HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 43 2006 Zelzelelerin, kasırgaların, tayfunların, indifâʻât-ı bürkâniye vesâirenin yanında ahz-ı mevkiʻ edecek olan bu haşerâtın yapdığı tahrîbâtı şimdiki hâlde taʻdîl ve tahfife medâr olacak ve teʼsîrât-ı meşʼûmesini halka daha az hissetdirecek tedâbîrden başka bir şey yapılamıyor. Çekirgeleri muhît olan esrârı tezyîd eden bir şey de nâgehân kesretle zuhûr etdikleri menâtık-ı mezrûʻada mahsûlâtı mahv u ifnâ etdikden sonra umûmiyetle geldikleri sahrâ ve çöllere tekrâr avdet- le nâ-bedîd olmalarıdır. Çekirge istîlâsını tevkîf edebilecek kâfi vesâit-i mücâdeleye mâlik değil miyiz? Alâkadâr mem- leketler arasında çekirgelere karşı beynelmilel bir ittihâd teşkîli kâbil değil midir? Kâbil olduğu tak- dîrde bu zümrenin aʻzamî bir fâide teʼmîn edebilmemesi için mücâdelenin şekli ne olmalıdır? gibi suâlleri diğer bir makâleye terk ediyoruz. Çekirge âfetinin en ziyâde endîşe ile karşılandığı memleketlerden başlıcaları Cenûbî Amerika ile Cenûbî Afrika kıtʻalarıdır. Cenûbî Amerika'da âfetden en ziyâde Arjantin Cumhûriyeti müteessirdir. Bu cumhûriyetin San- ta Fe eyâletinin elliden fazla nevâhîsi müretteb ve muntazam devşirme mücâdelesi tertîb etmişdir. Buenos Aires'de münteşir La Nation gazetesinde hemen her gün intişâr eden resmî istatistik- lere nazaran Eylül'den iʻtibâren her gün binlerce kilo çekirge toplatdırılmış (20 bin kilodan 200 bin kiloya kadar) ve Teşrîn-i Sânî'nin birinci gününe kadar devşirilen çekirgeler dört milyon kiloya bâliğ olmuşdur. Cemâhîr-i Müttefika'nın mühim fabrikalarından biri son çekirge mücâdelesi için iʻmâl ve teslîm etdiği ale't-takrîb 18.000 mil tûlünde galvaniz[le]meli çelik levhalar için beş milyon dolar gibi mühim bir meblağ almışdır. Çekirgelerin 1923-1924 senesi zarfında Arjantin'de seyretdikleri sâha 1.512.730 kilometre mu- rabbaʻıdır. Vasatî Amerika'da ise Ağustos'dan iʻtibâren Meksika'nın muhtelif nukâtı ve bilhâssa Veracruz kıtʻâsı âfetin istîlâsına uğramışdır. On binden fazla nüfûsa mâlik bulunan bu kıtʻanın mezrûʻâtı kâmilen mahv olmuş ve samanla mestûr olan dâmlar tamâmen çıplak kalmışdır. Birçok trenler çekirge kümeleri üzerinden kayıp yol- dan çıkmışdır. Trenlerden bazılarının önüne alev hâlinde yağ neşreden mahsûs borular vazʻ edilerek katarın mürûrundan evvel çekirgeler yakılmışdır. Haşerâtın kahve ve şekerkamışı tarlalarına verdiği zarar birkaç milyon dolar takdîr edilmekdedir. Cenûbî Afrika'da ve bilhassa Transvaal ile Be-Ku-Analand havâlîsi çekirgeden son derece mü- teessir olmuşdur. Transvaal'ın havâlî-i şimâliyesinde buğday ve mısır mahsûlâtı tamâmen mahv olmuş ve geçen sene kırk binden fazla lastik ağacı gars edilmiş bir arâzîde ağaçlar sath-ı türâba kadar kemerleşmişdir. Çekirge kümelerinin ileri hareketine mâniʻ olmak üzere Oranj ve Zambezi nehirleri arasındaki kıtʻada sarf edilen gayret ve mesâʻî tamâmen heder olmuşdur. Temmuz bidâyetinde Johannesburg şehrinin sokakları ölen veya ölmek üzere bulunan çekirgelerle mestûr görülmüş ve haşerâtın cîfele- rinden [264] suların televvüs etmesi ihtimâline mebnî pek ziyâde telâşa düşülmüşdür. Namaqualand'da çekirgenin yapdığı tahrîbâtı mazarratça aynı derecede müdhiş bir kuraklık taʻkîb etmiş ve sonra buna hadsiz hesâbsız koyun ve keçi sürülerinin telef olması yüzünden hemen