i riʻâyet dolayısıyla telef olduklarını nazar-ı dikkate alarak 1 Ağustos [1]923 târîhinden iʻtibâren hanımlar merkezinde sıhhî ve ictimâʻî bir muʻâvenet teşkîlâtı meydâna getirmişdir. Hanımlar merkezinde mukayyed bir yaşını ikmâl eden ve memeden kesilen çocuklarla zaʻîf ve hastalıklı olanlar her hafta Çarşamba günleri vâlideleri tarafından getirilmekde ve muʻâyene netîcesi sıkletlerine ve derece-i hazmiyelerine göre kendilerine münâsib yiyecekler verilmekde ve hasta olan- ları tedâvî ve sûret-i münâsibede iğdâ edilmekdedir. Her çocuğun kendine mahsûs hüviyet varakası, sıhhat cüzdânı olduğu gibi ismi, adresi, âilesinin vazʻiyet-i ictimâʻiyesi ayrı ayrı ana defterinde mu- kayyeddir. Getirilen çocukların muʻâyenesiyle yalnız neşv ü nemâları, sıhhatleri taʻkîb olunmayıp ziyâretçi hastabakıcılar vâsıtasıyla da çocukların bulundukları âilelerin, evlerin şerâit-i ictimâʻiye ve sıhhiyeleri tedkîk edilmekde ve sıhhate muzır görülen ahvâl hakkında lâzım gelen vesâyâ ve icrââtda bulunulmakdadır. Cemʻiyetimiz bu sıhhî ve ictimâʻî hizmetiyle Salîb-i Ahmerlerin sulh zamânında vezâifine dâir Beynelmilel Salîb-i Ahmer konferansları mukarrerâtına tevfîk-ı muʻâmele etmiş bulunuyor. Cemʻiyetimiz küçük bir yaşda, daha tamâmen meme çağında olup birçok esbâbdan dolayı tamâmen veya kısmen vâlide sütünden mahrûm Türk ve Müslümân çocuklarına mahsûs olmak üzere Vezneciler'de dârülfünûn karşısında Fransız Salîb-i Ahmeri Madamları Cemʻiyeti tarafından teʼsîs olunup hemen bir buçuk sene bu yolda hidemât-ı sıhhiyede bulunan Süt Damlası'nın bütün malzeme- siyle Himâye-i Etfâl Cemʻiyeti'ne devir ve teslîminden beri [ve] daha [bir] müddet evvel burada bir yaşına kadar muʻakkim sütle irzâʻdan sonra çıkarılan çocukların ve hâricden fakr u zarûret dolayısıy- la mürâcaʻat edenlerin fennî bir sûretde infâkı husûsunda hizmet eylemişdir. Cemʻiyetimiz bu muʻâveneti ile Hilâl ve Salîb-i Ahmerlerin diğer cemʻiyât-ı hayriye ile münâ-