HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 53 2576 Âtî ve istikbâlimize taʻalluku iʻtibârıyla himâye-i etfâle bütün milletin cân u gönülden alâka- dâr olarak Anadolu'nun ücrâ köylerine kadar her adımda meşkûr faʻâliyet ve hasenâtını ızhâr etmek lâzımdır. El-hâsıl "yaratmak değil, yaşatmak lâzımdır" müteʻârifesi ictimâʻiyâtda hepimizin taʻkîb ede- ceği bir düstûr, bir hakîkatdir. BEYNELMİLEL ON İKİNCİ SALÎB-İ AHMER KONFERANSI 24 Teşrîn-i Sânî [1]341 [Kasım 1925] târîhindeki Ankara'da Hilâl-i Ahmer Cemʻiyeti Merkez-i Umûmîsi ictimâʻında Reîs-i Sânî Doktor Hakkı Şinasi Paşa tarafından On İkinci Beynelmilel Salîb-i Ahmer Konferansı hakkında kırâat olunan rapor sûretidir: 7 Teşrîn-i Evvel [1]925 târîhinde İsviçre'nin Cenevre şehrinde inʻikâda başlayan ve Türkiye Hilâl-i Ahmer Cemʻiyeti nâmına murahhas olarak intihâb ve iştirâk eylediğimiz On İkinci Beynelmi- lel Salîb-i Ahmer Konferansı'nın programında âtîdeki mesâil muharrer idi: 1-Beynelmilel Salîb-i Ahmer Komitesi'nin icrâât raporunun tedkîki 2-Sıhhî tayyârelerin muʻâfiyet ve masûniyetlerinin teʼmîni 3-Muhtelif devletlerin kullandıkları levâzım-ı sıhhiyenin aynı cesâmet ve tarzda iʻmâlleri 4-Hilâl ve Salîb-i Ahmer Cemʻiyetleriyle sıhhiye-i askeriyenin münâsebetleri 5-Muhârebelerde semmî mevâdd-ı kimyeviyenin istiʻmâl ve netâyici 6-Harbde "gâib" addolunanların adedlerinin tenkîsı 7-Muhâcirler için yapılan muʻâvenetlerin tevhîdi 8-Hilâl ve Salîb-i Ahmer aʻzâlarının ecnebî memleketlerde seyâhatleri esnâsında hüviyetlerini müşʻir beynelmilel hüviyet kartlarının ihdâsı 9-Hilâl ve Salîb-i Ahmer alâmetlerinin mahall-i istiʻmâlleri 10-Hilâl ve Salîb-i Ahmer Teşkîlâtı'nın mesâib vukûʻunda ihtiyârî muʻâvenetleri mesʼelesi Programda bunlardan mâʻadâ; 1-Millî Hilâl ve Salîb-i Ahmer Cemʻiyetlerinin icrââtına âid raporların kırâatı 2-Beynelmilel Salîb-i Ahmer Komitesi tarafından On Birinci Beynelmilel Salîb-i Ahmer Kon- feransı'nın bir numaralı karârında mezkûr olup Beynelmilel Salîb-i Ahmerler teşkîlâtını mütâlaʻa eden komisyon raporunu berây-ı tedkîk inʻikâd edecek beynelmilel [279] konferansın daʻveti için iktizâ eden şerâit husûl bulmuş mudur? suâli var idi. Konferans resmen 6 Teşrîn-i Evvel 1925'de murahhaslar komisyonunun ictimâʻıyla açılacak idi. Hâlbuki 5 Teşrîn-i Evvel [1]925'de sıhhî tayyârelerin muʻâfiyeti mesʼelesini mütâlaʻa ve tedkîke meʼmûr olan komisyon ictimâʻ etdi. Sebebi ise bu komisyonu teşkîl eden ve evvelce Beynelmi- lel Salîb-i Ahmer ile muhtelif Salîb-i Ahmerler arasında teʻâtî kılınan muhâberât üzerine müntehab zevâtın Lyon şehrine diğer resmî bir ictimâʻ için serîʻan gitmeğe mecbûr olmalarıdır. 6 Teşrîn-i Evvel [1]925'de kırk dört millî Hilâl ve Salîb-i Ahmer Cemʻiyetlerinin murahhasları