HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 49 2441 Detroit merkezi îcâbında mahallî millî Salîb-i Ahmer'in muzâheret ve muʻâvenetini taleb edebi- leceği gibi mezkûr Salîb-i Ahmer tarafından vâkiʻ olacak istîzâhlara cevâb vermeğe ve taleb vukûʻun- da merkezin mesâʻîsi hakkında her türlü maʻlûmâtı iʻtâya mecbûrdur. _______________ Çorum vilâyetince mukaddemâ maʻa-nakliye bin liraya mübâyaʻa edilmiş olan iki etüv ma- kinesi nevʻinden daha iki etüv makâm-ı mezkûra aynı bedel ile fürûht edilmiş ve Çorum'un muhtâc olduğu beşinci etüv de Çorum Hilâl-i Ahmer Merkezi emrine bilâ-bedel tahsîs ve irsâl kılınmışdır. _______________ Konya Hilâl-i Ahmer Merkezi'nin tecdîd-i intihâbâtı münâsebetiyle heyʼet-i merkeziyeye ye- niden intihâb olunan aʻzânın esâmîsini mübeyyin vârid olan mazbata-i intihâbiye berây-ı tasdîk mer- kez-i umûmîye verilmişdir. _______________ Amasya, Niğde Hilâl-i Ahmer merkezleri heyʼet-i merkeziye ve idâresine intihâb olunan zevâtın esâmîsini mübeyyin gönderilen mazbata-i intihâbiyeler berây-ı tasdîk merkez-i umûmîye verilmişdir. _______________ Cağaloğlu'nda kâin Tıb Fakültesi'ne merbût muʻâyenehânenin Haydarpaşa'daki Tıb Fakülte- si'ne nakli dolayısıyla Hilâl-i Ahmer'e âid mezkûr dispanserdeki eczâhâne seddedilmişdir. _______________ Afganistan tarafından teşkîl edilecek Hilâl-i Ahmer için Türkiye Hilâl-i Ahmer Cemʻiyeti'nden bir mütehassısın iʻzâmı ricâ edilmişdir. _______________ Diyarbekir Merkezi Geçen Kurbân Bayramı'nın ilk günü Diyarbekir Kız Muʻallim Mektebi tâlibâtından Fatma Sü- leyman, Cahide Mustafa, Kadriye Feyzi, Güzide Süleyman, Mevzune Necib, Şerife Sadık, Nebile Hakkı, Yerika Cemil, Münire Hakkı, Nermin Nazif Hanım kızlarımız tarafından rozet hâsılâtı olarak derc ve cemʻ edilen iki yüz altmış yedi lira posta ile merkez-i umûmîmize irsâl kılınmışdır. [191] Bu temiz kalbli benât-ı müşfikaya ve müteberriʻîn-i kirâma şükrânlarımızı takdîm ederiz. _______________