HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 49 2442 İstanbul Dispanserleri Üsküdar ve Fatih Dispanserlerinde Ağustos ibtidâsından gâyesine kadar muʻâyene ve tedâvî edilen hastalar: Aded Üsküdar Dispanseri'nde 882 Fatih Dispanseri'nde 905 Yekûn 1.787 Adana Dispanseri [1]341 [1925] senesi Mayıs'ından Ağustos gâyesine kadar Adana Hilâl-i Ahmer Dispanseri'ne mürâcaʻatla meccânen muʻâyeneleri icrâ ve edviyeleri iʻtâ olunan hastaların adedi 3.552'si zükûr ve 3.188'i inâs olmak üzere 6.739'dur. Dispansere mürâcaʻat edenlerde en ziyâde icrâ-yı hükm eden hastalık malarya ile trahomdur. _______________ Hilâl-i Ahmer satış umûru heyʼet-i idârenin nezâret ve murâkabesi altında olmak üzere Muhâ- sebe Mümeyyizi Ziya, Anbâr Müdürü Seyfi, Satış Meʼmûru Nizameddin Beylerden müteşekkil bir komisyona havâle edilmişdir. _______________ İzmir Hilâl-i Ahmer Merkezi İdâresi'nde Bulunan Dispanserler İzmir Hilâl-i Ahmer Merkezi idâresinde bulunan üç dispanserde Ağustos zarfında muʻâyene ve tedâvîleri icrâ kılınan hastaların mikdârı ber-vech-i âtîdir: Aded 1 numaralı dispanserde 3.474 2 numaralı dispanserde 640 3 numaralı dispanserde 800 Yekûn 4.914 Merkez-i umûmî riyâset-i sâniyesi Pendik karyesi ahâlîsinden âtîdeki teşekkür mektûbunu al- mışdır: Bir seneden beri Pendik'de mevcûd olup bilâhare seddedilen dispanserin tekrâr Hilâl-i Ahmer Cemʻiyeti tarafından küşâdı hakkında vukûʻ bulan tavassut ve himemât-ı âlî-cenâbânelerinden dola- yı sırf muhâcir ve muhtâc-ı muʻâvenet olan karyemiz ahâlîsi nâmına zât-ı âlî-i kerîmânelerine arz-ı şükrân ve minnetdârî eyleriz, efendim. Fî 22 Ağustos 1341 [1925]