HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 49 2435 24 Âile maʻâşâtı 258 - - 25 Meʼmûrîn ve müstahdemîn iʻâşesi 1.087 96 500 26 Nakliyât 3.687 75 500 27 Beynelmilel üserâ heyʼet-i tahkîkiye- si masrafı 102 80 - 28 Anbâr amele ve meʼmûrîn-i muvak- katesi yevmiyesi 44.376 86 500 29 Çırağan depoları inşâât masrafı 5.492 80 - 30 Ankara murahhaslığı masârıfı 8.585 91 684 31 Zerʻiyât masârıfı 223 28 - 1.198.500 2 306 Raporumuzun idârî kısmında arz u îzâh edilen ve sinîn-i sâbıkaya nisbetle pek azîm masârıfı istilzâm eyleyen bu iki senelik hidemâtımızın hüsn-i îfâsına gerek heyʼet-i merkeziyeniz ve gerek bi'l-cümle merâkiz ve şuʻabât heyʼetleriyle meʼmûrîn ve müstahdemîniniz bütün sadâkat ve mevcû- diyetleriyle sarf-ı mesâʻî etmiş olmakla berâber bir tarafdan da cemʻiyetin vazʻiyet-i mâliyesini tarsîn ve takviyeye hâdim tedâbîri teemmül [185] ve ittihâzdan bir an hâlî kalmamışlardır. Enzâr-ı âlîlerine arz etdiğimiz [1]340 [1924] senesi gâyesindeki vazʻiyet-i mâliyeyi irâʼe eden bilançomuzun muhte- viyâtı bu maʻrûzâtımızı teʼyîde kâfi ve çok kıymetli bir vesîkadır kanâʻatindeyiz. Senelerden beri mütevâlî bir silsile-i mesâʻînin istilzâm etdiği masârıf-ı azîme teʼmîn ve îfâ edildikden sonra cemʻiyet [1]341 [1925] senesine 689.782 lira nakid, 50.239 lira kıymetli eşyâ ve tahvîlât, 112.775 lira kıymetinde gayr-ı menkûl emvâl, 1.142.724 lira kıymetinde eşyâ ve levâzıma mâlik olarak dâhil olmuşdur. Eşyâ ve levâzım kıymetini irâʼe eden bir milyon yüz kırk iki bin küsûr lira, mâliyet fî-i vasatî- leriyle mukayyed olan eşyâmızın kıymet-i mecmûʻasını irâʼe eder ise de bunlardan kısm-ı aʻzamının kıymet-i hâzıralarıyla iştirâiyeleri arasındaki cemʻiyet lehine şâyân-ı kayıd farklar hesâb edilmemiş- dir. Bilhâssa kuvâ-yı iʼtilâfiyeden mübâyaʻa edilip depolarda cemʻ ve tasnîf ameliyesi yakın zamân- larda ikmâl edilebilen eşyâ ve malzemenin cemʻiyetimiz müe[sse]sâtına lüzûmu olmayan aksâmın- dan el-yevm elimizde mühim bir kısmı mevcûddur ki, bunların kıymetleri erbâb-ı ihtisâsa takdîr etdirilmiş ve piyasanın maʻrûz kaldığı buhrâna rağmen müsâʻid şerâitle elden çıkarılmasına sarf-ı gayret edilmekde bulunulmuşdur. Teklîfât 1-[1]399 [1923] ve [1]340 [1924] seneleri hesâbât-ı katʻiyesiyle bilançolarının kabûl ve tasdîki ve merkez-i umûmînin ibrâsı 2-Muʻaddel nizâmnâme-i esâsî lâyihasının bi't-tedkîk hükûmete arzı 3-Gençlik Salîb-i Ahmeri Teşkîlâtı 4-Sıhhiye tayyâreleri iştirâsı 5-Malarya mücâdelesine muʻâvenet