HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 52 2551 HİLÂL-İ AHMER HAVÂDİSİ Rifat Paşa'nın Vefâtı Cemʻiyetimiz aʻzâ-yı müessisesinden ilk reîs-i evveli ve sâbık Berlin Sefîr-i Kebîri Rifat Paşa Kânûn-ı Evvel'in ikinci günü vefât etmişdir. Rifat Paşa merhûm 15 Nisan 1327 [28 Nisan 1911] târîhinde Hilâl-i Ahmer riyâset-i ûlâsına intihâb edilmiş ve refîka-i muhteremeleri hanımefendi ile Hilâl-i Ahmer'e pek büyük hizmetleri sebk etmiş muhterem, asîl bir zât idi. Rifat Paşa ancak beş ay kadar riyâset-i ûlâda bulunabilmiş ve Paris Sefâreti'ne taʻyîn edilmesi üzerine riyâset-i mezkûreden istiʻfâ etmişdir. Merkez-i umûmîmiz mağfûr-ı müşârunileyhin refîka-i muhteremelerine âtîdeki taʻziyetnâmeyi göndermişdir: "-Muhterem Efendim! Bidâyet-i teessüsünden beri cemʻiyetimize kıymetdâr muʻâvenet ve hizmetleri sebk eden aʻzâ- yı müessisemizden muhterem zevciniz merhûm Rifat Paşa'nın üfûl-i müessifini cemʻiyetimiz en derîn teessürlerle karşılar ve samîmî taʻziyetlerimizi hürmet-i mahsûsamıza terdîfen arz eyleriz, efendim". _______________ Beyoğlu Hilâl-i Ahmer Merkezi Faʻâliyetlerinden Beyoğlu Vilâyeti dâhilinde teşekkül eden on bir şuʻbenin heyʼet-i merkeziye ve idâriye intihâbâtı bi'l-icrâ faʻâliyete ibtidâr edilmişdir. Beyoğlu merkezi vefeyât-ı etfâl ile mücâdelede bu- lunmak ve hastabakıcı yetiştirmek, Ana Yurdu ve Çocuk Bakım Yardım Yuvası ve Hastabakıcı Mektebi gibi mü- esseseleri teʼsîs ve levâzım-ı sıhhiye ihzâr eylemek üzere plan ve projelerin ikmâline çalışmakdadır. [264] Trabzon Hilâl-i Ahmer Merkezi Trabzon Hilâl-i Ahmer Merkezi'nin faʻâliyete geç- mesi için başda Vâlî-i Vilâyet Said Bey olduğu hâlde bele- diye, Halk Fırkası, Türk Ocağı Muʻallimler Birliği, ticâret mahfili sarf-ı mesâʻî eylemekdedir. _______________ İʻânât ve Teberruʻât Beyoğlu Hilâl-i Ahmer Merkezi'ne Standard Oil Şirketi tarafından 100, Deutsche Orientbank'dan 75 ve Galata Çinili Rıhtım Hânı'nda Jilkrist Wocker Şirketi tara- fından 70 lira teberruʻ edilmişdir. Arz-ı şükrân ederiz. *** [263] Hilâl-i Ahmer aʻzâ-yı müessisesinden cemʻiyetin hîn-i teşekkülünde ilk reîs-i evveli merhûm Rifat Paşa Feu Rifat Pacha, membre fondateur, elu Président lors de la fondation du Croissant-Rouge