HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 53 2577 ile Beynelmilel Salîb-i Ahmer Komitesi aʻzâlarından mürekkeb olan murahhaslar komisyonu toplan- dı. İlk defa söz alan İsviçre Salîb-i Ahmer Cemʻiyeti Reîsi Mîralây Bohny, Amerika Salîb-i Ahmer Cemʻiyeti'ni temsîl eden murahhaslar meyânında bulunan Madam Wilson'ın ismini hürmetle yâd ve riyâsete Beynelmilel Salîb-i Ahmer Komitesi reîsi olan Ador'un intihâbını teklîf etdi. Alkışlarla müttefikan mevkiʻ-i riyâsete intihâb olunan Mösyö Ador, riyâset sandalyesini işgâlden sonra riyâset-i sâniyeye Mösyö Thiébaut'yu ve kitâbete dahi Çin Murahhası Mösyö Şi-Yung Hiryano'yu teklîf etdi ve bu teklîf de kabûl olunarak müzâkerâta başlandı. Asıl kongrenin dîvânına nâmzed intihâbı, murahhaslar komisyonuna âid olduğu cihetle bu husûsa dâir teklîfât serd edildi ve netîcede Türkiye Hilâl-i Ahmer murahhası bulunan Doktor Hakkı Şinasi Paşa'nın reîs-i sânîlerden biri olmak üzere teklîfi takarrür etdi. Kezâlik kongre kâtibleriyle bâlâda muharrer olan mâddeyi tedkîk ve mütâlaʻa ve netîcesinin bâ-rapor kongreye arzı için teşkîli lâzım gelen on komisyon aʻzâlarının nâmzed esâmîsi dahi taʻyîn edildi. Bu meyânda Doktor Hakkı Şinasi Paşa yedinci komisyona "Muhâcirler İçin Yapılacak Muʻâvenetlerin Tevhîdi" ve Doktor Âkil Muhtar Bey'in birinci "Salîb-i Ahmer Komitesi İcrâât Raporunun Tedkîki" ve dokuzuncu "Salîb-i Ahmer Alâmetinin İstiʻmâli" komisyonlara nâmzed irâʼesi takarrür etdi. Murahhaslar komisyonunun ilk ictimâʻında Reîs Mösyö Ador, Beynelmilel Salîb-i Ahmer Teş- kîlâtı'na âid olup programda mezkûr suâle temâs ederek bunun ertesi günkü ictimâʻda mevzûʻ-ı bahis olacağını söylemiş ve ictimâʻa nihâyet vermişdir. _______________ 7 Teşrîn-i Evvel [1]925 târîhinde konferans, dârülfünûn konferans salonunda Mösyö Ador'un belîğ bir nutku ile açılmış ve murahhaslar komisyonu tarafından gerek riyâset, riyâset-i sânîliklerle konferans kitâbetine ve gerek komisyon aʻzâlıklarına nâmzed gösterilen zevâtın esâmîsi okunmuş ve müttefikan alkışlarla kabûl olunmuşdur. Müteʻâkib günlerde murahhaslar komisyonu, konferans ve komisyonlar müteʻaddid ictimâʻlar akdederek programda mevzûʻ-ı bahis olan mesâili arîz u amîk tedkîk ve karâra rabt eylemişlerdir ki, ber-vech-i âtî arz olunur. [280] Beynelmilel Salîb-i Ahmerler Teşkîlâtı Mesʼelesi Cenevre'ye yevm-i muvâsalatımız olan Teşrîn-i Evvel'in beşinci Pazartesi günü Danimarka Salîb Murahhası Mösyö Cold imzâsıyla bir tezkere aldık. Konferansdan evvel husûsî bir sûretde müzâkerede bulunmak üzere bizi Hotel de Berg'e daʻvet ediyor idi. Hemen o gün mezkûr otelde toplandık. İsveç Salîb-i Ahmer Murahhası Mösyö Hammars Kjöld, Norveç Salîb-i Ahmer Murahha- sı Mösyö Meinich, Hollanda'dan Dresselheuys, Danimarka'dan Mösyö Cold, Finlandiya'dan Mösyö Manner Haim ve İspanya'dan Marquis de Casa Valdès ve İtalya'dan Mösyö Baduel ve Fransa'dan Mösyö Thiébaut ve İsviçre'den Mösyö Bohny ve bizlerden mürekkeb olan bu meclis üç defa ictimâʻ etmiş ve uzun müzâkerâtda bulunmuşdur. Bu meclise reîs intihâb edilen Mösyö Cold, dört İskandinav Salîb-i Ahmerlerinin evvelce topla- narak bu mesʼeleyi müzâkere etmiş ve On Birinci Konferans tarafından tedkîk ve mütâlaʻa komisyo- nunun raporu üzerine ictimâʻı takarrür etmiş iken Ligue du Croix Rouge'un daʻvet etmekden çekinmiş olduğu husûsî konferansın kısa bir zamânda ictimâʻını talebe karâr vermiş olduklarını söyledi. Biz