HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 49 2425 esâretden avdet eden ümerâ ve zâbitâna nakden 2.952 lira, üserânın memleketlerine sevk masrafları- na 6.225 lira, imdâd ve muʻâvenet hidemâtı için sene-i mezkûre zarfında cemʻan 50.782 lira 32 kuruş sarf edilmiş ve menâbiʻ-i muhtelifeden 77.746 lira 78 kuruş vâridât teʼmînine muvaffak olmuşdur. [1]340 [1924] senesine kısm-ı mahsûsunda derc edildiği üzere Yunanistan'dan gelen mübâdilîn meyânındaki muhtâcînin tehvîn-i ihtiyâcâtına sarf-ı mesâʻî ve mühim bir mahrec iskelesi olan İz- mir'de iki yüz yataklı bir hastahâne ile ayrıca bir dispanser teʼsîs ederek mübâdilîn arasında bir gûnâ vukûʻât-ı sıhhiyeye meydân vermeyerek muvaffakiyetle îfâ-yı muʻâvenet ve İkiçeşmelik, Tepeköy Dispanserlerinin faʻâliyetini idâme etdiği gibi [1]339 [1923] senesinde inşâsına başlanmış olan Te- peköy Dispanser binâsının itmâm-ı inşââtına muvaffak olmuşdur. Sene-i mezkûre zarfında hastahâne ve dispanserler masârıfına 42.727 ve Klazomen Tahaffuzhânesi'ne vürûd eden üserânın iʻâşe ve iʻâ- nelerine 1.600, muhâcirîn ve muhtâcîne 913 lira sarf eylemiş ve mebâliğ-i muhtelifeden 65.429 lira teʼmîne ve iki sene zarfında merkez-i umûmîye 59.847 lira irsâlâta muvaffak olmuşdur. [177] Adana Merkezi Mahallî muhtâcînin ve bilhâssa mıntıka iʻtibârıyla musâbîni pek ziyâde olan sıtmalıların emr-i tedâvîleri için mahallinde bir dispanser küşâd ve teʼsîs ederek el-ân idâme edilmekde bulunmuşdur. Dispanserin muʻâlece ihtiyâcâtı merkez-i umûmî anbârından teʼmîn edildiği gibi mahallinde teşekkül eden sıtma mücâdelesine de komisyon-ı mahsûsuna merkez-i umûmîden gönderilen elli kilo klormait kinin komprimesine ilâveten nakden bin beş yüz lira iʻtâ sûretiyle iştirâk eylemişdir. Adana Dârüleytâmı'nın muhtâc olduğu malzemenin tedârükü için 1.140 lira ve gurebâ hastahâ- nesinin muhtâc olduğu âlât-ı cerrâhiyenin teʼmîni zımnında 500 liralık âlât-ı cerrâhiye mübâyaʻa ve ihdâ eylemişdir. Menâtıkda röntgen cihâzı bulunmamasından dolayı birçok marzânın tedâvîleri lâyı- kıyla îfâ edilemediğini nazar-ı dikkate alan merkez bu husûsda istihsâl eylediği meʼzûniyete ibtinâen 4.374 lira bedelle bir röntgen cihazı alarak memleket hastahânesine hediye etmek sûretiyle de pek kıymetli bir yardımda bulunmuşdur. Erzurum Hilâl-i Ahmer Merkezi Evrâk-ı hesâbiyesi istihsâl edilememiş bulunmasından [1]339 [1923] meclis-i umûmîsine tak- dîm edilen raporda mesâʻî ve faʻâliyetinden bahsetmek imkânını bulamadığımız Erzurum merkezi pek çok müessif hâdisât ve felâketlere sahne olan Erzurum ve havâlîsinin bin türlü mahrûmiyetde yaşayan halkına muʻâvenet-i lâzımede bulunarak [1]336 [1920] senesinden [1]340 [1924] senesi 20 Teşrîn-i Evvel'ine kadar muhtelif menâbiʻden 17.023 lira vâridât teʼmî[ni]ne muvaffak olarak bundan 1.392 lirasını muhtelif umûr-ı hayriyeye, 664 lirasını Himâye-i Etfâl Yurdu'na, 1.000 lirasını Kars muhtâcînine, 500 lirasını Pasinler hareket-i arz musâbînine sarf ve 10.367 lirasını Pasinler hareket-i arz musâbîni komisyon-ı mahsûsuna tevdîʻ ve merkez-i umûmîye 2.510 lira irsâlâtda bulunmak üzere muhîtin felâketzedelerine çok kıymetli ve meşkûr hidemât ve mesâʻîde bulunmuşdur. Eskişehir Merkezi Üç yüz otuz dokuz [1923] senesinde Eskişehir mıntıkasında hâdis olup merkez-i umûmîmizce on beş vagon zahîre tevzîʻi sûretiyle tehlikenin bir kısmını bertaraf etmeğe muvaffak olmuş ise de müteferrik sûretde bazı köylere yapılan yardım gayr-ı kâfi geldiğinden Eskişehir merkezimizce Alpo