HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 43 2004 Sıtma mücâdelesinde cemʻiyet teşkîlâtı bilhâssa Amerika ve Cenûbî Afrika'da pek kıymetdâr netâyic vermişdir. Tıbkı küûle karşı mevcûd olan ve gitdikçe çoğalan müessesât gibi sıtmaya karşı toplanan cemʻiyât dahi bazı esâsât dâhilinde bu âfet-i ictimâʻiyeye karşı müessir olmakdadır. Memleketimizde şimdiden bâ-husûs sıtması çok mıntıkalarda bu gibi cemâʻat teʼsîsâtını vü- cûda getirmek çok lâzımdır. Tamâmen semt teşkîlâtı mâhiyetinde olan bu gibi müessesâtın yapacağı muʻâvenet ve muzâheret ile mücâdelede zafer daha kolaylıkla ve daha az bir müddetde istihsâl olu- nacağına şübhe edilmesin. Az bir ücret mukâbilinde cemʻiyete aʻzâ kaydolunanların adedi kısa bir zamânda mühim bir yekûne bâliğ olacakdır. Bu gibi cemʻiyât-ı hayriyenin bâ-husûs ahâlîsinin kısm-ı azîmi nûr-ı irfândan mahrûm kalan memleketimizde ne derece müsmir olacağı da bedîhîdir. Sıtmaya karşı cemʻiyetin biz- de yapabileceği vezâifi telhîs edelim: 1-Münâsib mevsim ve günlerde sıtmadan tahaffuz ve vikâye vesâir husûsâtda milleti tenvîr edecek hutbe ve konferanslar vermek, neşriyâtda bulunmak. 2-Sıtmanın lâyıkıyla tedâvîsini idrâk edeme- yenleri taʻkîb etmek ve onlara zahîr olmak. 3-Husûsî deposundan muhtâc olanlara gerek vâkî ve gerekse şâfî kinin tevzîʻ etmek. 4-Sıtma nevbetinden hastahânede yatmak zarûretinde olanların muhtâc-ı âilesinin nafakasını teʼmîn etmek. 5-Sivrisinek mevsimlerinde muhtâc-ı halka cibinlik tevzîʻ etmek 6-Mahalle ve semtlerde sivrisineğin yumurt- layabileceği mahallerin husûlünü menʻ etmek ve mevcûd ufak tefek bataklık ve su birikintilerini, bostân kuyularını doldurmak, kurutmak veyâhûd yağlatmak. 7-Bazı mıntıkalarda seyyâr (kamyonlu) dis- panserler vücûda getirerek köyleri dolaşmak. Her semt teşkîlâtını idâre edecek cemʻiyet şuʻabâtı sıtma mücâdelesinin umûmî safahâtında hükûmet ve belediyelerin kuvvetli birer zahîri ola- caklardır. Fi'l-hakîka bu mahalle teşkîlâtı sâyesinde bir evdeki su küp ve sahrınçları daha sürʻatle örtüle- cek, bir arsadaki metrûk bostân kuyusu ve havuzlar daha emîn bir tarzda doldurulacakdır. Hükûmet ve belediye sıtma mücâdelesinde anayollardan yürü- yecek [262] ve mahalle teşkîlâtı tâlî eşlerde kendisine muzâheretde bulunmuş olacakdır. 1-Culex, 2-Anofel, 3-Aedes kurdları