HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 42 1961 şuʻbe ve mahallî zümreleri beynelmilel mesâile daha ziyâde alâkadâr kılmak ve efkâr-ı beynelmile- liyenin neşr u taʻmîmi için mümkün olduğu takdîrde Esperanto lisânıyla teʻâtî-i fikir ve nazar etmek üzere ne gibi teşvîkkâr bir vâsıta istiʻmâl edilebileceğinin tedkîkini Cenevre Komitesi'nden ricâ eyler. Viyana'da ictimâʻ eden Salîb-i Ahmer esperanistleri muʻaddel İspanya Salîb-i Ahmer Nizâm- nâme-i Esâsîsi 'ne Esperantonun aʻzâ tarafından tahsîl ve taʻmîminin teşvîki zımnında vazʻ edilen fıkradan dolayı İspanya Salîb-i Ahmer Cemʻiyeti'ni an-samîmin tebrîk eder. Umûmî Esperanto kongrelerinin hîn-i inʻikâdında [236] muhtelif memleketler murahhasların- dan mürekkeb bir meclisin millî cemʻiyetlere takdîm edilmek üzere bir rapor ihzâr etmesi, sâniyen Salîb-i Ahmer aʻzâ ve muhibbânından bir meclis-i umûmî teşkîli şâyân-ı temennîdir. Beynelmilel Salîb-i Ahmer Esperanist İttihâdı'na dâhil olacak her aʻzânın millî Salîb-i Ahmer Cemʻiyeti'ne mensûb olması mecbûrîdir. Muhtelif memleketler murahhasları ile Cenevre Salîb-i Ahmer Komitesi murahhası işbu ic- timâʻât-ı seneviyenin dâimî komitesi addedilir. _______________ HİLÂL-İ AHMER HAVÂDİSİ Hilâl-i Ahmer Hindistan Heyʼeti Bombay'da bulunan Hilâl-i Ahmer'e âid kerestelerin kereste fabrikasını tesellüme meʼmûr Mü- fettiş-i Umûmî İsmail Besim Paşa ile merkez-i umûmî aʻzâsından Doktor Hikmet ve Tercümân Tev- fik Beylerden mürekkeb heyʼet 8 Şubat'da Simplon treniyle ve Cenova tarîkıyla Hindistan'a hareket etmişlerdir. _______________ Durban'da Sâhib-i Hamiyet Bir Zât Cenûbî Afrika'da Durban şehrinde mukîm Musa Hacı Adem Efendi mâbaʻd-i mevtine izâfetle Hilâl-i Ahmer lehine para vakfetmek niyetinde bulunduğundan bahisle bunu cemʻiyetin mütevellî sıfatıyla derʻuhde edip edemeyeceğini istifsâr etmesi üzerine Hilâl-i Ahmer riyâsetinin mütevellî nasb edilmesi sûretiyle bir vakfın sahîh ve câiz olacağı mûmâileyhe cevâben bildirilmişdir. _______________ Detroit Şuʻbesi Amerika'da Detroit şehrinde Hilâl-i Ahmer Muʻâvenet Cemʻiyeti nâmıyla teessüs etmiş bir şuʻbemiz vardır. Şuʻbeyi teşkîl eden aʻzânın hemen kâffesi Türk ve Müslümândır. Bu muhterem va- tandâşlarımızın Hilâl-i Ahmer Cemʻiyeti'ne irsâl etdikleri teberruʻât-ı mühimmeyi mecmûʻamız her ay kemâl-i fahr u şükrânla neşretmekdedir. Merkez-i umûmîmiz bundan birkaç ay mukaddem Detroit şuʻbesine ipekden maʻmûl bir Hilâl-i Ahmer bayrağı ihdâ etmiş idi. Bu bayrağın cemʻiyet mahfilinde hâsıl etdiği sürûr ve heyecânı şuʻbe reîsi Resul Derviş Bey âtîdeki mektûbla şu sûretle tasvîr ediyor: