HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 49 2421 Kastamonu Memleket Hastahânesi'ne Muʻâvenet Kastamonu Memleket Hastahânesi ihtiyâcı için mahallî Hilâl-i Ahmer teşkîlâtı vâsıtasıyla bin liralık muʻâvenetde bulunmuşdur. Bilecik Barakaları Düşman tahrîbâtından bir tek hânesi kalmamış olan Bilecik kasabasında kırk hâneli sekiz bara- ka inşâ edilerek memleket muhtâcîni[ni]n mesken ihtiyâcı bir dereceye kadar tehvîn edilmişdir. Haydarpaşa'da Rum Muhâcirînine Mahsûs Emrâz-ı Sâriye Hastahânesi Anadolu'dan gelip Yunan Hükûmetince kabûl edilmeyerek hükûmetimizce Haydarpaşa Seli- miye'de muvakkaten iskân edilmiş olan yirmi bin Rum muhâcirîni için seksen yataklı bir hastahâne küşâd edilerek aralarında zuhûr eden emrâz-ı sâriyenin sirâyeti menʻ ve musâbîni tedâvî edilmişdir. İran'da Türbe-i Haydarî Hareket-i Arzı Musâbînine Muʻâvenet İran'da Türbe-i Haydarî'de zuhûr eden zelzelenin îkâʻ eylediği hasârâtdan bahisle muʻâvenet-i lâzıme îfâsı hakkında Beynelmilel Salîb-i Ahmer Cemʻiyeti'nden vâkiʻ olan işʻâr üzerine işbu zelze- le musâbîninin tehvîn-i ihtiyacına maʻtûf mesâʻîye iştirâk tensîb edilerek bu maksadla iki bin frank gönderilmişdir. KırımAçlarına Yardım Cenûbî Rusya'da hâdis olup mühim zâyiʻâta sebebiyet vermiş olan kaht felâketzedelerine üç yüz otuz sekiz senesinde 3.000 çuval dakîk ve 1.856 sandık konserve irsâli sûretiyle yardım yapılmış- dı. [1]339 [1923] senesi zarfında da mezkûr felâketzedelere muʻâvenet-i lâzıme îfâsı Tatar Cemʻiyet-i Hayriyesi tarafından tavassut edilmesi üzerine bütün mevcûdâtı mübâdiller ihtiyâcâtına hasredilmiş olduğundan ancak beş yüz takım elbise irsâli sûretiyle yardım edilmişdir. Hilâl-i Ahmer'in Meccânî Muʻâyenehâneleri Cemʻiyetimizin fukarâ-yı halka yapdığı yardımların en mühimmini birçok fukarânın idâme-i sıhhatlerine hâdim olmak iʻtibârıyla muhtelif mahallerde teşkîl ve teʼsîs eylediği dispanserlerin mesâʻîsi teşkîl eder. Üsküdar Dispanseri Üsküdar ve civârı sekenesinin muhtâc hastalarının emr-i tedâvîsi için [1]335 [1919] senesinde teʼsîs edilmiş [174] olan bu dispanser[de] üç yüz otuz dokuz [1923] senesinde 12.568, üç yüz kırk [1924] senesinde 10.120 hastanın muʻâyene ve ilâcları meccânen iʻtâ edilmişdir. Fatih Dispanseri Muhtâcînin en kesîf bulunduğu Fatih mıntıkasında [1]335 [1919] senesinde teʼsîs edilmiş olan fukarâ muʻâyenesi[nde] üç yüz otuz dokuz [1923] senesinde 12.831, üç yüz kırk [1924] senesinde 10.135 hastanın muʻâyene ve ilâcları meccânen iʻtâ edilmek sûretiyle tedâvîleri teʼmîn edilmişdir.