HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 53 2579 Bu teklîfâtdan birincisi murahhaslar komisyonunun evvelki ictimâʻında kabûl olunmuş iken müteʻâkib ictimâʻda bulunan Şili Salîb-i Ahmerleri murahhasları söz alarak her ne kadar teklîfin ilk kısmını kabûl ediyorlarsa da ikinci kısmına dikkat etmeksizin reʼy vermiş olduklarını söylemişlerse de reîs tarafından mezkûr teklîflerin tahrîren kendilerine tevzîʻ edilmiş olduğu cihetle beyân-ı mütâ- laʻanın şâyân-ı taʻaccüb olduğu cevâb verilmişdir. İkinci teklîf bu celsede uzun münâkaşâta sebebiyet vermiş, Alman Murahhası Mösyö Drawood tarafından husûsî konferansda sırf mütâlaʻa komisyonunun projesi ile iktifâ olunmayarak vâkiʻ ola- cak teklîflerin dahi tedkîk edilmesi lüzûmu bildirilmiş ve bunun üzerine bizim tarafımızdan dahi bu konferansda eskiden beri Türkiye Hilâl-i Ahmeri'nin ileri sürdüğü sûret-i hallin müdâfaʻa edileceği ilâve edilmişdir. Bu müzâkerât esnâsında İsveç, Norveç, Finlandiya ve Felemenk murahhasları eğer bu konferans ictimâʻ etmezse serbestî-i hareketlerini iktisâb edeceklerini ve bunun da 1919'dan ev- velki vazʻiyete rücûʻ maʻnâsını ihtivâ etdiği iʻlân etmişlerdir. Nihâyet teklîf taʻyîn-i esâmî ile reʼye konarak İngiltere, Şili, Ekvador, Yunan, Macar, Siyam, Çekoslovak murahhaslarının istinkâfiyeti ve diğer bütün murahhasların muvâfık reʼyiyle kabûl edilmişdir. [282] İstitrât.- On İkinci Salîb-i Ahmer Konferansı'nın bu karârı üzerine Beynelmilel Salîb-i Ahmerler Teş- kîlâtı'nın ahz etmiş olduğu şekli bu mesʼelenin sûret-i halli husûsundaki mülâhazâtımızı buraya ilâve ediyoruz. On Birinci Salîb-i Ahmer Konferansı'nın teşkîl etmiş olduğu mütâlaʻa komisyonu müteʻaddid defalar muhtelif şehirlerde ictimâʻ ederek Paris'de ilk bir proje ihzâr etmiş idi. Salîb-i Ahmerler ligi bu projeyi arzu ve menâfiʻine muvâfık görmediği cihetle kabûl etmemiş idi. Lahey'de akdolunan ictimâʻda mesʼele yeniden mevzûʻ-ı bahis oldu. Bu ictimâʻın bidâyetinde her hâlde mesʼelenin halli cihetine gidilmesi takarrür etmiş olduğundan lig lehine bir takım mâddeler kabûl edilmiş ve bu sûretle hâzırlanan proje lig murahhası dahi dâhil olduğu hâlde aʻzâlar tarafından matlûba muvâfık addedil- miş idi. Bu projenin bi'l-cümle aʻzâlar taraflarından kabûlü, mehâzîrinin adem-i mevcûdiyetinden değil idi. Ancak ligin mezkûr projeyi tedkîk ve bir karâra rabt edecek olan husûsî konferansı daʻvet etme- mesine hiçbir bahâne bırakmamak maksadıyla ittihâz kılınmış bir tedbîr idi. Bu projenin esâsları şunlardan ibâretdir: Bütün Hilâl ve Salîb-i Ahmer Cemʻiyetleri beynelmilel bir ittihâd hâlinde birleşecek ve bunla- rın başında beynelmilel bir konferans, bir de dâimî meclis (conseil perménant) bulunacakdır. Beynelmilel Konferans, en aşağı üç senede bir ictimâʻ edecek ve aʻzâsı şimdi olduğu gibi Hilâl ve Salîb-i Ahmer Cemʻiyetleri murahhasları ile hükûmetler murahhaslarından ve daʻvetlilerden ve Beynelmilel Salîb-i Ahmer Komitesi reîsi ile murahhaslarından mürekkeb olacakdır. Dâimî meclis, Beynelmilel Konferans tarafından üç sene müddetle intihâb olunacak yedi aded mevcûd büyük medeniyetleri temsîl edecek bir şekilde Hilâl ve Salîb-i Ahmer Cemʻiyetleri aʻzâla- rıyla üç aded yalnız istişârî reʼyi olmak şartıyla Beynelmilel Salîb-i Ahmer Komitesi aʻzâsından te- rekküb edecekdir. Bu meclis kendi aralarından bir reîs, bir reîs-i sânî ile kâtibini intihâb eyleyecekdir. Konferansın ictimâʻları hâricinde bütün idâre bu meclise âid olacakdır.