HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 49 2424 Mübâdele-i Üserâ Lozan'da hükûmetimiz ile Yunanistan arasında imzâ edilen mübâdele-i üserâ mukâvelenâmesi mûcebince listelerde esâmîsi mukayyed Türk sivil ve askerî esîrleri Türkiye'de İstanbul ve İzmir li- manlarına sevk edilmiş ve üserânın hîn-i seyâhatinde hüsn-i sûretle muʻâmele görmelerini derece-i kifâyede iʻâşelerini teʼmînen her vapura bir bî-taraf delege terfîk olunmuşdur. İzmir'e sevk edilen üserânın İzmir heyʼet-i merkeziyemiz tarafından Klazomen Tahaffuzhâne- si'nde tathîrâtları icrâ ve iʻâşe ve ibâteleri mükemmelen teʼmîn olunduğu gibi içlerinden fakîr [176] ve muhtâc-ı muʻâvenet olanlarına çamaşır, elbise, ayakkabı, palto vesâire gibi mübrem olan levâzım da tevzîʻ olunmuş ve memleketlerine sevk olunmak üzere Klazomen'den İzmir'e iʻzâm olunan kâfileler İzmir merkezimizce istikbâl ve doğruca ihzâr edilen mükemmel misâfirhânelere sevk u îsâl edilerek memleketlerine sevklerine değin çay ve kahvelerine varıncaya kadar iʻâşe ve iskânları teʼmîn ve îfâ edilmek sûretiyle teessürlerinin taʻdîline çalışılmışdır. İstanbul'a müretteb üserânın ilbâs ve iʻâşeleri için de Tuzla'da merkez-i umûmîmizce muʻâvenet-i lâzıme îfâ edilmişdir. Muhtâc-ı muʻâvenet üserânın meccânen memleketlerine sevki masârıfı da bi'z-zarûre cemʻiye- timizce teʼdiye edilerek bu zavallıların bir gün evvel âilelerine kavuşmaları esbâbı teʼmîn edilmişdir. Taharriyât Harb-i Umûmî ve İstiklâl Harbi'nde şehîd ve gâib olanlar ile üserâdan avdetleri teʼmîn edileme- yenlerin âileleri tarafından taharriyât icrâsı ve maʻlûmât iʻtâsı ve iʻâdesi teehhur etmiş olan üserânın tahlîsi için alâkadâr makâmât nezdinde teşebbüsât-ı lâzımenin îfâsı temennîsiyle vâkiʻ olan mürâ- caʻatlar dahi üserâ şuʻbemiz tarafından kemâl-i dikkat ü ihtimâm ile taʻkîb edildiği gibi Türkiye'de ecnebî üserânın taʻyîn-i âkıbetleri hakkında ecnebî Salîb-i Ahmerleri tarafından ve âilelerinden vâkiʻ olan mürâcaʻat dahi intâc edilmişdir. Batum Başşehbenderliği tarafından Hilâl-i Ahmer nâm u hesâbına olarak Harb-i Umûmî'de Rusya'da kalan üserâmızın Trabzon'a sevki husûsunda da üserâ-yı mezkûreye muʻâvenet-i lâzıme îfâ edilmişdir. Merâkiz ve Şuʻabâtın Îfâ Eyledikleri Muʻâvenât İzmir Merkezi Îfâ eylediği hidemât ve intizâm-ı mesâʻîsiyle teşkîlâtı meyânında en yüksek idâre kâbiliyet ve kudretini göstermiş olan İzmir merkezimiz [1]339 [1923] senesinde fusûl-i mahsûsunda tafsîl edildiği üzere İzmir'de biri İkiçeşmelik'de ve diğeri Tepeköy'de olmak üzere iki dispanser teʼsîs ve Tepeköy'de mükemmel numûne ittihâzına sezâ bir muʻâyenehâne binâsı inşâ etdiği gibi Yunanistan'dan avdet eden üserânın esbâb-ı istirâhat ve iʻâşeleriyle ihtiyâcât-ı sıhhiyelerini teʼmîn etmiş ve memleketin müessesât-ı sıhhiyesine, muhtâcîn ve üserâya ve harîkzedegâna mümkün olduğu kadar yardımda bulunmuş ve bu meyânda İzmir Memleket Hastahânesi'ne 3.657 lira ve Sıhhiye-i Askeriye Hastahâ- nesi'ne nakden 2.000 lira, muhâcirîn ve muhtâcîn ile harîkzedegâna 979 lira, İzmir Dârüleytâmı için 356, İzmir Sıhhiye ve Muʻâvenet-i İctimâʻiye Müdüriyeti'ne 200 ve Türk Yardım Derneği'ne 150 lira muʻâvenetde bulunmuşdur. Muhtâcîn ve muhâcirîne mübâyaʻa edilen eşyâ için 6.447, Yunanis- tan'dan avdet eden üserânın tatahhurâtı ve ihrâc noktası olan Klazomen Tahaffuzhânesi'ne 4.538, Yu- nan üserâsı ile üserâyı nakleden vapurlar için 2.054 lira, sivil Ermeni üserâsının iʻâşelerine 351 lira ve