HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 52 2545 On Altıncı Mâdde- Gençlik tabîbi çocukların hıfzıssıhhasına müteʻallik bi'l-cümle umûr-ı hay- riyeye iştirâke mecbûrdur. Konferansları ile ebeveynin, velîlerle mürebbîlerin hıfzıssıhha mesâili hakkında dikkat ve alâkalarını celbe sarf-ı mesâʻî edecekdir ve resmî müşâvir-i sıhhî olması iʻtibârıy- la lüzûmunda çocukların muʻâyenesi için istişâre ve kabûl sâʻatleri taʻyîn ederek çocuğun ebeveyn ve velîsine vesâyâ-yı sıhhiye ve tıbbiyede bulunur. On Yedinci Mâdde- Gençlik tabîbi faʻâliyet-i tıbbiyesine ve muʻâyene etdiği çocukların ahvâl-i sıhhiyesine dâir bir rapor tanzîm eder. Bu rapor Gençlik Hükûmet Dâiresi'ne verilerek o da raporun birer sûretini livâ tabîbine ve Maʻârif Müdüriyeti'ne ve diğer alâkadâr makâmâta teblîğ eder. RUS SALÎB VE HİLÂL-İ AHMER CEMʻİYETLERİ İTTİHÂDI Sosyalist Sovyet Cumhûriyetleri İttihâdı arâzîsinde icrâ-yı faʻâliyet eden Salîb ve Hilâl-i Ah- mer Cemʻiyetlerinin geçen Ağustos ayında akdetdikleri konferansda mezkûr cemʻiyetlerin bir unvân altında birleşmeleri karârgîr olmuş idi. "Sosyalist Sovyet Cumhûriyetleri Salîb ve Hilâl-i Ahmer Cemʻiyetleri İttihâdı" unvân-ı cedîdi altında teşekkül eden bu cemʻiyet ahîren Sovyet Hükûmeti tarafından tasdîk ve nizâmnâme-i esâsîsi mevkiʻ-i tatbîke vazʻ edilmişdir. İşbu ittihâda Rus, Ukrayna, Beyaz Rus, Ermeni, Gürcü Salîb-i Ahmer Cemʻiyetleriyle Azerbay- can ve Özbek Hilâl-i Ahmer Cemʻiyetleri dâhil bulunmakdadır. İttihâda mensûb Salîb veya Hilâl-i Ahmer Cemʻiyetlerinden her biri kavânîn-i mevzûʻa-i devlet dâiresinde teşkîlât-ı dâhiliyeleriyle faʻâliyetlerinde tamâmen serbest olup memâlik-i ecnebiyede ken- disini müstakillen temsîl etdirebilir. İttihâda iştirâk eden her Salîb ve Hilâl-i Ahmer Cemʻiyeti aʻzâsı, ittihâddan ayrılmak hakkını muhâfaza etmekdedir. İttihâdın bir meclisi, bir icrâ heyʼeti ve meclis tarafından müntehab bir de tedkîk komisyonu vardır. Rus Salîb ve Hilâl-i Ahmer Cemʻiyetleri Meclis İttihâdı, ittihâda dâhil bulunan cemʻiyetler aʻzâsından [257] müteşekkil olup meclis-i mezkûrda Rus Salîb-i Ahmeri sekiz, Ukrayna dört ve diğer cemʻiyetlerden beheri birer reʼye mâlikdir. Lâ-ekal ayda bir defa ictimâʻ eden icrâ heyʼeti, meclis aʻzâsı meyânından meclisçe bir sene müddetle intihâb edilir. Heyʼet-i icrâiyenin merkezi Moskova'dadır ve biri Rus, biri Ukrayna, biri Beyaz Rus Salîb-i Ahmerleriyle biri Özbek Hilâl-i Ahmeri'nden ve beşincisi Mavera-yı Kafkas Federasyonu'ndan mün- tehab beş aʻzâdan mürekkeb ve yalnız Salîb ve Hilâl-i Ahmer Meclis-i İttihâdı'na karşı mesʼûldür. Tedkîk komisyonu üç aʻzâdan müteşekkil ve meclis tarafından müntehabdır. Meclisin vereceği taʻlîmât dâiresinde hareket eder. Rus Salîb ve Hilâl-i Ahmer Cemʻiyeti İttihâdı'nın menâbiʻ-i vâridâtı şunlardır: 1-Mikdârı meclis-i ittihâd tarafından taʻyîn ve tesbît edilen ittihâda dâhil Salîb ve Hilâl-i Ahmer Cemʻiyeti'nin iʻtâ edeceği hisse-i iştirâk