HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 42 1960 İngiliz cerâid-i tıbbiyesi muʻtî-i demlerin evsâf-ı sıhhiye-i şahsiyeleri üzerinde ısrâr etmekde ve tâmmü's-sıhha yirmi ile kırk yaş arasında bulunanların tercîhini tavsiye eylemekdedir. Belçika Salîb-i Ahmer Mecmûʻası da nakl-i dem ameliyâtına dâir neşretdiği fıkrada 32 defa kanını veren bir İngiliz'i zikrediyor. [235] Fıkrayı aynen derc ediyoruz: Beşeriyete îfâ edilen güzel hizmetlerden biri de şübhesiz İngiliz Salîb-i Ahmer mensûbîninden Teyb'in hizmetidir. Mösyö Teyb kanının kendi damarlarından diğerlerinin damarlarına nakledilmesi için şimdiye kadar 23 muhtelif hastahâneye mürâcaʻat etmişdir. Mûmâileyh bu lütf u sehâvetine mukâbil aslâ para kabûl etmemekdedir. Mösyö Teyb verdiği kandan dolayı sıhhatinde bir eser-i zaʻf ve tahavvül hissetmemekde ve fi'l-hakîka nakl-i dem icrâ edildiği günlerde hânesine yalnız başına avdet eylemekdedir. Bundan üç sene mukaddem bir çocuğun hayâtını kurtarmak üzere kendi kendisini nakl-i dem ameliyâtı için tak- dîm etdiği zamân bundan sıhhatinin aslâ müteessir olmadığını anlamışdı. Ebnâ-yı cinsine îfâ etdiği bu âlî ve şeref-bahş hizmetinden dolayı İngiliz Salîb-i Ahmer Cemʻi- yeti'nin bi'l-cümle aʻzâsı Mösyö Teyb'in şahsıyla müftehir olduğuna aslâ şübhe edilmemelidir. _______________ ESPERANTO VE SALÎB-İ AHMER 2 Geçen Ağustos'un altısından on altısına kadar 3.000'den fazla aʻzâsının huzûruyla 16'ncı Espe- ranto Kongresi Viyana'da ictimâʻ etmişdir. Salîb-i Ahmer esperanist aʻzâ ve muhibbânı dahi bu münâsebetle Ağustos'un dokuzuncu günü şehr-i mezkûrda ayrıca bir celse akdetmişlerdir. Cenevre Beynelmilel Salîb-i Ahmer Komitesi'nin mezkûr kongreye murahhas olarak iʻzâm et- diği Mösyö Herner, esperanist müessesesinin senelik faʻâliyeti hakkında tanzîm etdiği raporu komi- teye göndermişdir. Kongrece ittifâk-ı ârâ ile kabûl edilen mukarrerât-ı âtiyenin Cenevre merkezine teblîğ edilmesi Mösyö Herner'den sûret-i mahsûsada ricâ edilmişdir. Viyana'da ictimâʻ eden Salîb-i Ahmer esperanist aʻzâsı sene-i câriye zarfında Beynelmilel Salîb-i Ahmer Komitesi'nden mazhar olduğu muʻâvenete ve komitenin Esperanto Konferansı'na bir murahhas iʻzâm etmiş olmasına arz-ı şükrân eyler. Salîb-i Ahmer Merkez Komitesi'nin mâzîde olduğu gibi bundan sonra da kongrelere murahhas iʻzâmına devâm edeceğini esperanistler ümîd ederler. Millî Salîb-i Ahmer Cemʻiyetlerinden birçoklarının Salîb-i Ahmer'e âid beynelmilel mâhiyet- de bulunan maʻlûmâtı şuʻbelere teblîğ etmediklerine esperanistler maʻalesef muttaliʻdirler. Mezkûr 2 Esperanto, ibtidâ müessis ve mûcidinin nâm-ı müsteʻârı olduğu zannedilen beynelmilel bir lisân ve "ümîd eden şa- hıs" maʻnâsınadır. Esperanto 1887 senesine doğru Rus etıbbâsından Doktor Zamenhof tarafından ihtirâʻ edilmişdir. Beynelmilel münâsebâta vâsıta olan bu lisânın pek sürʻatle taʻlîm edilebilecek otuz altı kâʻidesi ve basît bir nahvi vardır.