HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 49 2418 sebâtına ve umûr-ı hayriyede bir vahdet teşkîline dâir 1921 senesinde Cenevre'de inʻikâd eden Bey- nelmilel Salîb-i Ahmer Konferansı mukarrerâtına tevfîk-i hareket etmişdir. Cemʻiyetimiz[ce] vefeyât-ı etfâle karşı hizmet-i vataniyenin [171] ehemmiyetini ibrâz için fî 1 Ağustos 1923 târîhinden bugüne kadar tutulan istatistiğini arz ediyoruz. Çocukların infâk ve iʻâşesin- den mâʻadâ senede iki defa elbise ve çamaşır tevzîʻ eylemekdedir. Sıhhî ve ictimâʻî bu teşkîlâtda daha bidayetinden beri muvaffakiyetini teʼmîn ile fahrî îfâ-yı vazîfe eden Doktor Safiye Ali Hanım'a teşekkürü vazîfe biliriz. 1 Ağustos [1]923 târîhinden bugüne kadar çocuklara muʻâvenet istatistiği Cemʻiyetimiz tarafından iğdâ husûsunda muʻâvenet edilen çocuklar sin cihetiyle üç sınıfa tak- sîm olunabilir: 1) 1-1,5 yaşına kadar 2) 1,5-2,5 yaşına kadar 3) 2,5-12 yaşına kadar. Zaʻîf ve hastalıklı bulunanlara 1-1,5 yaşında olanlara kutu sütü ve pirinç unu, 1,5-2,5 yaşında olanlara ve daha büyüklerine bazen mütekâsif süt ve pirinç unu ve fakat hemen dâimâ muhtelif erzâk verilmekdedir. Her günkü yiyecekleri nazar-ı iʻtibâra alındığı hâlde Hilâl-i Ahmer Cemʻiyeti bugüne kadar 36.500 çocuğa muʻâvenet eylemişdir. Her hafta muʻâyene edilen çocuklara sıkletlerine, yaşlarına ve derece-i ihtiyâclarına göre bir haftalık yiyecekleri olmak üzere 1-3 kutu süt ve pirinç unu ve büyüklerine beher pakete seksener gram isâbet etmek üzere muhtelif erzâk verilmekdedir. Bugüne kadar 10.082 kutu mütekâsif süt, 592 kıyye pirinç unu, 30 kilo yulaf unu (konur), 99 kıyye irmik, 30 kilo mısır unu (konur), 82 kıyye şeker, 15 kilo balık yağı, 73 kıyye pirinç, 73 kıyye tel şaʻriye, 73 kıyye makarna, 27 kıyye sabun sarf olunmuşdur. Hastalanan 391 çocuk tedâvî edilmiş ve ilâcları teʼmîn ve iʻtâ olunmuşdur. 105 çocuk ziyâretçi hastabakıcılar tarafından evlerinde takayyüd altında bulundurulmuş ve 20 çocuk hastahâneye yatırılmışdır. 125 çocuğa kış ve bayram münâsebetiyle elbise ve çamaşır tevzîʻ ve 25 küçük yavruya kundak tedârük edilmişdir. 9.360 çocuk tartılarak neşv ü nemâları taʻkîb edilmişdir. Müteferrik Muʻâvenetler: Hilâl-i Ahmer Verem Barakaları Mürâcaʻat edecek muhtâc veremlilerin tedâvîlerine mahsûs olarak masârıf-ı teʼsîsiye ve idâri- yesi cemʻiyetimizce teʼmîn edilmek üzere fakülte heyʼet-i sıhhiyesinin idâresinde mahall-i mezkûrda mukaddemâ müesses barakalar [1]340 [1924] senesi gâyesine kadar idâme edilmişdir.