HİLÂL-İ AHMER MECMÛʻALARI / CİLT 6

2573 Beşinci Sene 29 Cemâziyelâhir sene 1344 / 15 Kânûn-ı Sânî 1926 Numara 53 Makâlât ve İʻlânât, Mecmûʻa Müdüriyeti'ne Gönderilmelidir. TÜRKİYE HİLÂL-İ AHMER MECMÛʻASI Derc Edilmeyen Evrâk ve Makâlât İʻâde Edilmez. Her Ayın On Beşinde Neşrolunur. Senelik abonesi bir liradır. Merciʻi: Yerebatan Câddesi'nde Hilâl-i Ahmer Merkezi. Telefon: İstanbul 2653 Mündericât: İctimâʻî Hıfzıssıhha – Beynelmilel On İkinci Salîb-i Ahmer Konferansı – Çocuk Düşürtme ve Teverrüm – Hilâl-i Ahmer Havâdisi – Salîb-i Ahmerler Havâdisi – Fransızca Kısmı – İngilizce Kısmı İCTİMÂʻÎ HIFZISSIHHA -26- Himâye-i Etfâl Umûmî Harb'in ve dolayısıyla harb hastalıklarının verdiği zâyiʻât son senelerde her hükûmet ve milleti nüfûs-ı etfâl vefeyâtına karşı mücâdeleye daʻvet ve be-tahsîs himâye-i etfâl ile meşgûl etmek- dedir. Hemen denebilir ki, hükûmet büdcesinden yapabildiği tasarrufu ve cemʻiyât elinden geldiği gayreti hep böyle dökmekte, harb kâbûsundan kurtulan ictimâʻî kitleler de bu istikâmetde yürümek- dedirler. Bizde doğalı epeyce müddet olduğu hâlde hâlâ rüşeym hâlinde kalmış olan bir mevcûd da maʻalesef "himâye-i etfâl"dir. İstikbâl-i millet şu iki mûnis kelimeden ibâret taʻbîrin künh ü mâhiye- tinde mündemic olduğu şimdiye kadar bilinmiş olsa idi bu mefkûre çokdan tahakkuk etmiş ve herkes tarafından benimsenmiş olacakdı. Himaye-i etfâl sâdece sokakda bulunmuş, aç ve çıplak bir çocuğu alıp giydirmek, içirmek sûre- tiyle himâye etmek değildir. Bu mefkûre ebeveynin zifâf gecesinden çocuğun sinn-i bülûğuna kadar devâm eder. Binâberîn, evvelâ evlenen çiftlerin dâimî hıfzıssıhha üzere yaşamaları iktizâ etdiği gibi sıhhati müsâʻid olmayanların veya herhangi bir sûretle haleldâr olanların doktorun müsâʻadesine kadar teeh- hülden ictinâb eylemeleri îcâb eder. Binâenaleyh zevceyn her münâsebet-i cinsiyede tarlada inkişâf edebilecek bir tohumun meyve yetiştireceğini tahattur ederek lâzım gelen takayyüdât ve îcâbâtı tatbîk edeceklerdir.