HİLÂL-İ AHMER MECMÛʻALARI / CİLT 6

Türkiye Hilâl-i Ahmer Mecmû‘ası Sayı 53 2583 [286] Bu mukâveleyi müteʻâkib 1925 senesi Kânûn-ı Sânî ayında Beynelmilel Salîb-i Ahmer Komi- tesi 243 numaralı taʻmîmi ile millî Hilâl ve Salîb-i Ahmer Cemʻiyetlerinden komite ile bu mesʼeleye dâir muhâberede bulunacak ve lüzûmunda bir tedkîk komisyonuna daʻvet olunacak bir mütehassısın taʻyînini ricâ etmiş idi. Bazı cemʻiyetler bunun üzerine murahhaslarını taʻyîn etmişlerdir. Diğer tarafdan beynelmilel tayyâre hakem komisyonu 27 Teşrîn-i Evvel [1]924'de Mösyö Juil- liot ismindeki mütehassısı aynı mesʼelenin mütâlaʻasına meʼmûr etmişdir. Her iki tarafdan mesʼele mütâlaʻa edilmiş ve rapor yazılmışdır. Bu raporlar Beynelmilel Salîb-i Ahmer Komitesi'nin bu mesʼeleye mahsûs risâlesinde muharrerdir. Bu risâlede Mösyö Des Gouttes tarafından kaleme alınmış bir ahidnâme projesi vardır. Mösyö Des Gouttes, sıhhiye tayyârelerinin evsâf-ı mahsûsayı hâiz olacaklarını ileri sürerek bunların diğer muhârebe tayyârelerinden tefrîki kâbil olacağını ve bu sebeble lüzûmunda rakîb ordu üzerinden dahi uçmalarına müsâʻade edilmesi mümkün olabileceğini kabûl ediyor. Hâlbuki Mösyö Julliot bu fik- rin aleyhinde bulunuyor. Bâlâda muhtelif Salîb-i Ahmer Cemʻiyetleri tarafından taʻyîn olunduklarını yazdığımız murahhaslar On İkinci Konferans'ın ictimâʻından evvel Cenevre'de toplanmışlar ve bu mesʼeleyi tedkîk ve mütâlaʻa ederek konferansa bir rapor tevdîʻ etmişlerdir. Bu komisyonda Mösyö Des Gouttes ile Mösyö Juillot dahi hâzır bulunmuşlardır. Komisyon raporunu konferansda bizzât Mösyö Juillot okumuşdur. Bu rapor Mösyö Des Gouttes tarafından kale- me alınan ve sıhhî tayyârelerin muhâsım devlet ordusu üzerinden geçmesi esâsını kabûl eden projede hafîf bazı taʻdîlât yapmışdır. Esâsen Mösyö Juillot dahi bu fikre kısmen iştirâk eylemişdir. Maʻa-hâzâ Mösyö Des Gouttes'un projesinde yapılan taʻdîlâtdan maksad muhâsım orduya âid sıhhî tayyârelerin harb hutûtuna veyâhûd muhârib ordu üzerinden geçip geçmemesi muhârib devletler arasında taʻay- yün edecek şerâite bağlamakdır. Şübhe yok ki, bu proje ancak hükûmet murahhaslarından mürekkeb bir kongrede baʻde't-tedkîk yapılacak muʻâhedenin hükûmetler tarafından kabûlüne mütevakkıf bir keyfiyetdir. Konferans bu sûretle Des Gouttes tarafından yapılan projeyi bâlâdaki taʻdîlâtla kabûl eylemişdir. _______________ Üçüncü Komisyon Muhtelif devletlerin kullandıkları levâzım-ı sıhhiyenin tevhîdi, yani aynı cesâmet ve tarzda iʻmâlleri Muhârebe esnâsında bir orduya âid yaralıların diğer ordunun eline geçmesi sık vâkiʻ olduğun- dan bunların nakil ve tedâvîlerini teshîl için levâzım-ı sıhhiyenin ve bâ-husûs sedye gibi nakle hâdim vesâitin aynı tarz ve cesâmetde iʻmâlleri fâideli görülmüşdür. Bu maksadın istihsâli arzusuyla On İkinci Salîb-i Ahmer Konferansı bir levâzım-ı sıhhiye sergi- si tertîb etmiş ve buraya her hükûmet ordusuna âid levâzım-ı sıhhiyeden birer numûne göndermiş idi. Bu mesʼele ile iştigâl eden üçüncü komisyon bu levâzım-ı sıhhiyeyi tedkîk ederek cesâmet ve şekilce yekdiğerinden pek farklı olduklarını görmüş ve şimdiden numûne modeli kabûlünün gayr-ı kâbil olduğuna kanâʻat getirmişdir. Bununla berâber serîʻan bilhâssa ebʻâd ve sûret-i taʻlîkı nazar-ı dikkate alınmak şartıyla bir [287] numûne sedyesinin taʻyînini gâyet fâideli addetdiğinden bu mesʼele ile iştigâl vazîfesini Beynelmilel Salîb-i Ahmer Komitesi'ne tevdîʻ eylemişdir. Aynı komisyon yara-