HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 53 2580 Bu ittihâd hâricinde Beynelmilel Salîb-i Ahmer Komitesi şimdiki şekilde ibkâ edilecekdir. Lahey'de uzun münâkaşalar netîcesinde Cenevre'de bulunan şimdiki Beynelmilel Salîb-i Ah- mer Komitesi'nin bugüne kadar icrâ edip herkesin mazhar-ı takdîri bulunan vezâif-i mühimmesinin yeniden yapılacak nizâmnâmeye ilâve kılınacak yer veya birkaç mâddeyle ve vekâlet (mandat) sûre- tiyle tevdîʻi takarrür etmiş ve meclis bî-taraf bir memleket ahâlîsinden mürekkeb olan bir komiteye harb esnâsında veya harb hâricinde bazı mesâil-i mühimmede ihtiyâc olduğuna karâr vermiş idi. Bu sûretle icrâ komitesine şimdiki ligin vezâif-i sıhhiye vesâiresi mevdûʻ kalıyor idi. Müzâkerât esnâsında birkaç kelimenin hüsn-i intihâbı mümkün olamadığından yalnız birkaç mâddenin maʻnâ- sı değiştirilmeksizin şekl-i nihâîsini vermek vazîfesi komisyon reîsi ile Fransız Murahhası Mösyö Thiébaut ve Amerikalı Mösyö Olds'a tevdîʻ edilmiş idi. Bu üç zât ligin tazyîki ile bazı esâslı nukâtda taʻdîlât yapmışlardır. Bilhâssa Beynelmilel Cenevre [283] Salîb-i Ahmer Komitesi'ne tevdîʻ edilen vezâifi mâdde-i muvakkate şeklinde tahrîr eylemişlerdir. Bu sebebden 11 Ağustos [1]924 târîhinde İstanbul'dan mezkûr komisyon riyâsetine, cemʻiyetimiz riyâseti tarafından keşîde kılınan bir telgrafla bu proje hakkında kuyûd-ı ihtiyâtiye dermeyân edilmiş idi. Lig projenin son şeklinin tahrîrinde kendi fikrini kabûl etdirmiş olduğu hâlde iktidârın şimdi olduğu gibi ligin müdürü olan zâtdan (Hâl-i hâ- zırda reîs, İngiliz Sir Claude Hill'dir.) nezʻ olunacağını düşünerek reddetdi. Bu projeyi tedkîk etmek üzere toplanması îcâb eden konferans Beynelmilel Salîb-i Ahmer Komitesi reîsi ile ligin reîsi tarafın- dan daʻvet edilecek idi. Ligin reîsi bu daʻvete iştirâkden imtinâʻ ederek mesʼeleyi muʻallakda bırakdı. Aynı zamânda Paris'de topladığı ligin on üç kişiden mürekkeb olan hâkimler meclisine (conseil des gouverneurs) bu sûret-i hareketini tasdîk etdirdi. Bu defa On İkinci Konferans bâlâda muharrer husûsî konferansın daʻvetine karâr vererek ligin bu hareketini tenkîd etmiş bulunuyor. Cereyân-ı vekâyiʻe nazaran lig reîsi bu defa artık husûsî konferansın daʻvetine mümânaʻat ede- meyecekdir. Zîrâ mâniʻ olsa da konferans İsviçre Salîb-i Ahmer Merkez Komitesi tarafından daʻvet olunacakdır. Yalnız konferansın esnâ-yı müzâkeresinde eskiden beri âdet edindiği taʻvîk u teʼhîr usû- lüne giderek mesʼelenin kendi aleyhine halledilmesine çalışacağında şübhe yokdur. Bu âna kadar lig tarafından yapılan bu entrikalar görüldükden sonra 1919 senesinden evvelki vazʻiyete rücûʻa çalış- mak lüzûmu birçok cemʻiyetler taraflarından anlaşılmağa başlanmışdır. Mesʼelenin bidâyetinden beri cemʻiyetimizin müdâfaʻa etdiği bu şekl-i hal, konferansın ictimâʻından evvel Hollanda, İsveç Salîb-i Ahmerleri gibi cemʻiyetlerle muhâbere edilerek müdâfaʻa edilmelidir. Zâten Hollanda Salîb-i Ahmer Cemʻiyeti reîsi bulunan Mösyö Cold bu sûretle hareket edeceğini bize bildirdi. _______________ Konferansın bâlâda muharrer on aded komisyonuna mevdûʻ mesâil komisyonlar taraflarından verilen raporların celse-i umûmîlerde arîz u amîk tedkîk olunarak ber-vech-i âtî sûretle karârlara ik- tirân eylemişlerdir ki, sırasıyla arz olunur: Birinci Komisyon Beynelmilel Salîb-i Ahmer Komitesi'nin icrâât raporunun tedkîki Bu komisyon evvelâ heyʼet-i umûmiye sûretinde raporunu tedkîk etmiş ve ber-vech-i husûsâtın konferansa teklîfini taht-ı karâra almışdır.