HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 49 2428 porlarından Gehri tahkîkât lâyihasının tekrâr bastırılması ve Burckhardt ve Burnier raporlarının dahi ilk çıkacağı Salîb-i Ahmer Mecmûʻası 'nda intişârı ve ayrıca bir risâle şeklinde konferans esnâsında basılmaları teʼmîn olunmuşdur. İlk resmî celsesini Brüksel'de akdeden tedkîk komisyonunda Beynelmilel Salîb-i Ahmer Teş- kîlâtı husûsunda prensibler taʻyîn edilmiş ve bu esâsât üzerine bir proje tahrîri beş kişiden mürekkeb bir heyʼet-i tahrîriyeye havâle olunmuşdu. Bu heyʼete komisyon Doktor Âkil Muhtar Bey'i intihâb etmiş olduğundan yine cemʻiyetimizden vâkiʻ olan istifsâra kabûl cevâbı verilmişdir. Tedkîk komisyonunun ictimâʻında Hilâl-i Ahmer tarafından beynelmilelin mahzûziyet-i hukû- ku lehinde olan efkâra bidâyeten muʻârız olanlar dahi iştirâk ederek büyük bir ekseriyet teʼmîn edildi. Tahrîr heyʼeti tarafından tanzîm edilen proje bu defa Paris'de ictimâʻ ederek Ahmed İhsan Beyefen- di'nin Âkil Muhtar Bey'e vekâleten iştirâk etdiği tedkîk heyʼeti tarafından ekseriyetle kabûl edildi. Yalnız Amerika, İngiltere, İsveç, Belçika murahhasları bu projeye iʻtirâz etdiler. Bu proje muvâcehesinde Hilâl-i Ahmer murahhası bir fikr-i iʼtilâf ızhâr etmiş olmak için pro- jeye iltihâk edildiğini ve maʻamâfîh Hilâl-i Ahmer'in, Beynelmilel Salîb-i Ahmer Komitesi'nin şekl-i sâbıkının muhâfazası Salîb-i Ahmerler İttihâdı'nın Salîb-i Ahmer unvânından sarf-ı nazar etmek şar- tıyla tekmîl teşkîlât-ı hâzırasını ve maksad-ı teʼsîsi olan faʻâliyetini muhâfaza etmesi husûsundaki ibtidâî nokta-i nazarını en iyi sûret-i hal gibi telâkkî etmekde ber-devâm olduğunu beyân eylemek sû- retiyle bir kayd-ı ihtirâzî de dermeyân etdi. Bilâhare İsveç Salîb-i Ahmeri dahi projeye muhâlefetden sarf-ı nazar eyledi. Komisyonun ekseriyetle kabûl etdiği bu proje bütün Hilâl ve Salîb-i Ahmerlere tevzîʻ edilmiş ve bu husûsdaki fikirleri alınmışdı. Bu sûretle toplanan efkârın da nazar-ı dikkate alın- ması için bu defa Lahey'de 1924 senesi Haziran'ın dördünde inʻikâd eden komisyonda yeniden müzâ- kere olundu. Yapılan bazı taʻdîlât üzerine bütün komisyon aʻzâsı tarafından müttefikan kabûl olunan esâsâtın nihâî tahrîrini teʼmîn için komisyon reîsi ile Mösyö Olds ve Thiébaut'ya salâhiyet verildi. Fakat bu zât tarafından yazılan projenin evvelce tesbît edilen esâsât ile bazı noktalarda teʻâruz etdiği görüldüğünden bilâhare hakk-ı iʻtirâzımızı teʼmîn için kayd-ı iʻtirâzı dermeyân eyledik. Bundan sonra Beynelmilel Konferans ictimâʻ ederek hâzırlanmış olan raporu tedkîk ve intâc edecekdi. Projenin kabûlü takdîrinde yeniden bir Salîb-i Ahmerler Birliği teʼsîs etmiş olacakdır. Bu birliğin yanında şimdiki Beynelmilel Salîb-i Ahmer Komitesi târîhî vezâif ve hukûkunu muhâfaza edecekdir. Birliğin başında artık şimdi olduğu gibi tek bir müdür bulunmayacak, işleri mevcûd medeniyetleri temsîl edecek [180] bir sûretde müntehab yedi aʻzâdan mürekkeb bir heyʼet tedvîr edecekdir. Yeni müdür de bu heyʼet tarafından intihâb olunacakdır. Henüz bu konferans akdedilmemiş olduğundan heyʼet-i merkeziyeniz dahi bu sene Teşrîn-i Evvel'de toplanacak 12'nci Beynelmilel Salîb-i Ahmerler Konferansı'nın mukarrerâtına intizâren şim- diye kadarki vazʻiyetini tebdîl için bir sebeb görmemişdir. Bu konferansdan sonra eğer proje kabûl edilir ise Hilâl-i Ahmer de diğer Salîb-i Ahmerler gibi "birlik"e girmiş bulunacakdır. Mesʼele hallolunmadığı takdîrde dahi Beynelmilel Salîb-i Ahmer'in mevcûdiyeti ve hukûku teʼmîn edilmişdir ve bu cihet artık bütün teşkîlât projelerinden bir emr-i vâkiʻ gibi zikredilmekdedir. Fi'l-vâkiʻ dâimî bîtaraflığı devletlerce ahid ve kânûn-ı esâsiyle ve fiʻlen müem- men bir devletin tebaʻasından yani İsviçrelilerden mürekkeb olan Beynelmilel Komite'nin senelerden beri en buhrânlı zamânlarda bîtaraflıkdan inhirâf etmemek sûretiyle masrûf olan mesâʻîsinin hayırhâh bir şâhidi olduğu gibi ahden bîtaraf olmayan devletler tebaʻalarından terekküb edecek Salîb-i Ah-