HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 53 2578 konferansın daʻvetinde bir fâide olmadığını ve Lig Beynelmilel Salîb-i Ahmer Komitesi'ni lağv et- mek ve bütün mesâili bir veya iki kişinin eline bırakmak maksadını taʻkîb etdiğini ve şimdiden mesʼe- lenin ligin tahakkuk etmiş olan yolsuzluklarını zikrederek ligden ayrılmak sûretiyle hallini teklîf ve müdâfaʻa etdik. Bazı Salîb-i Ahmer murahhasları konferansda bir türlü reʼy iʻtâ ve lig meclisinde ise onun aksini müdâfaʻa etdiklerini söyleyerek îzâhât istedik. Ligin bir siyâsî maksadla müesses olduğu- na dâir kanâʻatimizi bildirdik. Artık bu müessesenin Türkiye Hilâl-i Ahmeri'nin ilk teklîfi gibi Salîb-i Ahmerler vezâif-i asliyesiyle iştigâlden keff-i yed etmesi lüzûmunu müdâfaʻa etdik. Uzun münâkaşât netîcesinde hâzırûnun cümlesi lig hakkında aynı fikirde olduklarını söylediler. Yalnız son defa olarak bir daha tecrübe yapılmasını teklîf etdiler. Bu tecrübenin dahi ligin entrikalarıyla karşılanması muh- temel olduğunu ve bu takdîrde ne sûretle hareket edeceklerini sorduk. İsveç Salîb-i Ahmer Murah- hası Mösyö Hammars Kjöld, artık ligin bu yolda hareketine müsâʻade edilemeyeceğini kendi Salîb-i Ahmer Cemʻiyeti'nin reîsi bulunan Velîʻahd Prens Charles kendisine şimdiden ligden çekileceklerini bildirmesini emretdiğini söyledi. Norveç, Danimarka ve Felemenk murahhasları aynı sûretle hareket edeceklerini ve Fransız murahhası dahi bazı kuyûd-ı ihtirâziye beyânıyla aynı hareketi ihtiyâr eyleye- ceğini bildirdi. Bunun üzerine biz de zâten lige dâhil bulunmadığımızı ve şimdiden mesʼelenin hallini talebden ferâgat ederek kendileri ile berâber iʻtâ-yı reʼy edeceğimizi bildirdik. Hâzırûnun ekserîsi mesʼelenin bidâyetinden beri Türkiye Hilâl-i Ahmer Cemʻiyeti'nin hareketinin gâyet mantıkî olduğu- nu söylediler. Meclis Mösyö Cold'un ber-vech-i âtî iki teklîfde bulunmasına karâr vererek dağıldık. Birinci Teklîf- On İkinci Beynelmilel Salîb-i Ahmer Konferansı: On Birinci Konferans tarafından teşkîl edilmiş olan tedkîk ve mütâlaʻa komisyonunun mesâʻî ve gayretini takdîr eder ve reîs-i fahrîsi olan Prens Charles hazretlerine ihtirâmâtını takdîm [281] ve reîs ile aʻzâlarına Salîb-i Ahmerlerin müstakbel menâfiʻini teʼmîn için sarf etdikleri mesâʻîden dolayı teşekkürlerini arz eyler. Beynelmilel On Birinci Konferans'ın bir numaralı karârıyla mütâlaʻa komisyonu raporunu müzâkere edecek olan husûsî konferansın daʻveti için vazʻ edilen şerâitin îfâ edilmiş olduğunu tasdîk eder. İkinci Teklîf- On İkinci Beynelmilel Salîb-i Ahmer Konferansı: On Birinci ve On İkinci Beynelmilel Salîb-i Ahmer Konferanslarının birinci karârlarının işâret etdiği husûsî konferansın 1926 senesinde ictimâʻ etmesini ve daʻvetin dahi mezkûr sene Temmuz'u- nun birinden evvel olması arzusunu beyân eder. Konferansın birinci karârında muharrer şekilde daʻ- vet edildiği takdîrde İsviçre Salîb-i Ahmer Merkez Komitesi'ni bu konferansı daʻvete meʼmûr eyler. _______________ 7 Teşrîn-i Evvel [1]925 sabâhı ictimâʻ eden murahhaslar komisyonu bu mesʼele ile iştigâl ede- ceği cihetle Mösyö Ador riyâseti, Reîs-i Sânî Thiébaut'ya terk etmişdir. Müzâkere açılır açılmaz İn- giliz murahhası söz almış ve eğer bu konferansda beynelmilel teşkîlât mesʼelesinin esâsı müzâkere edilir ise kendisinin konferansdan çekilmek için taʻlîmât almış olduğunu söylemişdir. Bunun üzerine Reîs Mösyö Ador, söz alarak esâsın müzâkere edilmeyeceğini ve ancak tarz-ı tedkîk ve mütâlaʻaya dâir karâr ittihâzı lâzım olduğunu söyledi. Bazı müzâkerâtdan sonra Mösyö Cold, evvelce aramızda takarrür etmiş olan teklîfâtı okudu. Bunlardan birincisi bu ictimâʻda müttefikan kabûl edildi. İkinci teklîfin müzâkeresi diğer bir celseye taʻlîk olundu. _______________