HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 43 2001 birinde sıtma musâbîni % 60, diğerinde % 35 olduğu anlaşılmış idi. Gerçi bu musâblardan birçoğu muhâcirîn, diğer bir kısmı taşralı gurebâ olması dolayısıyla İstanbul şehrine âid bir nisbet olamaya- cağı iddiʻâ edilebilirse de musâbînin şehirde mütemekkin olmaları cihetiyle intişâr-ı maraz nokta-i nazarından sekene-i asliyeden farkları olamayacağı da derkârdır. Binâenaleyh esâslı bir sıtma mücâdelesine maʻrûz kalacak olan Anadolu'nun her bir tarafını derece derece sıtma ile bulaşık addetmek, her bir kilometre dâhilinde sâhil ve dağlık iklîmde kanında sıtma âmilleri taşıyan halk bulunduğuna îmân etmek îcâb eder. Beş esâslı mücâdele mıntıka- sında sıra ile yapılacak olan teşkîlât ve teʼsîsâtda nazar-ı dikkate alınacak en mühim nokta cebhe dâhilinde sıt- malıların kanları temizlenir ve havâdaki sivrisinek orduları imhâ edilirken büyük nehirler mecrâ- sı arasındaki ordu mıntıkasına miyâhî, hendesî bir hatt-ı hudûd çizmek iktizâ edecekdir. Mücâdele mıntıkasına mevsıl hutût-ı hadîdiye ve bahriyeden gelecek yolcuların kanları kontrol edilerek temiz olduğu takdîrde mücâdele mıntıkasına girebilmeleri teʼmîn edilecek ve bu husûs nevʻanmâ bir kordon mâhiyetinde olacakdır. Bundan mâʻadâ kordon dâhilinde mevcûd sivrisinek orduları mahv edilirken hâricden tekrâr gelemeyecek tarzda mıntıkaya bir hatt-ı hudûd çizilmeli ve bu husûsda topoğraf- ya ve haşerât mütehassıslarının reʼyleri alınmalıdır. Sıtma laboratuvarlarında kanları muʻâyene edilerek sıtmalı olduğu tahakkuk edenlerin muntazam bir künye [259] defterine kayıdları icrâ ve mükellefîn-i askeriye misil- lü dâimâ taʻkîb ve tedâvî edileceğini evvelce söylemiş idik. Bir mücâdele mıntıkasında bu gibilerin mikdârı ne kadar olursa olsun, usûlüne tevfîkan aylar, senelerce devâm edecek olan tedâvîyi taʻkîb etmek üzere husûsî teʼsîsât lâ- zımdır. Fi'l-hakîka tamâmen sıhhat ü âfiyetde gözüken ve hiç- bir şikâyeti olmayan bu gibi eşhâsı nerede ve ne sûretle te- dâvî edeceğiz? Sivrisineklerin duvara konuşları 1 ve 2 anofeller, 3 culex Anopheles maculipennis (erkek)