HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 52 2559 yerlerde mesken buhrânının evvelce gayr-ı kâbil-i iskân addedilen tavan aralarında ve izbe yerlerde ikâmete müsâʻade olunmağa kadar vardığını ve her sınıf ahâlîde esvâb cihetiyle olan ihtiyâcın dere- ce-i şiddeti sûret-i telebbüsdeki ihmâle gitdiğini hâtırlamak kâfidir. Alman Salîb-i Ahmeri bu esnâda mukâvemet-i şahsiyenin gitdikçe tenâkusu cihetiyle mesâib-i ictimâʻiyeye karşı en şiddetli mücâde- lelere maʻrûz kalmışdır. Yalnız verem hastalığı otuz sene evvelki nisbeti bulmuş ve halkda bilhâssa çocuklarda vefeyât, raşitizm ve verem gibi hastalıklar ziyâdeleşmiş idi. İşte bu sıralarda Alman Salîb-i Ahmeri faʻâliyetini yeni ihtiyâcâta göre tanzîm ve tevcîhe baş- ladı. Şerâit-i ictimâʻiyenin tahavvülü nisbetinde halkın ve şahsın hissiyâtını gıcıkladı, idâresini taʻyîn ve îkâz eyledi ve her yerde ve her sınıf ahâlî için konferanslar tertîbi ile herkese sıhhî ve ictimâʻî mesâilin ehemmiyetine kanâʻat getirdi. 1922 senesinde Alman Salîb-i Ahmeri ictimâʻî hıfz-ı sıhhat mesâili ile iştigâl etmek üzere bir komisyon teşkîl ve "yeni doğan çocukların himâyesi" ve maʻlûllere muʻâvenet, vereme ve emrâz-ı zühreviyeye ve küûle karşı Alman cemʻiyât-ı merkeziyesine iltihâk ve her yerde ictimâʻî hıfz-ı sıhhate müteʻallik esâslı beş mesʼele üzerine konferanslar, kurslar tertîbine karâr verdi. Bu konferanslar, sıhhî ve ictimâʻî mesâile âid neşriyât husûsunda muvaffakiyetler teʼmîn ey- lemekdedir. Konferanslar hemen her şehirde resmî ve gayr-ı resmî etıbbâ ve cemʻiyât-ı hayriyeye merbût aʻzâ, muʻallimler ve ziyâretçi hastabakıcılar tarafından verilmekde ve her mesʼele-i sıhhiyeye müteʻallik filmler gösterilmekdedir. Bundan başka meydâna getirilen sergiler, müzeler nazar-ı dikkati celb etmekdedir. Konferans- lar, çalışarak hayâtını kazanmağa mecbûr olan halka kolaylık olmak üzere geceleri münâsib sâʻatler- de verilmekdedir. Alman Salîb-i Ahmeri bugün heyʼet-i umûmiyenin iʻtirâfında olduğu üzere "basîret-i ictimâʻi- ye"nin bidâyetindedir. Sıhhat-i umûmiye lehinde mücâdelede teʼmîn-i muvaffakiyet için aʻzâ-yı muʻâvine kaydetmek üzere gençliği celb ile Gençlik Salîb-i Ahmeri'ni teşkîl eylemekdedir. Ve Hilâl ve Salîb-i Ahmerler her hâlde gençliğin kavî irâdesine, metîn azmine muhtâcdırlar. Yaşamak, güşâyiş bulmak için tabîʻî ve kavî bir sâik lâzımdır. Hilâl ve Salîb-i Ahmer Cemʻiyetleri 1921 senesi Cenevre'de inʻikâd eden Beynelmilel Salîb-i Ahmer Konferansı mukarrerâtına tevfîkan sulh hengâmında sıhhî ve ictimâʻî bâ-husûs çocuk ve ve- rem mesâili ile iştigâl edecekdir. Türkiye Hilâl-i Ahmer Cemʻiyeti 1923 senesinden beri memeden kesilen fakîr çocuklara yardım etmek üzere sıhhî ve ictimâʻî bir teşkîlât meydâna getirmiş ve bugüne kadar Hilâl-i Ahmer Hanımlar Merkezi'nde "sanʻatevi"nde yüzlerce çocuğun hayâtını kurtarmışdır. Bugün bile, pek çok müşkilâta rağmen cemʻiyetin muʻâvenet ve sıhhatlerine hizmet eylediği çocukların adedi sekseni mütecâvizdir. Çocuklarda vefeyât yalnız meme çağına münhasır olmayıp memeden kesildikden sonra da memleketimizde bilhâssa fakîr ahâlî, muhtâc halk arasında kesretle [270] görülmekdedir. Türkiye Hilâl-i Ahmer Cemʻiyeti'nin bu yolda sıhhî ve ictimâʻî hidemâtı her sûretle şâyân-ı takdîr ve iftihâr olup bu gibi teşkîlât-ı sıhhiye-i ictimâʻiyenin tezâyüdü temennî olunur. İstanbul, Nurıosmaniye, Doktor Safiye Ali Müdür-i Mesʼûl: Arif Süleyman