HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 42 1964 Doktor Galib Bey, mülgâ Tıbbiye-i Mülkiye'de muʻallimlikde ve Haseki Nisâ ve Gurebâ Hastahâ- neleriyle dârüleytâm tabâbetlerinde bulunmuş ve 1329 [1913] senesinde cemʻiyetimiz tarafından Gu- rebâ Hastahânesi'nde teʼsîs edilen erkek hastabakı- cılık tedrîsâtı fahrî muʻallimliğini îfâ etdiği esnâda Hilâl-i Ahmer'e intisâb eylemişdir. Umûr-ı hayriye için bir misyoner rûhunu taşıyan Galib Bey Topkapı Fukarâ-perver Müessese-i Hayriyesi'nin hem mües- sisi ve hem reîsidir. Bundan başka mûmâileyh Hilâl-i Ahmer meʼmûru sıfatıyla harîkzedegâna muʻâvenet- de, aşhâneler ve dispanserler ve bilâhare Dersaadet Cemʻ-i İʻânât Heyʼetleri müfettişliğinde bulunmuş ve mübâdele esnâsında Yunanistan'daki İmdâd-ı Sıh- hî Heyʼetlerinin teftîşâtını bi'l-îfâ avdetinde Heyʼet-i İmdâdiye Müdüriyeti'ne nakl-i vazîfe eylemiş idi. _______________ Ardahan Zelzelesi Ahîren Ardahan'da vukûʻ bulan zelzeleden dûçâr-ı felâket olanlara tevzîʻ edilmek üzere 1.000 battâniye, 1.000 fanila, 1.000 don, 1.000 gömlek, 1.000 çift çorab ile 1.500 lira gönderilmişdir. Bundan başka evvelce Erzurum'a irsâl kılınmış olan eczâ-yı tıbbiye, âlât-ı cerrâhiye ve levâzım-ı sıhhiye ve tımâriyeden lüzûmu mikdârının bi't-tefrîk sürʻat-i mümkine ile Ardahan'a sevki için Erzurum Hilâl-i Ahmer Merkezi'ne teblîgât îfâ edilmişdir. _______________ Madam Doughty Willy Madam Doughty Willy nâmında bir İngiliz kadını altı ay mukaddem Hilâl-i Ahmer'in müsâʻa- de-i mahsûsa ve muzâheret-i maʻneviyesiyle Pendik'de bir dispanser küşâd ederek muhâcirînden fakîr ve muhtâc olanların tedâvî ve iʻâşelerini teʼmîn etmiş idi. Ahîren Madam Doughty Willy, biz- zât kendisinin de çalışdığı dispanser için maʻâş ve masârıfı tarafından verilmek üzere faʻâl bir tabîb intihâbını merkez-i umûmîmizden ricâ etmesinden bi'l-istifâde Hilâl-i Ahmer Cemʻiyeti bu büyük kalbli insâniyet-perver kadına teşekkürâtını iblâğa Cevdet [239] Fehim Bey'i meʼmûr ederek Pendik'e göndermişdir. Cevdet Bey, dispanserde gördüğü faʻâliyet-i müşfikâneyi son derece şâyân-ı şükrân bulmuş ve Hilâl-i Ahmer nâmına teşekkür etdiği Madam Doughty Willy'ye yeniden muvaffakiyetler temennîsi ile avdet etmişdir. _______________ Hilâl-i Ahmer Merkez-i Umûmî aʻzâlığına intihâb olunan Doktor Galib Hakkı Bey Dr. Galib Hakki Bey, élu membre du C.C.C.R.T.