HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 49 2427 etmiş ve kısa bir zamân zarfında Beynelmilel Komite ile Cemʻiyet-i Akvâm'la münâsebâtdâr Salîb-i Ahmerler Heyʼet-i İttihâdiyesi arasında tahaddüs eden ihtilâf bu ikiliğin Salîb-i Ahmerler âlemi için hiç de şâyân-ı arzu olmayan bir inkısâm tevlîd edebilecek mâhiyetde olduğunu göstermişdir. Yarım asrı mütecâviz bir zamândan beri insâniyet âlemine emsâli nâ-mesbûk hidemât-ı azîme îfâ etmiş olan Salîb-i Ahmer efkâr ve teşkîlâtının bu ikilik yüzünden dûçâr-ı vehn ve sükût olması pek ziyâde şâyân-ı esef görüldüğünden bi'l-cümle millî Hilâl ve Salîb-i Ahmerler tarafından Beynelmilel Salîb-i Ahmer Komitesi'yle Cemʻiyet-i Akvâm'a mensûb Salîb-i Ahmerler Heyʼet-i İttihâdiyesi arasında ta- haddüs eden ihtilâfın refʻi lüzûmu anlaşılmış ve her hâlde hiç olmaz ise her iki müessese-i hayriyenin sâha-i faʻâliyetine dâhil bulunacak mevâddın bir iʼtilâf-ı umûmî ile tesbîti sûretiyle hall ü izâlesi ve böylece yekdiğerine rakîb olmak istiʻdâdını gösteren bu iki müessesenin muhtelif insânî sâhalarda yekdiğerini itmâm ve ikmâl eden iki uzviyet hâlini iktisâb eylemesi arzu edilmeğe başlanmışdır. Her tarafdan ızhâr edilen bu temenniyât üzerine her iki heyʼet arasında bir müddetle muvakkat bir iʼtilâfnâme akdedilmiş ise de müddet-i mezkûre zarfında alâkadâr iki heyʼet arasında cereyân eden müzâkerât bir iʼtilâf-ı katʻî ve nihâîye iktirân edemediğinden umûm Salîb-i Ahmerlere taʻalluk eden bu mesʼele-i mühimmenin On Birinci Beynelmilel Salîb-i Ahmerler Konferansı'nda halledilmesi ta- karrür etmişdi. Mezkûr konferansda Hilâl-i Ahmer'i Müderris Besim Ömer Paşa ile Müderris Âkil Muhtar ve Ahmed İhsan Beylerin temsîl etmesi takarrür etmiş ve zevât-ı mûmâileyhim tarafından müdâfaʻa edilmek üzere bu mesʼelede Hilâl-i Ahmer'in nokta-i nazarı âtîde olarak tesbît edilmişdir: a-Beynelmilel Komite'nin vazʻiyet-i hâzırasının müdâfaʻası tesbît olunacakdır. b-Ancak şekl-i hâzırda bir taʻdîlât icrâsı lüzûm ve mecbûriyeti hâsıl olursa o da komitenin bî- taraflığı bi'l-umûm devletlerce musaddak olan İsviçrelilerden teşekkül etmesi yani şimdi olduğu gibi yalnız Cenevrelilere münhasır kalmaması ve intihâbât-ı vâkıʻanın umûmî kongrelere tasdîk etdirilme- si gibi taʻdîlât kabûl olunabilecekdir. c-Bunlar hâricinde şâyân-ı kabûl görülmeyecek karâr karşısında bulunulacak olursa heyʼet-i murahhasamız karâr-ı vâkıʻı kabûl etmeyerek kayd-ı ihtirâzî dermeyânıyla keyfiyetden merkez-i umûmîyi haberdâr etmek üzere avdet edeceklerdir. Nokta-i nazarı istifsâr edilen hükûmetimiz dahi tesbît [179] edilmiş olan teklîfâtı tasvîb eyledi- ğinden heyʼet-i merkeziyenizi haberdâr eylemişdir. On Birinci Konferans'da mesʼelenin bir ictimâʻ-ı umûmîde nihâî olarak halledebilecek râddeye gelmemiş olduğu görüldüğünden İsveç Velîʻahdı Prens Charles'ın da dâhil bulunacağı ve 13 Salîb-i Ahmer murahhasları meyânından müntehab mütehas- sıslarla bir Cenevre Komitesi aʻzâsından ve bir Salîb-i Ahmerler İttihâdı murahhasından mürekkeb olmak üzere Beynelmilel Salîb-i Ahmerler Teşkîlâtı'nı tedkîk komisyonunun teşkîli kabûl edilmiş ve Hilâl-i Ahmer murahhaslarından Müderris Âkil Muhtar Bey daha 13 mütehassıs meyânında olmak üzere konferans tarafından bu komisyona aʻzâ intihâb olunmuşdur. Âkil Muhtar Bey merkezimizden bu vazîfenin kabûl veya adem-i kabûlü hakkında taleb-i reʼy etmiş ve cemʻiyetimiz de maʻa'l-mem- nûniye kabûl edilmesini kendisine teblîğ etmişdir. Hiçbir salâhiyet-i resmiyesi olmayan bir takım adamlar tarafından Türkiye'den avdet etmiş olan Yunan üserâsının vazʻiyeti hakkında gâyet tarafgîrâne olmak üzere tertîb edilmiş olan bir raporun müzâkere edilmek üzere Yunan murahhasları tarafından konferansda tevzîʻ edileceği haber alınmağla cemʻiyetimizin murahhasları tarafından işbu tahkîkât raporunun mâhiyet-i hakîkiyesini îzâh etmek üzere sarf edilen mesâʻî sâyesinde raporun konferansda resmen tevzîʻinden ve bu bâbda herhangi bir sûretle müzâkerât cereyânından sarf-ı nazar edilmesi ve bilakis Beynelmilel Komite'nin resmî ra-