HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 52 2546 2-Rusya Hükûmeti'yle ittihâd aʻzâsının mensûb olduğu cumhûriyet hükûmetinin iʻtâ edeceği tahsîsât 3-Teşkîlât ve eşhâs-ı husûsiye taraflarından vukûʻ bulacak teberruʻât ile menâbiʻ-i sâire. Cemʻiyetin büdcesi, 1 Teşrîn-i Evvel'den gelecek senenin 30 Eylül'üne kadar devâm etmek üzere bir sene için meclis-i ittihâd tarafından tasdîk olunur. AYYÂŞLIK, CERÂİM VE İÇKİ DÜŞMANLIĞI İrtikâb edilen cürüm ve cinâyetlerin başlıca esbâbı ayyâşlıkdır. Bunda sebeb ile netîce ve illet ile fiʻl birbirine o kadar sıkı ve samîmî sûretde merbûtdur ki, isbât-ı müddeʻâ zımnında istatistiğe mürâcaʻat bile zâiddir. Sîret-i hasene sâhibi bir adam içmeğe başlayınca murâkabe-i nefsini unutur, deli olur, zevcesini katleder ve nihâyet kendi de intihâr eder. Maʻamâfîh bu sükût-ı ahlâkînin netâyic-i müessifesi kitle-i nâsı iknâʻa gayr-ı kâfidir. Binâena- leyh dâü'l-küûle karşı açılacak mücâdelenin müessir ve mukniʻ olabilmesi için beşerin felâketlerinde içkinin oynadığı rolü erkâm-ı hakîkiye ve müessireye istinâd etdirmek îcâb eder. Tekzîb edilmek endîşesi vârid olmaksızın içkiye atfedilen mazarrat ve fenâlık dokuzdan aşağı değildir: 1-İçki saʻy kâbiliyetini tenkîs eder. 2-Vekâyiʻ-i kazâiyenin mikdârını çoğaltır. 3-Hastalığı tezyîd eder. 4-Tûl-i ömrü azaltır. 5-Cerâimi tevlîd ve teksîr eder. 6-Şerâit-i maʻîşete zaʻf îrâs eder. 7-Irkı tereddîye uğratır. 8-Mâddî zararlar hâsıl eder. 9-Sermâyeyi mahveder. Sâlifü'l-arz avâmil-i muhtelifenin hemen yekdiğeriyle mütesânid bir hâlde bulunmasına mebnî beherine isâbet eden ehemmiyet-i adediyeyi takdîr ve tahmîn etmek pek müşkildir. Maʻamâfîh ayyâş- lık ile cerâim arasındaki münâsebet istatistik yardımıyla sühûletle irâʼe edilebilir. [258] Ez-cümle İsveç İktisâd-ı İctimâʻî Vekâleti'nin cerâimin sarhoşluğa nisbeti hakkında yap- dığı tedkîkât, 1924 senesinde İsveç Mektebleri Şûrâ-yı Kralîsi tarafından neşredilmişdir. Bu neşriyâta nazaran 1917 senesinde 8.071 mücrimden 1.632'si yani yüzde 20,2'si ayyâş ve 753 nisvân-ı mahkû- meden 56'sı yani yüzde 7,4'[ünün] sarhoş olduğu ve 8.071 ashâb-ı cerâimden her birine 1,2 cürüm isâbet etdiği tahakkuk etmişdir. 1917'de irtikâb edilen 9.449 cerâimden 1.957'si yani yüzde 20,7'si sarhoşlukda îkâʻ edilmişdir. Aynı tedkîkât, haftanın günleriyle aded-i cerâim arasında mevcûd olabilecek nisbeti de kaydetmek- dedir.