HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 49 2430 bir hayli iʻâne gönderilmiş ve buralarda resmî ve muntazam bir teşkîlât yapıldığı takdîrde dâimî ve pek kıymetli vâridât menbaʻı vücûda getirileceğine dâir ızhâr edilen arzu ve verilen teʼmînât merkez-i umûmînizce maʻa'l-memnûniye nazar-ı dikkate alınmışdır. Memâlik-i ecnebiyede cemʻiyet nâmına şuʻbe küşâdı hakkında beynelmilel kavâʻidin ahkâm-ı mevcûdesine istinâden Amerika'da Michigan vilâyetinde, Detroit şehrinde nizâmnâme esâsını ahkâ- mı dâiresinde ve sûret-i mahsûsada ihzâr edilen bir taʻlîmâtnâme mûcebince bir Hilâl-i Ahmer şuʻbesi teşkîline muvaffak olunmuşdur. Sene-i mezkûreyi teşkîl eden zevâtın kemâl-i hâhişle sarf etmekde oldukları fedâkârâne mesâʻî- nin pek müfîd ve müsmir olacağı kanâʻatindeyiz. *** [1]339 [1923] ve [1]340 [1924] seneleri zarfında merkez ve şuʻbelerimizin kıymetdâr mesâʻîle- ri netîcesi olarak teʼmîn ve irsâl eyledikleri hâsılât yekûnu 257.090 liraya bâliğ olmuşdur. Bu şâyân-ı memnûniyet netîceyi istihsâle muvaffak olan bi'l-umûm merkez ve şuʻbelerimiz aʻzâ-yı kirâmına bu vesîle ile de arz-ı teşekkürât ve takdîrâtı vazîfe addeyleriz. Kısm-ı Mâlî Üç yüz otuz dokuz [1923] senesinde inʻikâd edip otuz sekiz [1922] gâyesine kadar olan muʻâ- melât-ı hesâbiye ve mâliyemizi tedkîk buyuran meclis-i âlîleri bin üç yüz kırk senesi büdcesini tan- zîm eylemiş olduğu için bu kere takdîm eylediğimiz üç yüz otuz dokuz [1923] ve üç yüz kırk [1924] seneleri hesâb-ı katʻîlerinin birincisi bi'z-zarûr sene-i sâbık büdcesine ve ikincisi meclis-i âlîlerince musaddak büdceye göre tanzîm edilmişdir. 1339 [1923] Senesi Hesâb-ı Katʻîsi Bin üç yüz otuz dokuz [1923] senesi âdî ve fevkalâde büdceleri vâridât-ı umûmiyesi 1.386.606 liraya bâliğ olmuş ve buna mukâbil hidemât-ı umûmiyemize 1.847.256 lira sarf edilmişdir ki, vâri- dâta nazaran tahakkuk eden 460.650 lira fazla-i masârıf büdce taʻlîmâtnâmesinin mâdde-i mahsûsası mûcebince sene-i sâbıkdan müdevver ihtiyât akçesinden tesviye kılınmışdır. Âdî büdcemiz vâridâtı meyânında sene-i sâbıka nisbetle şâyân-ı kayıd olan menâbiʻ evvelâ 22.317 liraya bâliğ olan pul hâsılâtıdır ki, sekiz sene evvel ihdâs edildiği hâlde revâcı teʼmîn edileme- yen mezkûr pulların cemʻiyet için mühim bir vâridât menbaʻı hâline gelmek istiʻdâdında bulunduğu görülerek, mukaddemâ yalnız 10 para ve 40 paralık iki cinse inhisâr eden ve paranın kıymet-i hâzıra-i iştirâiyesine nazaran ancak masârıf-ı tabʻiyesine tekâbül eden mevcûdların kıyme[t]leri sürşarj sûre- tiyle tezyîd edilmekle berâber bir tarafdan da 1, 2,5, 5 kuruşluk olmak üzere üç nevʻ ihdâs ve İstan- bul'da tabʻ ve ihzâr etdirilmişdir. Bu pulların gerek posta gişelerinde gerek mülhakâtımızda kolaylıkla revâcı teʼmîn edildiği ve her yerde hüsn-i kabûle mazhar olduğu görüldüğünden maʻrûf bir ressâma yapdırılan resimler üzerine Almanya'da bir sûret-i nefîsede dört nevʻ daha tabʻ ve ihdâs olunmuşdur. İlk tecrübe senesi zarfında yirmi üç bin lira [182] teʼmîn edildiğine nazaran bu uğurda ciddî mesâʻî sarf edilir ve bazı tedâbîr-i müessire ittihâz olunur ise bu menbaʻın pek feyizli bir hâle geleceği şübhesizdir.