HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 42 1965 Yunan Salîb-i Ahmeri'nin Teşekkürü Yunanistan'a nakledilen Rum muhâcirlerinin sevklerine nezâret ve muʻâvenet etmek üzere Yu- nan Salîb-i Ahmeri tarafından Anadolu'nun nukât-ı muhtelifesine iʻzâm edilen heyʼet-i sıhhiyelerin Hilâl-i Ahmer İmdâd-ı Sıhhî Heyʼetlerinden gördükleri teshîlât-ı mihmân-perverâneden ve bilhâssa Samsun Hilâl-i Ahmer Hastahânesi'nde taht-ı tedâvîye alınan bir Salîb-i Ahmer hemşîresine bezl edilen ihtimâmdan dolayı Yunan Salîb-i Ahmeri, Hilâl-i Ahmer Merkez-i Umûmîsi'ne teşekkürât-ı mahsûsasını bir mektûbla iblâğ etmişdir. _______________ Hicaz'da Kalan Âileler Ahîren Hicaz'dan gelen bazı zevâtın ifâde ve mürâcaʻatlarından anlaşıldığına nazaran kıtʻa-i Hicaziye'de, henüz avdet edemeyen ve avdet etmelerine de vazʻiyet-i hâzıra-i siyâsiyeden dolayı mâddeten imkân görülemeyen meʼmûrîn ve tüccâr âilelerine mensûb birçok kadın ve çocuk bulun- makdadır. Pek büyük bir ihtiyâc ve mahrûmiyet içinde evkât-güzâr olduklarına şübhe edilemeyen bu bîçâ- relerin avdetlerini teʼmîn etmek üzere Hilâl-i Ahmer Cemʻiyeti mezkûr âile efrâdının mikdârıyla bulundukları mahalleri Cidde Konsolosluğu vâsıtasıyla tahkîke delâlet etmesini Dersaadet İngiltere Sefâreti'nden ricâ etmişdir. _______________ Paris'de mukîmMadam Lejar tarafından muhâcirî- ne tevzîʻ edilmek üzere gönderilen âtîdeki elbise, çama- şır ve eşyâ Gülhane Muhâcirîn Misâfirhânesi'nin muhtâ- cînine tevzîʻ edilmişdir: 19 kadın gömleği, 7 kadın ceketi, 11 çocuk panto- lonu, 2 takım çocuk elbisesi, 10 metre zefir, 75,60 metre pazen, 52 metre amerikan. Madam Lejar'a bîçâre muhâcirler nâmına arz-ı şükrân eyleriz. Samsun'da Bulunan Hilâl-i Ahmer Etüvü Samsun Hilâl-i Ahmer İmdâd-ı Sıhhî Heyʼeti'nin mesâʻîsine hitâm verilmesine mebnî muhâcirîn meyâ- nında [240] zuhûr etmesi melhûz olan emrâz-ı sâriyeye karşı istiʻmâl olunmak üzere Geneste Herscher sistemin- de bir seyyâr etüv Samsun Sıhhiye Müdüriyeti emrine muvakkaten terk edilmişdir. _______________ Hilâl-i Ahmer Merkez-i Umûmîsi aʻzâlığına intihâb olunan Vakit Gazetesi Sâhib ve Sermuharriri Mehmed Asım Bey Mehmed Assim Bey, Propriétaire et rédacteur en chef du journal Vakit élu membre du C.C.C.R.T.