HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 49 2431 Bu bâbda merkez-i umûmîce teemmül edilen ber-vech-i âtî tedbîrler, meclis-i âlîlerince tasvîb buyurulduğu takdîrde makâmât-ı âidesi nezdinde icrâ edilecek teşebbüsün müsbet bir netîceye iktirân edeceğini ümîd ederiz. 1-Hilâl-i Ahmer günü ittihâz edilen senenin bir gününde, bi'l-umûm posta merâkizince Hilâl-i Ahmer şefkat pullarının posta pulu yerine kâim olarak istiʻmâlini teʼmîn için bir kânûn-ı mahsûs istihsâli ancak yevm-i mezkûrda Hilâl-i Ahmer pullarından teʼmîn edilecek vâridâtın memleketde umûmî bir âfet hâlini alan sıtma mücâdelesine tahsîsi Bu takdîrde velev bir gün için olsun posta pulu mâhiyetini iktisâb edecek olan pullarımızın umûmî koleksiyonda bir mevkiʻi olacağından dünyânın her tarafında yüz binlerce koleksiyon merâk- lılarının taleb ü rağbetini celb edeceği ve bu yüzden de ayrıca azîm menâfiʻ teʼmîn eyleyeceği mel- hûzdur. 2-Merkez-i umûmînizce mukaddemâ icrâ edilen teşebbüs netîcesinde memâlik-i ecnebiyedeki bazı şehbenderhânelerimizde pasaport vizesi esnâsında alâkadârlarının arzu ve ihtiyârlarına muʻallak olmak üzere Hilâl-i Ahmer pullarının sarfı teʼmîn edilmiş olduğu cihetle bu bâbda bi'l-umûm şehben- derhânelerimizin lütf u muzâheretlerinin teʼmîni zımnında Hâriciye Vekâlet-i Celîlesi'nden istihsâl-i müsâʻade olunması 3-Bi'l-umûm eczâhâne ve ticârethânelerin her reçete ve fatura üzerine kırk paralık pul yapışdır- maları için teşebbüsât-ı lâzımede bulunulması Sâniyen, aʻzâ âidâtıdır. Memâlik-i sâirede Salîb-i Ahmerlerin en kuvvetli istinâdgâhı aʻzâ-yı âmilesinin çokluğu ve âidât-ı seneviyelerinden istihsâl etdikleri vâridât olduğu hâlde cemʻiyetimizin senelerden beri bu uğurda sarf etdiği mesâʻî maʻalesef arzu etdiğimiz derecede semeredâr olamamış- dır. Binâenaleyh bi'l-umûm merkez ve şuʻbelerimizin aʻzâ-yı âmile adedini tezyîd husûsunda pek büyük faʻâliyet ibrâz ederek gelecek sene meclis-i âlîlerine bu bâbda şâyân-ı memnûniyet bir netîce göstermemizi teʼmîn buyurmalarını bilhâssa temennî eyleriz. İʻânât Fevkalâde büdcemiz vâridâtının en mühim faslı iʻânâtdır. 480.068 liraya bâliğ olan hâsılâtın 412.651 lirası memleket dâhilindeki teberruʻâtla merâkiz ve şuʻabâtımızın semere-i mesâʻîleri olarak istihsâl etdikleri iʻânât olup 67.417 lirası memâlik-i ecnebi- yeden alınmışdır. Memleket dâhilindeki iʻânâtın ehemmiyetli bir yekûna bâliğ olması [13]38 [1922] senesi nihâ- yetine kadar esbâb-ı muhtelifeden dolayı hulâsa-i hesâbiyelerini göndermeyen ekser merâkiz ve şuʻa- bâtımızın hesâblarını göndermeleri üzerine sinîn-i sâbıka hâsılâtını da ihtivâ eden vâridât yekûnleri- nin sene-i mezkûre vâridât-ı umûmiyesi meyânına idhâl edilmesinden mütevelliddir. Satış Hâsılâtı İhtiyâcdan fazla olan veya adem-i lüzûmu tahakkuk eden eşyâ ve malzemenin nakde tahvîliyle anbârlarımızın tasfiyesi mukarrer olduğundan bu sûretle elden çıkarılan eşyâ ve malzemeden sene-i mezkûre zarfında 148.937 lira hâsılât teʼmîn edilmişdir.