HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 52 2543 2-Umûmî tedâbîr-i vâkıyeyi ittihâz etmek 3-Ahvâl-i sıhhiyeleri mektebe devâma gayr-ı müsâʻid çocuklar için muʻâyene ilmühaberi tan- zîm ve bu gibi etfâlin husûsî derslere devâmını teʼmîn etmek 4-Esbâb-ı sıhhiyeye binâen bazı dersleri taʻkîb etmemek veya mektebi değiştirmek için muʻal- lim ve müdürlerinin mürâcaʻatı üzerine talebeye meʼzûniyet vermek 5-Mektebce mazhar-ı himâye ve muʻâvenet olan muhtâcîn-i etfâlin nezâret-i tıbbiye ve teftîşât-ı sıhhiyesini îfâ etmek 6-Ber-vech-i âtî husûsâtdan istifâde edecek etfâli tefrîk etmek. Evvelâ etʻimenin taksîminden, sâniyen tedâvî-i istirâhatden (Diğerleri için tehlike teşkîl edecek olan veremli veya veremden şübheli çocuklar hakkında Veremlilere Muʻâvenet Teşkîlâtı'yla anlaşacakdır.), sâlisen ortopedi (jimnastik) derslerinden. 7-Taʻyîn-i meslek için teşekkül eden mecâlis ile teşrîk-i mesâʻî etmek 8-Etfâle mahsûs sıhhat cüzdânlarını doldurmak Üçüncü Mâdde- Muʻâyene-i tıbbiyeler, çocukların münferiden ve sınıfların her sene mücte- miʻan olmak üzere iki kısımdır. Mecbûrî olan muʻâyene-i şahsiye ve ferdiye ber-vech-i âtî husûsâtda icrâ edilir: 1-Gençlik tabîbine gösterilen ve henüz sinn-i tahsîle dâhil olmayan her çocuğun, 2-İbtidâî ve tâlî mekteblerle meslek mekteblerine kaydedilen veya bu mekteblerden çıkan her çocuğun, 3-Mektebin beşinci senesine devâm eden, 4-Evvelki muʻâyenesinde herhangi galaz-ı tabîʻat bir hâli meydâna çıkan, 5-Herhangi bir hastalığın aʻrâz-ı müştebihesi bulunan, 6-Ziyâretçi hastabakıcı tarafından gençlik tabîbinin dikkati celb edilen her çocuğun ale'l-infirâd muʻâyenesi mecbûrîdir. Dördüncü Mâdde- Muʻâyene-i şahsiyeler sıhhat cüzdânlarında irâʼe edilen usûl dâiresinde icrâ edilir ve bu vesileden bi'l-istifâde tabîb tarafından çocuklara Pirke veya Moro usûlünde verem aşısı tatbîk edilir. Tabîbe muʻâvenetde bulunanlar çocuğun sıkletini, kâmetini, muhît-i sadrîsini, manzara-i umûmiye-i vechiyesini kayıd ve tesbît etmeğe meʼmûrdurlar. Bir diş tabîbi tarafından muʻâyenesi icrâ edilmemiş çocukların diş muʻâyenesi gençlik tabîbine âiddir. Beşinci Mâdde- Kayıd ve kabûlleri esnâsında cismen veya aklen tebeyyün eden maʻlûliyetden veya zaʻf-ı umûmîden dolayı mektebe kabûlleri teʼhîr edilip [255] edilmemesi îcâb eden çocukların bir muʻâyene-i husûsiyeye tâbiʻ tutulmaları mecbûrîdir. Çocuk tedâvî sâyesinde az bir zamân sonra derslerini taʻkîb edebilecekse tabîb keyfiyeti ebeveyne ihbâr edecekdir. Mektebi ikmâl etmiş her ço- cuğun kâbiliyet-i meslekiye nokta-i nazarından muʻâyenesi icrâ edilir. Altıncı Mâdde- Tekmîl sınıfların müctemiʻan muʻâyenesi sınıfın ahvâl-i umûmiye-i sıhhiyesi hakkında bir fikir almak ve muʻallimlerin tedkîkât ve müşâhedâtı nazar-ı ehemmiyetden dûr tutul- mayarak hastalıkların görülebilecek aʻrâzı keşfetmek maksadıyla icrâ edilir. İşbu muʻâyenede talebe pantolonuna kadar soyunmağa mecbûr olup şâyed bir çocukda şübheli bir hastalık aʻrâzına tesâdüf edilirse o çocuk münferid muʻâyeneye tâbiʻ tutulur.