HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 49 2429 merler İttihâdı'nın bilhâssa harb zamânlarında kâfi derece bîtaraf olamayacağı ve bundan dolayı bil- hâssa beynelmilel tahkîkât mesʼele-i mühimmesinin bu heyʼet vedâʻatıyla îfâsının ez-her cihet dâʻî-i mehâzîr olacağı Salîb-i Ahmerlerin azîm husûlünde Hilâl-i Ahmer'in bir mühim hisse-i şerefi vardır. Salîb-i Ahmerler İttihâdı'nın bilhâssa beynelmilel sıhhî vezâif ile tevaggulü şübhesiz müfîd netâyic verebilecek bir kâbiliyetdedir. 12'nci konferansın ittihâz edeceği mukarrerâta göre eğer proje kabûl edilmez ise bu heyʼete müsâvî şerâitle dühûl veya adem-i dühûlümüzün taʻyîni lâzım gelir. Her hâlde merkez-i umûmîniz dâhil bulunmadığı hâlde Salîb-i Ahmerler İttihâdı'yla muʻâmelât ve muhâberâtının pek iyi bir şekilde devâmına dikkat etmişdir. Merâkiz ve Şuʻabâtımızın Teşkîlât-ı Hâzırası Cemʻiyetin bekâ ve muvaffakiyetini teʼmîn edecek en büyük âmil, memleketin her tarafına şâmil muntazam bir şebeke-i faʻâliyet vücûda getirebilmesidir. Hilâl-i Ahmer Cemʻiyeti'nin el-yevm bu husûsda en ziyâde gâyesine yaklaşmış bir vazʻiyetde bulunduğunu maʻa'l-memnûniye arz ederiz. Harb-i Umûmî ve Mütâreke esnâsında merkez ve şuʻbelerimizden kısm-ı aʻzamı ahvâl-i fev- kalâde ilcââtıyla inhilâl etmiş ve bir kısmı da faʻâliyetlerini muvakkaten taʻtîle mecbûr olmuşlardı. İstiklâl Harbi ibtidâlarında birçok mahallerde büyük bir galeyân-ı hissiyâtla yeniden teşkîlât yapılarak iʻâne cemʻine ve cemʻiyetin harekât-ı milliyeye hâdim olan mesâʻîsine şâyân-ı takdîr bir sûretde iştirâke muvaffak olan merkez şuʻbelerimizin esâmî ve derece-i faʻâliyetleri [1]339 [1923] senesi meclis-i umûmîsine takdîm edilen raporda arz ve tafsîl edilmiş idi. Bu târîhe kadar idâme-i mevcûdiyet ve faʻâliyet edebilen ancak 178 şuʻbemiz, inhilâl eden veya taʻtîl-i faʻâliyet eylemiş olan şehirlerde merkez-i umûmînizce icrâ edilen teşebbüsât, teşvîkât, teftîşât ve ittihâz edilen tedâbîr netîcesinde bugün 363 adede bâliğ olmuşdur. Merâkiz ve şuʻabâtımızın pek hayırlı ve fakat hakîkaten yorucu olan mesâʻîsini fahriyen derʻuh- de ve îfâ eden zevâta muʻâmelât-ı hesâbiye ve kaydiyenin tahmîl edeceği müşkilât ve bu yüzden vakt ü zamânıyla merkez-i umûmîlerine hesâb verilememesi ve mülkiye ve cemʻiyetimiz müfettişlerinin her şuʻbede yekdiğerine benzemeyen usûllerde hesâb tutulmakda olmasından dolayı teftîşâtı îfâ husû- sunda maʻrûz kaldıkları müşkilâtdan dolayı arzu edilen netîceyi istihsâl edememeleri gibi mahzûrlar nazar-ı dikkate alınarak basît ve pek sâlim esâsları ihtivâ eden ve hidemât-ı cemʻiyeti fahriyen îfâ et- mekde olan zevâtın da kolaylıkla tatbîk edebilecekleri mâhiyetde yeni bir usûl-i muhâsebe vazʻ edil- miş ve bunun için vâzıh bir taʻlîmâtnâme tanzîm edilmekle berâber yeknesak defterlerle, makbûzlar, cedveller gibi evrâk-ı matbûʻa merkez-i umûmînizce ihzâr ve bi'l-umûm mülhakâta irsâl edilmişdir. Mezkûr taʻlîmâtnâmenin tatbîkâtı netâyici şâyân-ı memnûniyet ise de arzu edilen netîce tamâmen istihsâl edilmişdir denilemez. Bilhâssa nizâmnâme ve taʻlîmâtnâmenin muʻayyen zamânlarda mer- kez-i umûmîye hulâsa-i hesâbiyeler gönderilmesini ve vilâyet meclis-i umûmîlerinin [181] vaktinde ictimâʻıyla senelik icrâât ve hesâbâtın raporlarını tasdîk ve merkez-i umûmîye iblâğ edilmesini ihtivâ eden mevâddı ekser merâkiz ve şuʻabâtda infâz edilmemişdir. Bu sebebledir ki, cemʻiyetin teşkîlât-ı umûmiyesine hâkim olan meclis-i âlîlerine her birinin derece-i mesâʻîsinden ayrı ayrı bahse maʻale- sef imkân bulunamamışdır. Bu imkânsızlığın esbâbını arz ederken gelecek sene zarfında bi'l-umûm merekâz ve şuʻabâtımızın mevzûʻât-ı cemʻiyete tamâmî-i riʻâyetlerinin teʼmînini merkezlerimizi temsîl eden murahhasîn-i kirâmdan ricâ ederiz. Bundan başka memâlik-i ecnebiyede bulunan ve cemʻiyetimize her vesîle ile ibrâz-ı muʻâvene- ti dirîğ etmeyen Türk vatandâşlarımızın en mütekâsif bulunduğu Amerika'dan son iki sene zarfında