HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 49 2444 Birkaç gün devâm edecek olan bu konferansda birçok mesâil-i mühimme mevzûʻ-ı müzâkere olacakdır. Ez-cümle Beynelmilel Cenevre Merkez Komitesi raporlarıyla millî Salîb-i Ahmer Cemʻiyetle- ri raporları, sıhhiye tayyârelerinin bîtaraflığı, her memleketin malzeme-i sıhhiyesinin yeksenaklığı, kimyâ harbinin netâyici (muhnik gazlar vesâire), harb gâiblerinin tenzîl-i mikdârı çâreleri, muhâcirî- ne muʻâvenet vesâire. Hilâl-i Ahmer Cemʻiyeti, Fransızca ihzâr etdiği raporunu ber-muʻtâd konferansa takdîm ede- cekdir. Belçika Geçenlerde vefât eden Belçika Salîb-i Ahmer Reîsi aʻyândan Müderris Doktor Depage'ın yeri- ne Doktor Nolf'un riyâset-i mezkûreye intihâbı kral hazretlerinin tasdîkine iktirân etmişdir. Liège Dârülfünûnu müderrisi, Ulûm ve Sanâyiʻ nâzır-ı sâbıkı ve Tıb Akademisi aʻzâsından bulunan Doktor Nolf'a selef-i âlî-kadrı gibi muvaffakiyetler temennî ederiz. [193] Japonya Salîb-i Ahmeri'nin Türklere Yardımı Yardım yeni değildir. 1890'da Abdülhamid-i Sânî, Japonya imparatoruna heyʼet-i mahsûsa ile bir takım hediyeler göndermek istediğinden Ertuğrul harb gemimizi Japonya'ya iʻzâm etdi. Heyʼet reîsi Osman Paşa idi. Ertuğrul, Tokyo'ya vararak avdetinde dehşetli bir fırtınaya tutulmuş ve gark olmuşdur. Kurtulan mürettebâta Japonya Salîb-i Ahmer Cemʻiyeti tarafından muʻâvenet edilmişdir. Bu vakʻayı Japonya Salîb-i Ahmer târîhini yazan Japon Salîb-i Ahmeri Reîsi S. Hirayama'nın Japan Magazine nâm mecmûʻada yazdığı makâleden iktibâs ediyoruz: "-Baron S. Hiramaya diyor ki: Japonya Salîb-i Ahmer Cemʻiyeti 1890 senesinde Osman Paşa'yı hâmil bür Türk gemisinin garkını müteʻâkib kurtarılan Türk gemicilerine yardım etmişdir. Kishu sevâhilinden uzak bir mahalde batan bu geminin kurtulan mürettebâtına Japonya Salîb-i Ahmeri tara- fından sulh zamânında yapılan muʻâvenetin ikincisidir". Müdür-i Mesʼûl: Arif Süleyman