HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 43 2003 Malatya'nın bir köyünden olan câhil ve zavallı hasta nihâyet ısrârlarını tezyîd ve hattâ firâr etmek teh- dîdinde bulunarak bir gün vizitede muhakkak taburcu edilmesini söylemiş ve mecbûren edilmişdir. Hattâ ka- nındaki gametlerin yine bir gün kendisini tehdîd edecek bir vazʻiyet alacağından gâfil olan sıtmalı öyle bir man- tık da iddiʻâ etmişdi ki, kendisini hastahânede günlerce alıkoymak sûretiyle kapı önünde şifâ bekleyen hastalara karşı hıyânet cürmü işlenmiş oluyordu. Maʻamâfîh gurbetzede ve âilesinin hayât-ı rûz-mer- resini kazanmak mecbûriyetinde olan hastanın mantığını da dinlememekliğimiz lâzımdır. "-Ben nevbetlerden halâs oldum. İçdiğim ilâclar ile kuvvetim kısmen iʻâde edildi. Âfiyetim gün geçtikçe iyileşiyor. Dışarıda çalışıp âilemin yevmî rızkını teʼmîn edeceğime burada bîhûde yatak işgâl etmekdeyim. Be- nim yerime kapı önünde inildeyen ve âteşler içinde yatan diğer bir garîb gelsin, yatsın, şifâ bulsun". Şu mülâhazâtı serd etmek mecbûriyetinde bulunmaklığımız sıtma mücâdelesinin tatbîkât sâha- sında mevcûd müessesât ve anâsır-ı sıhhiye ile ne kadar müşkilâta maʻrûz kalacağını ızhâr etmek ve bu husûsda îcâb eden esâsâtı büdcenin vüsʻü derecesinde şimdiden ihzâr etmek içindir. Bir sıtma mücâdele mıntıkasında gametli eşhâsın mikdârı ne kadar olursa olsun, usû- lüne tevfîkan aylar, senelerce devâm edecek müteʻâkib tedâvîlerin vicdân ve terbiyeden gayrı hiçbir kuvve-i teʼyîdiye ve inzibâtiyesi yokdur. Binâenaleyh gerek cehâlet ve gerek- se ihmâl yüzünden kanları lâyıkıyla taʻkîm olunmayan eşhâs-ı firârî, efrâd-ı mükellefe misillü dûçâr-ı taʻkîbât olması zaferin ve gâyenin istihsâli husûsunda be-gâyet muktezîdir. İşte bu sebebe mebnîdir ki, âfetin fenâlıklarını müdrik olmayan ve nesle olan teʼsîrât-ı muhribesinden gâfil bulunan halk kitlesine karşı ictimâʻiyâtın bazı teşekkülâtı hâdis olmuş ve dolayısıyla sıtmaya karşı mücâdele cemʻiyetleri teessüs etmişdir. Bu [261] cemʻiyât bir tarafdan halkı tenvîr et- mekle berâber diğer tarafdan hastalığın te- dâvî ve tahaffuzu husûsâtında kıymetdâr muʻâvenet ve muzâheretlerde bulunmuşdur. Culex sivrisineğinin sürfesi Anofelin sürfesi Anopheles maculipennis sürfesi