HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 52 2556 SALÎB-İ AHMER HAVÂDİSİ Bolivya 1906 târîhli Cenevre Mukâvelenâmesi ahkâmı hilâfında Salîb-i Ahmer işâret ve alâmetinin memnûʻiyet-i istiʻmâline müteʻallik emirnâmeyi Bolivya reîsicumhûru imzâ etmişdir. Baʻdemâ alâ- met ve işâret-i mezkûreyi sûistiʻmâl edenler dûçâr-ı mücâzât olacakdır. _______________ İtalya Roma'nın fukarâ mahallâtından 600 çocuk Temmuz, Ağustos ve Eylül ayları zarfında İtalya Salîb-i Ahmeri'nin sâhil-i bahrdaki taʻtîl kolonilerine gönderilmişdir. Dört vâsiʻ pavyonda Salîb-i Ahmer hastabakıcılarının eydî-i şefkat ü ihtimâmına tevdîʻ olunan bu çocukların üç ay tekmîl günleri sâhilde oynamak, yıkanmak ve jimnastik yapmakla geçmiş ve çocuklar sıhhaten çok müstefîd olmuşlardır. _______________ İsveç İsveç Salîb-i Ahmeri'nin teşebbüsü ile Stockholm'de 3 Teşrîn-i Sânî'de "Beşer" nâmıyla bir hıf- zıssıhha sergisi küşâd edilmişdir. _______________ Belçika Brüksel'de büyük bir moda mağazası hissedârlarından ve Belçika Salîb-i Ahmeri şuʻbe rüesa- sından bir zât … senesi içinde sarf edilmek üzere Salîb-i Ahmer Merkez-i Umûmîsi'ne 10.000 frank- lık bir mübâyaʻa bonosu teberruʻ etmişdir. Mezkûr bono beheri bir franklık on bin bilete tahvîl edilmek sûretiyle piyangoya vazʻ edilmiş ve biletler iki büyük sinema ile müteberriʻin mağazasında satılmışdır. İlk defa nazar-ı mütâlaʻamızdan geçen bu teşebbüsü şâyân-ı kayıd buluyoruz. _______________ [267] Meksika Yeniden aʻzâ kaydetmek ve Salîb-i Ahmer mefkûresini taʻmîm eylemek maksadıyla Meksika Salîb-i Ahmeri Teşrîn-i Evvel'in 12, 13, 14'üncü günlerinde bir propaganda haftası tertîb etmiş ve cemʻ edilecek mebâliğ bir hastahâne inşâsına sarf ve tahsîs edilmek üzere ayrıca umûmî iʻâneye de mürâcaʻat edilmişdir. Cemʻiyetin halka hitâb etdiği beyânnâmesinde Salîb-i Ahmer'in sulh programında gösterilen maksad ve gâye-i hayır-perverî îzâh edildikden sonra sıhhati ıslâh ve âlâm u ıztırâbât-ı beşeriyeyi