HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 49 2420 Yalova Harb Felâketzedelerine Muʻâvenet Yalova kazâsı muhtâcîni için bir heyʼet maʻrifetiyle 41.182 kilo dakîk ve 12.535 kilo fasulye, 5.866 kilo nohud tevzîʻi sûretiyle pek şedîd ihtiyâc içinde kıvranan mıntıka sekenesine muʻâvenet-i lâzımede bulunulmuşdur. Kars ve Havâlîsi Muhtâcînine Muʻâvenet Kars ve havâlisi muhtâcînine Erzurum merkezi vâsıtasıyla bin lira tevzîʻ edilmişdir. Yalova ve Karamürsel Muhâcirînine Muʻâvenet Yalova ve Karamürsel kazâlarına gelecek muhâcirînin iskânı için yeniden mesken inşâsı zamâ- na mütevakkıf olduğundan muhâcirînin açıkda kalmamalarını teʼmîn zımnında evvelce İʻmâr ve İs- kân Vekâleti emrine iʻtâ olunan bini mütecâviz barakaya zamîmeten yüz baraka daha inşâsına kâfi levâzım-ı inşâiye, saç, çivi ve kereste malzemesi iʻtâ edilmişdir. Azerbaycan Muhâcirînine Muʻâvenet Memleketimize ilticâ eden Azerbaycan muhâcirlerinden muhtâc bulunanların iʻâşesi için beş yüz lira tahsîs ve sarf edilmişdir. Küre Harîkzedegânına Yardım Küre kazâsında zuhûr edip büyük zâyiʻâta sebeb olan yangın musâbînine mahallî şuʻbe hâsılâtı tamâmen terk ve Kastamonu merkezince de muʻâvenet-i lâzıme îfâsına meʼzûniyet verildiği gibi merkez-i umûmîce de beş yüz lira irsâl edilmişdir. Adana Havâlîsi Sıtma Mücâdelesine Yardım Üç yüz otuz dokuz [1923] senesi zarfındaAdana [173] ve mıntıkasında hüküm-fermâ ve mühim tahrîbât ve telefâtı mûcib olan sıtma ile mücâdele etmek üzere mahallî yardım teşkîlâtına merkez-i umûmîden elli kilo klormait kinin komprimesi irsâl ve bin beş yüz lira da nakit iʻtâ edilmek sûretiyle muʻâvenet-i lâzıme îfâ edilmişdir. Yoğurtçu Bataklığı Kurutmasına Muʻâvenet Kadıköy ve civârında zuhûr edip Yoğurtçuçayırı bataklığından intikâl etdiği bir heyʼet-i müte- hassısa maʻrifetiyle icrâ edilen tedkîkâtdan anlaşılan sıtma ile mücâdele etmek üzere teşekkül eden komisyona merkez-i umûmîce beş yüz lira iʻtâ edilmişdir. Adana Dârüleytâmı'na Muʻâvenet Adana Hilâl-i Ahmer Merkezi vâsıtasıyla mahallî dârüleytâm ihtiyacına üç yüz kırk senesi Ey- lül'üne kadar iki bin beş yüz seksen liralık muʻâvenet îfâ edilmişdir.