HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 49 2437 maksad veya haysiyetine münâfî ahvâle tasaddî etmiş olduğu veya siyâsetle iştigâl eylediği heyʼet-i merkeziye raporu ve meclis-i umûmî karârıyla tebeyyün etdiği takdîrde zâil olur. Meclis-i Umûmî Mâdde 6- Detroit Hilâl-i Ahmer Merkezi, bir meclis-i umûmînin taht-ı nezâret ve murâkabesin- de bulunmak üzere intihâb edeceği bir heyʼet-i merkeziye tarafından idâre olunur. Mâdde 7- Meclis-i umûmî müessis ve âmil aʻzâ ile Amerika'nın sâir şehirlerinde teessüs ede- cek şuʻbelerden gelecek ikişer murahhas ve heyʼet-i merkeziye aʻzâsından mürekkeb olarak her sene Kânûn-ı Sânî ayında heyʼet-i merkeziyece taʻyîn edilecek bir günde alelâde ictimâʻını akdeyler. Heyʼet-i merkeziye lüzûm görür veya aʻzâ-yı müessise veya âmileden elli zâtın müşterek bir takrîri ile teklîf edilirse meclis-i umûmî fevkalâde olarak ictimâʻa daʻvet eyler. Mâdde 8- Detroit merkezine merbût şuʻbelerden meclis-i umûmîye gönderilecek murahhaslar o şuʻbe heyʼeti tarafından intihâb edilir ve kendilerine masârıf-ı seferiye veya tazmînât verilmez. Şuʻbelerce murahhas göndermeğe imkân görülmediği takdîrde Detroit'de bulunan âmil aʻzâdan mu- rahhas intihâb edilir. Mâdde 9- Meclis-i umûmînin inʻikâd edebilmesi için müessis aʻzâ ile heyʼet-i merkeziye aʻzâ- sından kırk zâtın huzûru şartdır. O mikdâr aʻzâ mevcûd bulunmadığı hâlde meclis on beş [187] gün sonra ikinci bir ictimâʻa daʻvet olunur. Bu ictimâʻda aʻzâ-yı mevcûde mikdârı kaç olur ise olsun, meclis inʻikâd eder ve müzâkerât bir rûznâmeye tevfîkan cereyân ederek zabta geçer. Mâdde 10- Meclis-i umûmî ictimâʻında bulunabilmek için son taksît makbûzunun ve hüviyet varakasının ibrâzı muktezîdir. Mâdde 11- Meclis-i umûmî müzâkerâtının teʼmîn-i hüsn-i cereyânı için aʻzâ-yı mevcûdenin ekseriyet-i ârâsıyla bir reîs ve iki reîs-i sânî intihâb edilir. Bi'l-cümle karârlar mevcûd aʻzânın ekseri- yet-i ârâsıyla verilir. Mâdde 12- Meclis-i umûmî heyʼet-i merkeziyenin raporuyla hesâbât-ı umûmiye ve bilançosunu tedkîk ve tasdîk eder. Heyʼet-i merkeziye aʻzâlığında münhal varsa yenilerini intihâb eder. Merkezin mesâʻîsini tanzîm ve tezyîd-i vâridâtı teʼmîn edecek mukarrerât ittihâz eyler. Cemʻiyetin nizâmnâ- me-i esâsîsine muvâfık olan bi'l-cümle meclis-i umûmî mukarrerâtı heyʼet-i merkeziyece lâzımü'l-ic- râdır. Meclis-i umûmî mukarrerâtı merkez-i umûmîye ayrıca bildirilir. Heyʼet-i Merkeziye Mâdde 13- Meclis-i umûmînin aʻzâ-yı müessise ve âmilesi meyânından reʼy-i hafî ile intihâb edeceği on altı zât heyʼet-i merkeziyeyi teşkîl eder. Heyʼet-i merkeziye, cemʻiyetin nizâmât-ı esâsîsi dâiresinde iʻâne derc etmek ve hesâbâtını tanzîm eylemek ve meclis-i umûmî mukarrerâtını icrâ ve bi'l-cümle umûr-ı cemʻiyeti tedvîr vazîfeleriyle mükellef ve bu vezâifin sûret-i îfâsından müştereken mesʼûldür. Mâdde 14- Heyʼet-i merkeziye aʻzâsından birinin irtihâli veya bilâ-maʻzeret mütevâliyen beş ictimâʻda hâzır bulunmaması veya istiʻfâ etmesi sûretiyle vukûʻ bulacak münhal aʻzâlığa aʻzâ-yı müessise veya âmileden heyʼet-i merkeziyenin ekseriyet-i ârâsıyla bir diğeri intihâb edilir. Bu sûretle yapılacak intihâbâtın ilk meclis-i umûmîye arz ve tasdîk etdirilmesi meşrûtdur. Mâdde 15- Heyʼet-i merkeziye, her sene tecdîd edilmek ve bir reîs ve bir müfettiş, bir muhâ-