HİLÂL-İ AHMER MECMÛʻALARI / CİLT 6

2540 Beşinci Sene 28 Cemâziyelevvel sene 1344 / 15 Kânûn-ı Evvel sene 1341 (1925) Numara 52 Makâlât ve İʻlânât, Mecmûʻa Müdüriyeti'ne Gönderilmelidir. TÜRKİYE HİLÂL-İ AHMER MECMÛʻASI Derc Edilmeyen Evrâk ve Makâlât İʻâde Edilmez. Her Ayın On Beşinde Neşrolunur. Senelik abonesi bir liradır. Merciʻi: Yerebatan Câddesi'nde Hilâl-i Ahmer Merkezi. Telefon: İstanbul 2653 Mündericât: İctimâʻî Hıfzıssıhha – Almanya'da Gençlik Tabîbi – Rus Salîb ve Hilâl-i Ahmer Cemʻiyetleri İttihâdı – Ayyâşlık, Cerâim ve İçki Düşmanlığı – Sıhhat İçin – Mühim Bir İstatistik – Hilâl-i Ahmer Havâdisi – Salîb-i Ahmerler Havâdisi – Çocukların Tegaddîlerinde Kifâyetsizlik – Fransızca Kısmı – İngilizce Kısmı İCTİMÂʻÎ HIFZISSIHHA -25- Güneş Banyosu "Güneş girmeyen yere hekîm girer" taʻbîri eskiden beri bu seyyâreye atfedilen ehemmiyeti göstermekde ise de zevi'l-hayâta olan teʼsîrât-ı şifâ-bahşâsı son zamânlara kadar anlaşılamamış idi. Güneşin zevi'l-hayât için bir devâ olduğu son asrın meydâna çıkardığı hakîkatlerden biri olmuşdur. Ecdâdımız gözlerini açıp başları üzerindeki seyyâreye bir nazar-ı atf ile onun kudret ü azameti- ni idrâk etmişler ve hayâta olan teʼsîrini ancak onun yakıcı ve bunaltıcı kızgınlığında zannetmişlerdi. Fen terakkî edip de mikrob nazariyesi teessüs etdikden ve birçok hastalıkların avâmili keşfolunduk- dan sonra güneşin teʼsîrât-ı devâiyesi daha iyi anlaşılmağa başlandı. Fi'l-hakîka cihânın en muʻaz- zam ve muhteşem bu seyyâresinde başlıca harûrî ve ziyâî olmak üzere iki mühim şuʻâʻât bulunduğu tahakkuk ve şuʻâʻât-ı ziyâiyenin teʼsîrâtı daha bâriz ve gâlib olduğu teeyyüd etdi. Fizyoloji nokta-i nazarından en müessir şuʻâʻın ültraviyole denilen mor menekşe tayf olduğu da anlaşıldıkdan sonra bütün dikkat ü ihtimâm bu husûsa atfedilmiş ve fennin terakkiyâtı ile bugün tabâbetde sunʻî güneş ziyâsı ve banyosu elde edilmişdir. Bundan mâʻadâ yüksek tepelerdeki güneşin teʼsîrâtının daha gâlib olduğu nazar-ı dikkate alınarak "yüksek güneş ziyâsı" nâmı tahtında bir takım ihtirâʻlar meydâna atılmış ve tatbîk olunmağa başlanmışdır. Güneşin en büyük düşmanı verem mikrobudur. Bu uzviyet yaşamak ve çoğalmak için kuytu, karanlık mahalleri arar. Güneşin aydınlatdığı ve ısıtdığı yerlerde ömrü birkaç günden birkaç sâʻa- te kadar azalır. Köylerimizde hıfz-ı sıhhatin tekâmül etmemesine rağmen köylülerimizin sıhhatinin muhtel olmaması ve verem illetinin garbda intişârından fazla olmayışının esbâbı hep onların bütün gün güneş [252] altında çalışmalarına atfetmek doğru olur.