HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 49 2440 Mâdde 20- Cemʻiyet aʻzâsından taʻahhüdâtını mun- tazaman edâ etmiş bulunanlardan hasta olanların hâne- lerinde veya hastahânede tedâvîlerine tavassut etmek ve eğer tedâvî masrafına mütehammil değilse bu masrafı tesviye eylemek, hastalığı memleketine avdetini istilzâm edenlerden yine muhtâc-ı muʻâvenet olanlarının masârıf-ı seferiyelerini vererek vatanına sevk ve iʻzâm eylemek ve vefât edenlere bi'l-vâsıta veya bilâ-vâsıla merâsim-i dîniye îfâsını teʼmîn eylemek heyʼet-i idârenin cümle-i vezâifin- dendir. Mevâdd-ı Müteferrika Mâdde 21- Heyʼet-i merkeziye heyʼet-i idâreden mâʻadâ kitâb, tenvîr, matbûʻât ve neşriyât ve teftîş heyʼetleri teşkîl edebilir. Bu heyʼetlerin [190] vazîfe ve salâhiyetleri heyʼet-i merkeziyece taʻyîn ve tahdîd edilir. Mâdde 22- Detroit Hilâl-i Ahmer Merkezi, Amerika'da kendisine vasiyet veya teberruʻ sûre- tiyle verilecek bi'l-umûm emvâl-i menkûle ve gayr-ı menkûleyi merkez-i umûmî nâmına kavânîn-i mahalliyeye tebaʻan tasarruf edebilir. Mâdde 23- Tertîb edilecek müsâmere, sergi, çiçek fürûhtu, piyango, rozet tevzîʻi, Cumartesi, Pazar veya eyyâm-ı resmiyede kutulara atılacak iʻânâtdan hâsıl olan yekûn ile zekât, sadaka-i fıtır ve bunlara mümâsil vâridât-ı fevkalâde vesâir cihetlerden vürûd edecek teberruʻât günü gününe doğru- dan doğruya İstanbul'da Hilâl-i Ahmer Cemʻiyeti Merkez-i Umûmîsi'ne gönderilecekdir. Mâdde 24- Detroit Hilâl-i Ahmer Merkezi, herhangi bir mesʼele-i siyâsiye ile sûret-i katʻiyede iştigâl edemez. Hilâfında hareket edenlerin aʻzâlık sıfatları da sâkıt olur. Mâdde 25- Hilâl-i Ahmer Merkez-i Umûmîsi, Detroit merkezinin bi'l-umûm muʻâmelât ve hesâbâtını doğrudan doğruya veya bi'l-vâsıta teftîş etdirecekdir. Detroit merkezi mesâʻîsi cemʻiyetin nizâmât-ı esâsîsine ve merkez-i umûmînin evâmir ve teblî- gâtına mugâyir görüldüğü takdîrde merkez-i umûmîce taʻtîl ve îcâb ederse merkez-i mezkûr feshe- dilir. Nedime Hasan Hanım Hayriye Mehmed Ali Hanım Ayşe Mustafa Hanım Naciye Hüdaverdi Hanım